,
ნარკოტიკების საერთაშორისო კონტროლთან დაკავშირებით აშშ-ის სახელმწიფო დეპარტამენტის წლიური ანგარიშის თანახმად, საქართველო რჩება მიმზიდველ სატრანზიტო კვანძად ავღანეთიდან, ირანიდან და ევრაზიის სხვა ქვეყნებიდან ოპიატების მნიშვნელოვანი რაოდენობის ევროპაში, შავი ზღვის გავლით ტრანზიტისთვის.
აღნიშნული დოკუმენტის თაობაზე ინფორმაციას შინაგან საქმეთა სამინისტრო ავრცელებს.
როგორც ანგარიშშია ნათქვამი, 2022 წლიდან უკრაინაში, რუსეთის სრულმასშტაბიანი შეჭრის დაწყების შემდეგ, ტრანსნაციონალური ნარკოორგანიზაციები იყენებენ ნარკოტიკებით ვაჭრობის ახალ მარშრუტებს საქართველოს გავლით ოპიოიდების და სინთეზური ნარკოტიკების გადასაზიდად ევროპიდან ისეთ ქვეყნებში, როგორიცაა თურქეთი, სომხეთი და აზერბაიჯანი.
„ამერიკის შეერთებული შტატების სახელმწიფო დეპარტამენტის მიერ ნარკოტიკების საერთაშორისო კონტროლთან დაკავშირებით გამოქვეყნებულ წლიურ ანგარიშში საქართველოსთან დაკავშირებით აღნიშნულია, რომ შეერთებული შტატები განაგრძობს საქართველოს სამართალდამცავი ორგანოების ნარკოტიკებთან ბრძოლის შესაძლებლობების გაძლიერებას. აშშ-ის ინიციატივით საქართველო შეუერთდა 2023 წელს ჩამოყალიბებულ გლობალურ კოალიციას სინთეზური ნარკოტიკების წინააღმდეგ საბრძოლველად.
ანგარიშში საუბარია ნარკოტიკების წინააღმდეგ ბრძოლის მიმართულებით განხორციელებულ საერთაშორისო თანამშრომლობაზე. მათ შორის აღნიშნულია, რომ 2023 წლის აპრილში ამერიკის შეერთებული შტატების ხელშეწყობით განხორციელდა საქართველოს შინაგან საქმეთა სამინისტროს ცენტრალური კრიმინალური პოლიციის დეპარტამენტისა და ბელგიის ხელისუფლების ერთობლივი ოპერაცია, რომლის შედეგადაც მოხდა 400 კგ ჰეროინის ამოღება. ასევე, ხაზგასმულია, რომ 2023 წლის მაისში ამერიკის შეერთებული შტატები, საქართველოს შინაგან საქმეთა სამინისტროს, ირანიდან საქართველოში ფოთის პორტში გაგზავნილი მეორე კომერციული კონტეინერის იდენტიფიცირებაში დაეხმარა, საიდანაც 80 კგ ჰეროინის ამოღება მოხდა.
ნარკოტიკების საერთაშორისო კონტროლთან დაკავშირებით წლიურ ანგარიშში ნათქვამია, რომ 2023 წელს მიღებული იქნა ნარკოტიკების 2023-30 წლების ახალი სტრატეგია და 2023-24 წლების სამოქმედო გეგმა, რომელიც მოიცავდა რამდენიმე ახალ ინიციატივას, როგორიცაა ადრეული გაფრთხილების სისტემა ნარკოტიკების განვითარებადი ტენდენციების მონიტორინგისთვის და ნარკოტიკებთან დაკავშირებული სიკვდილის ინდიკატორის შემუშავებისთვის.
ანგარიშის მიხედვით, საქართველო რჩება მიმზიდველ სატრანზიტო კვანძად ავღანეთიდან, ირანიდან და ევრაზიის სხვა ქვეყნებიდან ოპიატების მნიშვნელოვანი რაოდენობის ევროპაში, შავი ზღვის გავლით ტრანზიტისთვის.
ანგარიშში აღნიშნულია, რომ 2022 წლიდან უკრაინაში, რუსეთის სრულმასშტაბიანი შეჭრის დაწყების შემდეგ, ტრანსნაციონალური ნარკოორგანიზაციები იყენებენ ნარკოტიკებით ვაჭრობის ახალ მარშრუტებს საქართველოს გავლით ოპიოიდების და სინთეზური ნარკოტიკების გადასაზიდად ევროპიდან ისეთ ქვეყნებში, როგორიცაა თურქეთი, სომხეთი და აზერბაიჯანი“,- ნათქვამია ინფორმაციაში.
პრეზიდენტმა ვლადიმირ პუტინმა განაცხადა, რომ 2025 წელს რუსეთის ეკონომიკური ზრდის ტემპი 1%-მდე შენელდა.
მთავრობის სხდომაზე გამოსვლისას მან აღნიშნა, რომ ეს მაჩვენებელი საგრძნობლად ჩამორჩება წინა წლების დინამიკას. კერძოდ, 2023 წელს 4.1%-იანი და 2024 წელს 4.3%-იანი ზრდა დაფიქსირდა, რაც სამხედრო ხარჯების ზრდის ეფექტით იყო განპირობებული.
პრეზიდენტის თქმით, ეკონომიკური აქტივობის ასეთი შენელება მთავრობისთვის მოსალოდნელი იყო და ის დიდწილად ინფლაციის წინააღმდეგ მიმართულმა ხელოვნურმა ზომებმა განაპირობა. ამ შემთხვევაში, პუტინი ცენტრალური ბანკის მიერ განსაზღვრულ რეფინანსირების განაკვეთზე მიუთითებს, რომელიც 16%-იან ნიშნულზეა.
პუტინმა ხაზი გაუსვა, რომ ცენტრალური ბანკის მიზანმიმართულმა პოლიტიკამ შედეგი გამოიღო და ინფლაცია, რომელიც 2024 წელს 9.5%-ს შეადგენდა, წელს 5.6%-მდე შემცირდა. მისივე პროგნოზით, 2026 წლის ბოლოსთვის ეს მაჩვენებელი 5%-იან ნიშნულამდე დაიწევს.
ეკონომიკური ზრდის შენელების მიუხედავად, კრემლი ამტკიცებს, რომ სახელმწიფო ბიუჯეტი სრულად ფარავს სოციალურ ვალდებულებებსა და სამხედრო საჭიროებებს, მიუხედავად იმისა, რომ რეკორდულად მზარდი ბიუჯეტის დეფიციტი სხვა რეალობაზე მიუთითებს.
ექსპერტთა ნაწილი მიიჩნევს, რომ რუსეთის ეკონომიკურ სტაგნაციას სამუშაო ძალის დეფიციტი, მაღალი საპროცენტო განაკვეთები და დასავლური სანქციების კუმულაციური ეფექტი იწვევს, რომლის სრულ მასშტაბებს უფრო მეტად 2026-27 წლებში ვიხილავთ.
ცნობისთვის, 2026 წლისთვის რუსეთის მთავრობა მშპ-ის 1%-1.3%-იან ზრდას პროგნოზირებს, თუმცა საერთაშორისო სავალუტო ფონდი უფრო პესიმისტურ, 0.8%-იან ზრდის მაჩვენებელს ვარაუდობს.
წყარო: https://bm.ge/
