USD 2.7084
EUR 2.9337
RUB 2.9233
Тбилиси
საპენსიო სააგენტოს ყოფილი დირექტორი ლევან სურგულაძე - დანაზოგებზე დარიცხული მიმდინარე რეალური სარგებელი უარყოფითია
дата:  1988

საპენსიო სააგენტოს ყოფილი დირექტორი ლევან სურგულაძე აცხადებს, რომ საპენსიო ანგარიშებზე არსებულ თანხებზე მაღალი ინფლაციის გამო, დანაზოგებზე დარიცხული მიმდინარე რეალური სარგებელი უარყოფითია, თუმცა ინფლაციის მსგავსი მაჩვენებელი, იმედია, დიდხანს არ გაგრძელდება. ამ თემაზე მან "Forbes კვირის" ეთერში ისაუბრა.

მისივე თქმით, რეალური შემოსავლიანობა, რაც განისაზღვრება დარიცხულ სარგებელს გამოკლებული ინფლაცია, ფონდზე ახლა უარყოფითია და გარკვეული პერიოდი ეს ნამდვილად ასე გაგრძელდება, შესაძლოა, 1 წელი და მეტიც.

„მსოფლიოში დღეს ასეთი პროგნოზებია. მერე შეიძლება მაჩვენებლები შეიცვალოს კიდეც. თუ ასე გაგრძელდა, ხოლო ეს ფონდი მთლიანად ბანკში დარჩა, სადღაც მინუსში ან/და ნულთან ახლოს იქნება, მაგრამ მინდა ხაზი გავუსვა იმას, რომ თითოეული ბენეფიციარის გადმოსახედიდან საპანიკო ნამდვილად არაფერია. პირველ რიგში, იმიტომ, რომ ეს გრძელვადიანი საკითხია, ინფლაცია დასრულდება ოდესმე და საპენსიო ფონდიც, რა თქმა უნდა, დადებით შემოსავლიანობაზე გავა.

ასევე უნდა გავითვალისწინოთ ის ფაქტიც, რომ ყოველ მონაწილეს, როდესაც საკუთარ განკარგვად შემოსავალს ზოგავს, განთავსებისთანავე, მომენტალურად ერიცხება 275% სარგებელი ანუ მისი განკარგვადი თანხა, რაც მან დაზოგა, პირდაპირ ოთხმაგდება. ხალხს კი დანაზოგი გაუოთხმაგდათ, მაგრამ იმასაც ვპირდებოდით, რომ მერე ამ ფულის ინვესტირებას მოვახდენდით სხვადასხვა ფინანსურ ინსტრუმენტში, დივერსიფიცირებული სახით და შემდგომ ისინი კიდევ დამატებით სარგებელს მიიღებდნენ“, - განაცხადა სურგულაძემ და დასძინა, რომ სააგენტოს კალკულატორებიც ამაზე იყო გათვლილი.

„ჩვენი კალკულატორებიც ამაზე იყო გათვლილი, როდესაც ვითვლიდით თუ რამდენი იქნებოდა ჩანაცვლების კოეფიციენტი, როცა ხალხი პენსიაზე გავიდოდა. ასე რომ, უარყოფითი შემოსავლიანობა ჩვენს კალკულატორებში არ დევს. შესაბამისად, ინფლაცია კარგი არ არის, მაგრამ იმედი უნდა დავიტოვოთ, რომ ოდესმე დასრულდება. ჩემი აზრით, ახლა ეს არ არის არსებითი და საპანიკო თემა", - აცხადებს სურგულაძე.

ინფორმაციისთვის, საპენსიო დანაზოგები ამჟამად 8 კომერციული ბანკის სადეპოზიტო სერტიფიკატებსა და ვადიან ანაბრებზე, ასევე სარგებლიან მიმდინარე ანგარიშებზე არის განთავსებული. ამ აქტივებს უკანასკნელი მონაცემებით, საშუალოდ წლიური 11% საპროცენტო სარგებელი ერიცხება. სააგენტოს ფასიან ქაღალდებში ინვესტირება ჯერ არ დაუწყია, ამ მიზნით მან 1 ოქტომბერს “საქართველოს ბანკთან” სპეციალიზებული დეპოზიატირს ხელშეკრულებას მოაწერა ხელი, რის შედეგადაც მას სხვადასხვა ფასიან ქაღალდში ინვესტირება შეეძლება.

спорт
კახა კალაძე: ეს არ არის უბრალოდ გამარჯვება, ეს თარიღი საქართველოს უახლეს ისტორიაში ოქროს ასოებით იწერება

საქართველოს ფეხბურთელთა ეროვნული ნაკრების გამარჯვების შემდეგ, საქართველოს პრემიერ-მინისტრი ირაკლი კობახიძე, თბილისის მერი კახა კალაძე და ნაკრების წევრები პირველი რესპუბლიკის მოედანზე შეკრებილ გულშემატკივრებს შეუერთდნენ და გამარჯვება მათთან ერთად აღნიშნეს.

კახა კალაძემ მადლობა გადაუხადა ეროვნულ ნაკრებს და და კიდევ ერთხელ ხაზი გაუსვა პლეიოფის ფინალში გამარჯვების განსაკუთრებულ მნიშვნელობას.

„გილოცავთ! რთულია, ვისაუბრო იმაზე, თუ რამხელა გამარჯვება მოიპოვა ჩვენმა ქვეყანამ. ეს არის ის, რასაც ათეულობით წელი ველოდებოდით. ეს არ არის უბრალოდ გამარჯვება, ეს არის ისტორიის დაწერა. საქართველოს უახლეს ისტორიაში 2024 წლის 26 მარტი ოქროს ასოებით იწერება, იმიტომ, რომ ჩვენი ეროვნული ნაკრები ითამაშებს ევროპის ჩემპიონატზე“, - განაცხადა კახა კალაძემ.

დედაქალაქის მერმა მადლობა გადაუხადა ეროვნული ნაკრების გულშემატკივარსაც.

„მადლობა ყველას, ვინც მოედანზე იმყოფებოდა, ვინც სახლიდან უყურებდა ამ თამაშს. ყოველთვის, როცა ჭირდებოდა საქართველოს ეროვნულ ნაკრებს, იდექით მის გვერდში. იყო უამრავი წაგება, იყო რთული პერიოდი, მაგრამ ყოველთვის იდექით იქ, სადაც ჭირდებოდა ქართულ ფეხბურთს, ქართულ სპორტს და ამისთვის მინდა მადლობა გითხრათ თითოეულ თქვენგანს“, - მიმართა გულშემატკივრებს კახა კალაძემ.

более
голосование
ვინ გაიმარჯვებს რუსეთ - უკრაინის ომში?
голосование
Кстати