,
სამშენებლო კომპანია „ბალავარი“ თბილისის მერიას „მშენებლობის ამნისტიის“ კანონის მიღების 2023 წლამდე გადავადებას სთხოვს. კომპანიის ფინანსური დირექტორი ლევან მაღრაძე აცხადებს, რომ არსებულ მძიმე ეკონომიკური კრიზისის და ლარის გაუფასურების პირობებში, ბინების გაყიდვების მაჩვენებლები ისედაც შემცირებულია. ამ კანონის ამოქმედების შემთხვევაში კი მინიმუმამდე დაეცემა წინასწარი გაყიდვებიც, რაც კომპანიებს კაპიტალის ნაწილში სერიოზულ დარტყმას მიაყენებს.
„ამნისტიის კანონპროექტიდან მინდა ყურადღება გავანახვილო გაზიფიცირების და ელექტროენერგიის საკითხზე. თუ ეს აიკრძალება შენობის ექსპლუატაციაში მიღებამდე, მაშინ მნიშვნელოვნად შეგვიმცირდება წინასწარი გაყიდვები. მომხმარებელს არ ეცოდინება როდის შევლენ ბინებში და ამიტომ თავს შეიკავებენ ყიდვისგან. ეს დააზიანებს სამშენებლო სექტორს კაპიტალის ნაწილში, არ იქნება ფულადი სახსრების შემოდინება აქედან. შესაბამისად ჩვენი მდგომარეობა გართულდება მითუმეტეს ამ სიტუაციაში, იცით რა ხდება სავალუტო ბაზარზე. ლარის კურსი პირდაპირპროპორციულად აისახება გაყიდვების მაჩვენებელზე, სამშენებლო პროექტის ძირითადი ნაწილი, ალბათ 90% იმპორტირებულია.
2020 წლის პირველ კვარტალში კურსი 2.8 იყო და დღეს 3.5-ს უახლოვდება, ეს ამცირებს გაყიდვებს, აძვირებს თვითღირებულებას, თუმცა სარეალზიაციო ფასი ამას ვერ მიჰყვება. ასეთ კრიზისულ ვითარებაში პროდუქციას ვერ გააძვირებ, ამიტომ ახალი რეგულაციების ამოქმედება შეიძლებოდა განგვეხილა გრძელვადიან პერიოდში, მაგალითად 2023 წლიდან, როდესაც ეკონომიკური სიდუხჭირე განიმუხტებოდა და სექტორი ისეთი წნეხის ქვეშ აღარ იქნებოდა, როგორშიც დღეს არის. მინდა ვთხოვო ყველას, ვინც მუშაობას ამაზე, რომ დროებით შეჩერდეს ეს პროცესი და გადადონ 2023 წლამდე“- აცხადებს მაღრაძე.
ირანისკენ კიდევ ერთი მშვენიერი არმადა მიემართება, - ამის შესახებ აშშ-ის პრეზიდენტმა, დონალდ ტრამპმა აიოვას შტატში, მხარდამჭერების წინაშე სიტყვით გამოსვლისას განაცხადა.
„ივნისში, ირანის ბირთვული პოტენციალი გავანადგურეთ. ამას ხალხი 22 წელი ელოდა. მათ ბირთვულ იარაღამდე დაახლოებით ერთი თვე აშორებდათ. ეს უნდა გაგვეკეთებინა“, - განაცხადა ტრამპმა.
დონალდ ტრამპმა იმედი გამოთქვა, რომ ირანი აშშ-სთან შეთანხმებას გააფორმებს.
„ახლა ირანისკენ კიდევ ერთი მშვენიერი არმადა მიემართება. დიდი იმედი მაქვს, რომ შეთანხმებას გააფორმებენ. შეთანხმება პირველივე ჯერზე უნდა გაეფორმებინათ“, - აღნიშნა აშშ-ის პრეზიდენტმა.
ცნობისთვის, ავიამზიდ „აბრაამ ლინკოლნის“ დამრტყმელი ჯგუფი ახლო აღმოსავლეთში ორშაბათს ჩავიდა. აშშ-ის ცენტრალურმა სარდლობამ განაცხადა, რომ დამრტყმელი ჯგუფი სამხედრო მზადყოფნის შემოწმების მიზნით წვრთნებს ჩაატარებს.
ინფორმაციისთვის, აშშ-ის პრეზიდენტის, დონალდ ტრამპის განცხადებით, ირანმა აშშ-სთან ახალი ბირთვული შეთანხმება უნდა დადოს, რომლის ფარგლებშიც თეირანი ურანის გამდიდრებას ვეღარ შეძლებს. 2025 წლის გაზაფხულზე აშშ-ის პრეზიდენტმა ირანის უზენაეს ლიდერს, აიათოლა ალი ხამენეის წერილი გაუგზავნა და მოლაპარაკებებისკენ მოუწოდა. წერილის თანახმად, დონალდ ტრამპმა ირანს ორი თვე მისცა, რათა ბირთვული პროგრამა შეეჩერებინა. 2025 წლის აპრილში, ომანში აშშ-ისა და ირანის დელეგაციებს შორის მოლაპარაკებები დაიწყო, რომელიც ივნისამდე გაგრძელდა. ირანმა ბირთვული პროგრამის შეჩერების შესახებ აშშ-ის მოთხოვნას მიუღებელი უწოდა და განაცხადა, რომ აშშ-ს ახალ წინადადებას წარუდგენდა. გასული წლის 13 ივნისს ისრაელმა ირანში რამდენიმე სამხედრო ობიექტს დაარტყა, ხოლო ისრაელის იერიშების დაწყებიდან ერთი კვირის შემდეგ, აშშ-მა ირანში ბირთვული ობიექტები დაბომბა.
