საკალათბურთიო კლუბი "ქუთაისი 2010" საქართველოს საკალათბურთო სუპერლიგის ჩემპიონია.
კლუბმა გადამწყვეტ საფინალო ბრძოლაში "კავკასიას" 90 : 82 ანგარიშით მოუგო და ქვეყნის ჩემპიონობა მოიპოვა.
"ქუთაისი!!!
ჩვენ ჩემპიონები ვართ. ჩვენ ეს შევძელით და ქუთაისმა კიდევ ერთხელ მოიპოვა საქართველოს ჩემპიონის ტიტული.
90:82, ეს არის ამ სეზონის უკანასკნელი მატჩის ანგარიში.
კავკასიასთან, ძალიან კარგ, ღირსეულ გუნდთან, რომელმაც ფინალში ერთი თამაშიც კი წაგვართვა, მაგრამ ქუთაისი უკეთესი იყო.
ცხელ გულზე ბევრი ემოცია წამოვა და დეტალურად ყველაფერი ხვალ გავიაროთ, მანამდე კი მადლობები.
მადლობა გულშემატკივარს, რომელიც პირველიდან ბოლო მატჩამდე გვერდში გვედგა.
მადლობა ყველას, ვინც სწორ ღილაკებზე დაჭერით გუნდს მაქსიმალურად მაგარი პირობები შეუქმნა.
მადლობა ყველა გუნდს, რომელიც შეგვხდა და მაქსიმალური მოტივაცია დაგვიტოვა.
მადლობა ჩვენი გუნდის ყველა წევრს, რომლებიც იღლებოდნენ და საქმეს სამაგალითო კარგად აკეთებდნენ.
მადლობა ყველა მოთამაშეს ყველაფრისთვის. იყო ტრავმები, იყო სხვა ეპიზოდები, მაგრამ ქუთაისი იყო ერთი ოჯახი და ქუთაისმა ყველა გაიტანა.
იმიტომ, რომ ეს ჩვენი სეზონი იყო.
მადლობა, განსაკუთრებული მადლობა საქართველოს საუკეთესო მწვრთნელს კოტე ტუღუშს, რომელმაც ასისტენტებთან ერთად რთული ეტაპი გაიარა და მოსაგები მოიგო.
ქუთაისი ჩემპიონია.
ხვალ დეტალებს გავივლით."
