,
ჩვენ გვინდა სახელმწიფოს გვერდით ვიდგეთ, სახელმწიფო ინტერესები დავიცვათ ბიზნესის ინტერესებთან ერთად, - ამის შესახებ „სანაპირო საინვესტიციო ჯგუფის" წარმომადგენელმა სერგო რუხაძემ მთავრობის ეკონომიკურ გუნდსა და ბაზრობების ხელმძღვანელებს შორის გამართული შეხვედრის შემდეგ განაცხადა.
მისივე თქმით, შეხვედრისას განიხილეს შექმნილი ეპიდემიოლოგიური ფონი და ის გადაწყვეტილებები, რომლებსაც მთავრობა ერთი მხრივ, მოქალაქეთა ჯანმრთელობის დაცვის, ხოლო მეორე მხრივ ბიზნესის მხარდასაჭერად ახორციელებს.
„დღეს იყო შეხვედრა მთავრობის წევრებსა და ბიზნესის წარმომადგენლებს შორის. საკითხი შეეხებოდა Covid-19-ს, ვიცით, რომ ინფიცირებულების რაოდენობა იმატებს და მთავრობის ერთი საფიქრალი არის ის, რომ ინფიცირებული ადამიანების რაოდენობა რაც შეიძლება მინიმუმზე დავიდეს და ამავდროულად, ინფიცირების ზრდამ ცუდად არ იმოქმედოს ბიზნესზე. ჩვენ -ბიზნესი და მთავრობა ერთიანად ვფიქრობთ, შეიქმნას პლატფორმა, რომელიც არ დააზიანებს რეგულაციების ფონს და არ დააზიანებს ეკონომიკის განვითარებას და ეკონომიკური შენელება არ იქნება. ალბათ, მომდევნო კვირაში კიდევ იქნება შეხვედრა. გვინდა სახელმწიფოს გვერდით ვიდგეთ, სახელმწიფო ინტერესები დავიცვათ ბიზნესის ინტერესებთან ერთად“, - განაცხადა „სანაპირო საინვესტიციო ჯგუფის" წარმომადგენელმა.
სერგო რუხაძის კომენტარს მთავრობის ადმინისტრაციის პრესსამსახური ავრცელებს.
ქვეყნის მასშტაბით, სეზონური გრიპის საწინააღმდეგო ვაქცინაცია დაიწყო - აცრა, ყველა მოქალაქისთვის, უფასოდ იქნება ხელმისაწვდომი.
ჯანდაცვის სამინისტროს ცნობით, იმუნიზაციის სახელმწიფო პროგრამის ფარგლებში, საქართველომ, 200 000 დოზა ფრანგული წარმოების, ოთხკომპონენტიანი, (SANOFI WINTHROP INDUSTRIE-ის VaxigripTetra™) სეზონური გრიპის საწინააღმდეგო ვაქცინა შეიძინა, რომელიც ერთ-ერთია ჯანმოს მიერ რეკომენდებულ ვაქცინებს შორის.
„ვაქცინა მორგებულია იმ შტამებზე, რომელთა ცირკულაცია მოსალოდნელია გრიპის სეზონზე.
განსაკუთრებით მნიშვნელოვანია ვაქცინაცია მაღალი რისკის / ქრონიკული დაავადების მქონე პირებისთვის, რადგან ზოგიერთი ადამიანისთვის გრიპი შესაძლოა სახიფათო დაავადებად იქცეს.
აცრა ვაქცინაციის სერვისის მიმწოდებელ სამედიცინო დაწესებულებებსა და პოლიკლინიკებში 6 თვის ასაკიდანაა შესაძლებელი და ბენეფიციარებისთვის სრულად უფასოა”,- აღნიშნულია ინფორმაციაში.
დაწესებულებები იხილეთ ბმულზე: https://ncdc.ge/#/pages/file/87a090e3-e8de-4d08-adaf-aaf0cb8b7128
