,
საქართველოს 21-წლამდელთა საფეხბურთო ნაკრებმა ევროპის ჩემპიონატის პირველ შეხვედრაში ამ ასაკობრივ კატეგორიაში ევროპის ვიცე-ჩემპიონებს, პორტუგალიელებს უმასნპინძლა და ანგარიშით 2-0 დაამარცხა.
ანგარიში 37-ე წუთზე გიორგი გაგუამ გახსნა, პირველი ტაიმის მიწურულს კი მასპინძელთა უპირატესობა საბა საზონოვმა გაზარდა.
მეორე ტაიმში მოედანზე გიორგი გოჩოლეიშვილი, ირაკლი აზაროვი და ზურა დავითაშვილი გამოვიდნენ, რომლებმაც გუშინ გლაზგოში ეროვნული ნაკრების შემადგენლობაში ითამაშეს. 75-ე წუთზე პორტუგალიის ნაკრების მოთამაშემ ტომას არაუიომ გოჩოლეიშვილზე ფოლის გამო წითელი ბარათი მიიღო.
ამავე ჯგუფში ნიდერლანდებისა და ბელგიის ნაკრებებს შორის შეხვედრა ფრედ, 0-0 დასრულდა, ამიტომ საქართველო 3 ქულით ჯგუფის ლიდერია. შემდეგ მატჩს ტურნირზე საქართველოს ნაკრები 24 ივნისს, ბელგიის ნაკრებთან გამართავს.
ფინანსთა სამინისტროს შემოსავლების სამსახური საზოგადოებას შეახსენებს, რომ მიმდინარე წლის 1 ნოემბერს იწურება საქართველოს საგადასახადო კოდექსით განსაზღვრული, ფიზიკური პირის ქონების გადასახადის წლიური დეკლარაციის წარდგენის ვადა.
„ქონების გადასახადის (მათ შორის მიწის) გადამხდელი ფიზიკური პირები ვალდებული არიან, წარმოადგინონ ფიზიკური პირის ქონების გადასახადის 2025 წლის წლიური (2024 წელს მიღებული შემოსავლების მიხედვით) დეკლარაცია არა უგვიანეს, მიმდინარე წლის 1 ნოემბრისა და გადაიხადონ კუთვნილი გადასახადი არა უგვიანეს 15 ნოემბრისა.
დამატებითი ინფორმაციის მისაღებად გთხოვთ, იხილოთ ბმულები:
https://rs.ge/PersonsTaxFAQ?cat=5&tab=1
https://rs.ge/LawNewsArchive?newsId=1589
ვიდეო ინსტრუქცია:
https://www.youtube.com/watch?v=9iMXptuh5ro
სასურველი ინფორმაციის მისაღებად ასევე, შეგიძლიათ ისარგებლოთ შემოსავლების სამსახურის ციფრული სერვისებით - “RS ჩათი“ და “RS ბოტი“ ან დაუკავშირდეთ საკონსულტაციო სატელეფონო ცენტრს 2 299 299
საერთო ჯამში 250 ათასზე მეტ ფიზიკურ პირს, დეკლარაციის წარდგენის ვადის შესახებ, საინფორმაციო ხასიათის მოკლე ტექსტური შეტყობინება გაეგზავნება შემოსავლების სამსახურის ელექტრონულ სისტემაში რეგისტრირებულ მობილურ ნომრებზე", - ნათქვამია შემოსავლების სამსახურის მიერ გავრცელებულ ინფორმაციაში.
