,
დაპირისპირება საკრებულოს სხდომაზე - "ოცნების" წევრებმა ოპოზიციონერ დეპუტატს აგინეს. მმართველი გუნდის წევრების გაღიზიანება კუპრავას განცხადებას მოჰყვა, სადაც ოპოზიციონერი ბავშვები გარდაცვალების საკითხს შეეხო.
"ის, რომ შადრევნებზე კვდებიან ბავშვები, პატარა გოგოები და პატარა ბიჭები ბატუტებზე იხოცებიან, და საქანელაზე კიდევ. საქანელას იმიტომ ვახსენებ, რომ ოჯახის განმარტებით, საქანელა იყო ბოლო ადგილი, სადაც საწყალი ანა, ეს ბავშვი წუხელ ცოცხალი ნახეს", - თქვა კუპრავამ. კუპრავას ამ განცხადების შემდეგ, მას მიკროფონიც გაუთიშეს და სხდომატა დარბაზის დატოვებას სთხოვდნენ.
მანამდე კი ოპოზიციასა და მმართველი გუნდის წარმომადგენლებს შორის სიტყვიერი დაპირისპირება მას შემდეგ დაიწყო, რაც თბილისის საკრებულოში პარტია „ანა დოლიძე-ხალხისთვის“ წევრმა, ნინო წულაძემ „ქართული ოცნების“ წევრებს „წითელი ბარათი" დაურიგა და განაცხადა, რომ ხელისუფლებამ საპროტესტო აქციებზე წყლის ჭავლისა და ცრემლსადენი აირის გამოყენებით, ძალას გადაამეტა.
„ჩვენ რომ გვეუბნებით, "ნაციონალური მოძრაობის" ნარატივს აგრძელებთო, ეს არის არასწორი. გინდათ ეს მოწოდებები ხელოვნურად გაუშვათ საზოგადოებაში. ეს იყო ახალგაზრდების მშვიდობიანი მუხტი. ჩვენი ქვეყნის მოქალაქეები სრულიად უსაფუძვლოდ ცრემლსადენი გაზითა და წყლის ჭავლით დაშალეთ", - განაცხადა ნინო წულაძემ, რასაც საკრებულოს სხდომაზე ხმაური მოჰყვა.
