,
თბილისის საკრებულოს განათლებისა და კულტურის კომისიის თავმჯდომარე ქართულ - ამერიკული უმაღლესი სკოლის და 300 არაგველის სახელობის თბილისის 75-ე საჯარო სკოლების მოსწავლეებს შეხვდა.
კახა ლაბუჩიძემ მოსწავლეებს დედაქალაქის მერიისა და წარმომადგენლობითი ორგანოს მუშაობის სპეციფიკა, თბილისში გატარებული რეფორმები და ძირითადი პრიორიტეტი დეტალურად გააცნო.
მანვე განათლებისა და კულტურის კომისიის მუშაობის მიმართულებებსა და პრინციპებზე, მათ შორის ბიბლიოთეკების და მედიათეკების, მოსწავლე ახალგაზრდობის სახლებისა და სასახლის, ასევე თბილისის მუზეუმების გაერთიანების, ბაგა-ბაღების მართვის სააგენტოს საქმიანობის შესახებ ისაუბრა და სკოლების სახელდებასა და პარტნიორ უწყებებთან ურთიერთთანამშრომლობის მემორანდუმების გაფორმების პროცესის მნიშვნელობას გაუსვა ხაზი.
მოსწავლეებს სიტყვით საკრებულოს წევრმა ვლადიმერ ბოჟაძემ მიმართა, ადგილობრივი თვითმმართველობის ისტორია გააცნო და მათ დედაქალაქის ყოველდღიურ ცხოვრებაში საკრებულოს ისტორიული შენობის მნიშვნელობაზე ესაუბრა.
როგორც შეხვედრაზე აღინიშნა, მოსწავლეები დაინტერესებულები არიან როგორც საკუთარ უფლება-მოვალეობების, ასევე მერიისა და საკრებულოს მუშაობის სპეციფიკის გაცნობით.
აქედან გამომდინარე, შეხვედრის მიზანი სწავლების პროცესში ადგილობრივ თვითმმართველობებში გადაწყვეტილებების მიღების წესების და პროცედურების, ასევე თეორიული საკითხების გაცნობაა.
შეხვედრა კითხვა-პასუხის რეჟიმში გაგრძელდა, სადაც კახა ლაბუჩიძემ და ვლადიმერ ბოჟაძემ მოსწავლეების შეკითხვებს უპასუხეს.
პრეზიდენტმა ვლადიმირ პუტინმა განაცხადა, რომ 2025 წელს რუსეთის ეკონომიკური ზრდის ტემპი 1%-მდე შენელდა.
მთავრობის სხდომაზე გამოსვლისას მან აღნიშნა, რომ ეს მაჩვენებელი საგრძნობლად ჩამორჩება წინა წლების დინამიკას. კერძოდ, 2023 წელს 4.1%-იანი და 2024 წელს 4.3%-იანი ზრდა დაფიქსირდა, რაც სამხედრო ხარჯების ზრდის ეფექტით იყო განპირობებული.
პრეზიდენტის თქმით, ეკონომიკური აქტივობის ასეთი შენელება მთავრობისთვის მოსალოდნელი იყო და ის დიდწილად ინფლაციის წინააღმდეგ მიმართულმა ხელოვნურმა ზომებმა განაპირობა. ამ შემთხვევაში, პუტინი ცენტრალური ბანკის მიერ განსაზღვრულ რეფინანსირების განაკვეთზე მიუთითებს, რომელიც 16%-იან ნიშნულზეა.
პუტინმა ხაზი გაუსვა, რომ ცენტრალური ბანკის მიზანმიმართულმა პოლიტიკამ შედეგი გამოიღო და ინფლაცია, რომელიც 2024 წელს 9.5%-ს შეადგენდა, წელს 5.6%-მდე შემცირდა. მისივე პროგნოზით, 2026 წლის ბოლოსთვის ეს მაჩვენებელი 5%-იან ნიშნულამდე დაიწევს.
ეკონომიკური ზრდის შენელების მიუხედავად, კრემლი ამტკიცებს, რომ სახელმწიფო ბიუჯეტი სრულად ფარავს სოციალურ ვალდებულებებსა და სამხედრო საჭიროებებს, მიუხედავად იმისა, რომ რეკორდულად მზარდი ბიუჯეტის დეფიციტი სხვა რეალობაზე მიუთითებს.
ექსპერტთა ნაწილი მიიჩნევს, რომ რუსეთის ეკონომიკურ სტაგნაციას სამუშაო ძალის დეფიციტი, მაღალი საპროცენტო განაკვეთები და დასავლური სანქციების კუმულაციური ეფექტი იწვევს, რომლის სრულ მასშტაბებს უფრო მეტად 2026-27 წლებში ვიხილავთ.
ცნობისთვის, 2026 წლისთვის რუსეთის მთავრობა მშპ-ის 1%-1.3%-იან ზრდას პროგნოზირებს, თუმცა საერთაშორისო სავალუტო ფონდი უფრო პესიმისტურ, 0.8%-იან ზრდის მაჩვენებელს ვარაუდობს.
წყარო: https://bm.ge/
