,
საქართველომ მიმდინარე წლის 4 თვეში უცხოურ ბაზრებზე მინერალური და მტკნარი წყლების რეალიზებით 38.3 მლნ დოლარის შემოსავალი მიიღო. ეს მაჩვენებელი გასული წლის ამავე პერიოდის ექსპორტის ღირებულებასთან შედარებით 8.1%-ით არის შემცირებული.
შესაბამისად, იანვარ-აპრილში საქართველოდან ექსპორტზე 71 747 ტონა მინერალური წყალი გავიდა. ეს მაჩვენებელიც გასულ წელთან შედარებით 7.1%-ით ნაკლებია. (2021 წლის იანვარ-აპრილი - 41.7 მლნ დოლარი, 77 252 ტონა).
ოფიციალური სტატისტიკის მიხედვით, რუსეთ-უკრაინის ომის მიუხედავად, აღნიშნული პროდუქტის უმსხვილესი საექსპორტო ქვეყნების სამეულს მიმდინარე წელს რუსეთი, ყაზახეთი და უკრაინა შეადგენენ, თუმცა ომმა ამ ქვეყნებში მინერალური წყლების ექსპორტზე თავისი გავლენა იქონია: რუსეთისა და უკრაინის შემთხვევაში მინერალური წყლების ექსპორტით მიღებული შემოსავალი და ექსპორტის მოცულობები შემცირდა, ყაზახეთში კი გაიზარდა.
მინერალური და მტკნარი წყლების TOP-10 საექსპორტო ბაზარი:
1. რუსეთი - 15.8 მლნ დოლარი, 29 698 ტონა;
2. ყაზახეთი - 8.4 მლნ დოლარი, 14 140 ტონა;
3. უკრაინა - 4.7 მლნ დოლარი, 11 214 ტონა;
4. ლიეტუვა - 2.6 მლნ დოლარი, 4 758 ტონა;
5. ბელარუსი - 2.1 მლნ დოლარი, 4 508 ტონა;
6. უზბეკეთი - 1.6 მლნ დოლარი, 2 802 ტონა;
7. აზერბაიჯანი - 567 ათასი დოლარი, 1 513 ტონა;
8. აშშ - 532 ათასი დოლარი, 819 ტონა;
9. ისრაელი - 453 ათასი დოლარი, 649 ტონა;
10. ყირგიზეთი - 333 ათასი დოლარი, 395 ტონა.
მიმდინარე წლის 3 თვეში საქართველომ 25.7 ათასი დოლარის ღირებულების ორგანოთერაპიისთვის განკუთვნილი ჯირკვლები და სხვა ორგანოების იმპორტი განახორციელა. 2022 წლის დასაწყისში ქვეყანაში შემოტანილი ორგანოების მოცულობა გასული 4 წლის ანალოგიური პერიოდების იმპორტს აღემატება.
ოფიციალური სტატისტიკით ორგანოთერაპიისთვის შემოტანილი ამ დასახელების საქონლის მოცულობა იანვარ-მარტში 0.13 ტონა იყო.
რაც შეეხება ორგანოების იმპორტის წლიურ მონაცემებსა და იმ ქვეყნებს, სადაც საქართველო საქონელს ყიდულობს, საქსტატის მიხედვით, ბოლო ათი წლის განმავლობაში იმპორტის ყველაზე მაღალი მაჩვენებელი 2012 წელს გვქონდა (183 ათასი დოლარი, 0.74 ტონა). აღსანიშნია, რომ პანდემიის დაწყების პირველ წელს საქართველოდან 0.23 ტონა ორგანოების შესაძენად 155 ათასი დოლარი გავიდა. გასულ წელს კი 0.44 ტონა იმპორტირებული საქონლის ღირებულებამ 89.9 ათასი დოლარი შეადგინა.
ოფიციალური სტატისტიკიდან ჩანს, რომ ორგანოთერაპიისთვის განკუთვნილი ჯირკვლებისა და სხვა ორგანოების ყველაზე დიდი მომწოდებელი საქართველოსთვის აშშ-ია - 77.9 ათასი დოლარი, მას მოსდევს გაერთიანებული სამეფო - 3.8 ათასი დოლარი, ჰონ-კონგი - 3.3 ათასი დოლარი, გერმანია - 2.1 ათასი დოლარი, ავსტრალია - 0.9 ათასი დოლარით. საიმპორტო ქვეყნებს შორისაა: კანადა, იტალია, ახალი ზელანდია, ისრაელი, ბელგია და შვეიცარია.
წყარო:https://bm.ge/
