საქართველოს საპატრიარქოს პრესცენტრის ხელმძღვანელმა დეკანოზმი ანდრია ჯაღმაიძემ TV პირველის ეთერში განაცხადა,რომ მედიასთან ურთიერთობის ფორმას ცვლის.

მისი განცხადებით, სხვადასხვა ტელევიზიების მიერ გახშირდა სასულიერო პირებზე დეზინფორმაციის გავრცელების ფაქტები.

„მიუხედავად ყველაფრისა, ჩვენ ვცდილობთ შევინარჩუნოთ კორექტული ურთიერთობა იმ მედიასაშუალებებთან, რომლის ეთერშიც მსგავსი სიუჟეტები გავიდა.

ვცდილობთ მაქსიმალურად, სწორი ინფორმაცია მივაწოდოთ რა ხდება საპატრიარქოს ირგვლივ.

საზოგადოებასთან ურთიერთობის სამსახურის ერთ-ერთი მთავარი მიზანი და ფუნქცია სწორედ მსგავსი ცილისწამებისთვის ნათელის მოფენება, ცრუბრალდებების აღმოფხვრა და ეკლესიის რეალური მოღვაწეობის შესახებ საზოგადოებისთვის მართებული ინფორმაციის მიწოდებაა“,- აცხადებს დეკანოზი ჯაღმაიძე.