USD 2.7384
EUR 2.8548
RUB 2.6619
Tbilisi
საინტერესო ფაქტები სიზმრების შესახებ
Date:  2161

გივი ენდელაძე

სიზმრები ერთ-ერთი ყველაზე ამოუცნობი და ამაღელვებელი გამოცდილებაა ჩვენს ცხოვრებაში, ამიტომაც ბუნებრივია სურვილი გვქონდეს, გავიგოთ რაც შეიძლება მეტი სიზმრების ფსიქოლოგიაზე.

სიზმრები მნიშვნელოვან როლს თამაშობდა ადამიანების ცხოვრებაში ჯერ კიდევ ძვ. წ. 3100-იანი წლებიდან, როცა მესოპოტამიის ცივილიზაცია დაიბადა და მაშინ მმართველობითი გადაწყვეტილებების უმეტესობა, სიზმრების განმარტებების მიხედვით მიიღებოდა. რომალების ერაში, ზოგიერთი სიზმარი სენატს გადაეცემოდა გასაანალიზებლად და განსამარტავად. ფიქრობდნენ, რომ სიზმრები ღმერთის გამოგზავნილი შეტყობინებები იყო. სიზმრების ამხსნელები მთავრსარდლებს და ჯარის წინამძღვრებსაც ახლდნენ ხოლმე თან! და დღევანდელ დღემდეც კი, ჩვენ ვეძებთ განმარტებებს, თუ რას მიანიშნებენ სიზმრები. თუმცა, სიზმრებთან დაკავშირებულმა უმეტესმა ინფორმაციამ დაკარგა მისტიურობა და ახლა ისინი ფსიქოლოგიის ჭრილში განიხილება.

დამატებით, შეიძლება ითქვას, რომ მრავალი ხელოვანის თუ მეცნიერის შთაგონება სიზმრებიდან მოსულა.

გთავაზობთ საინტერესო ფაქტებს სიზმრების შესახებ..

სიზმრების 90 % გვავიწყდება

გაღვიძებიდან 5 წუთში, ნანახი სიზმრების ნახევარი გვავიწყდება. 10 წუთის შემდეგ კი 90 %.

უსინათლოებიც ხედავენ სიზმრებს

ადამიანებს, რომლებმაც მხედველობა დაბადების შემდეგ დაკარგეს, შეუძლიათ სიზმრებში სურათების დანახვა. ვინც უსინათლო დაიბადა, სიზმრად ვიზუალს არ ხედავენ, თუმცა აქვთ ვიზუალური სიზმრის თანასწორი სიზმრები, რასაც სხვა შეგრძნებები ანაზღაურებენ, ყნოსვა, სმენა, შეხება და ემოცია.

სიზმარს ყველა ხედავს

ყველა ადამიანი ხედავს სიზმარს (ზოგიერთი ექსტრემალური ფსიქოლოგიური დარღვევის მქონეთა გამოკლებით). თუ ფიქრობ, რომ სიზმრებს არ ნახულობ – უბრალოდ გავიწყდება ყველა სიზმარი.

ჩვენს სიზმრებში, მხოლოდ იმ სახეებს ვხედავთ, რომებიც უკვე გვინახავს

ჩვენი გონება არ იგონებს სახეებს – ვხედავთ რეალურ სახეებს და რეალურ ადამიანებს, რომლებიც აქამდე უკვე გვინახავს, თუმცა შეიძლება არ ვიცნობდეთ მათ, ან არ გვახსოვდეს. ჩვენ ყველა ცხოვრების მანძილზე ასიათასობით სახეს ვხედავთ, შესაბამისად ჩვენ გონებას პერსონაჟების უსასრულო მარაგი გააჩნია.

ყველა ადამიანი ფერად სიზმრებს არ ხედავს

იმ ადამიანების 12 %, რომელთაც მხედველობა გააჩნიათ, გამორჩეულად ხედავენ შავ-თეთრ სიზმრებს. დარჩენილ პროცენტს ფერადი სიზმრები აქვს. 1915 წლიდან 1950-იან წლებამდე ჩატარებული გამოკვლევებით, სიზმრების უმეტესობა შავ-თეთრი იყო, თუმცა ამ შედეგმა ცვლილება განიცადა 1960-იანი წლებიდან. დღეს, 25 წლამდე ადამიანების მხოლოდ 4.4 % ხედავს ფერად სიზმრებს. კვლევების მიხედვით ვგებულობთ, რომ ეს ცვლილება დაკავშირებულია შავ-თეთრი ტელევიზიიდან და შოუებიდან ფერადზე გადასვლასთან.

სიზმრები სიმბოლურია

როცა ჩვენ რაიმე კონკრეტულზე თემაზე ვხედავთ სიზმარს, იშვიათადაა მისი მნიშვნელობა ამ თემას ემთხვეოდეს. სიზმრები ღრმად სიმბოლური ენით გვესაუბრებიან.

ემოციები

ყველაზე ხშირად სიზმარში მღელვარებას განვიცდით. სიზმარში ნეგატიური ემოციები გაცილებით ხშირია, ვიდრე პოზიტიური.

ერთ ღამეში შეიძლება 4-დან 7-მდე სიზმარი ვიხილოთ

საშუალოდ, ღამის მანძილზე ერთი ან ორი საათი ვხედავთ სიზმრებს.

სიზმრებს ცხოველებიც ხედავენ

სხვადასხვა ცხოველებზე ჩატარებულმა კვლევებმა, ცხოველებში ძილისას იგივე ტვინის ტალღების აქტივობა აჩვენა, რაც ადამიანებს აქვთ. დააკვირდით მძინარე ძაღლს. ზოგჯერ მისი თათები იგივე მოძრაობას აკეთებს, რასაც სირბილისას და ქოშინის მსგავს ხმას გამოსცემს თითქოს რაიმეს მისდევდეს.

ქალები და კაცების სიზმრები განსხვავდება

მამაკაცები უმეტესად სიზმარში სხვა მამაკაცებს ხედავენ. მამაკაცების სიზმარში პერსონაჟების 70%-მდე მამრობითი სქესისაა. მაშინ როცა, ქალების სიზმარში პროცენტები დაახლოებით თანაბარია. ამის გარდა, კაცებს როგორც წესი, სიზმარში მეტად აგრესიული ემოციები აქვთ ხოლმე.

სიზმარში შესაძლებელია ორგაზმი გქონდეს

სიზმარში შესაძლებელია გქონდეს სექსი და გამოსცადო იმაზე უფრო ძლიერი ორგაზმი, ვიდრე რეალურ ცხოვრებაში. ლუციდური სიზმრისას გამოცდილი შეგრძნებები (შეხება, სიამოვნება…) შესაძლებელია იყოს ისეთივე სასიამოვნო და ძლიერი (ან უფრო ძლიერიც კი), ვიდრე ეს რეალურ ცხოვრებაშია.

 

ორიგინალი სტატიის ავტორი: https://www.boredpanda.com/author/linadavidaviciute

analytics
«The Washington Post» (აშშ): „ომისადმი შიშის გამო, საქართველო რუსეთისაკენ დაბრუნებას ირჩევს“

ამერიკული გაზეთი „ვაშინგტონ პოსტი“ (The Washington Post) აქვეყნებს სტატიას სათაურით „ომისადმი შიშის გამო, საქართველო რუსეთისაკენ დაბრუნებას ირჩევს“ (ავტორი - მარია ილიუშინა), რომელშიც განხილულია არჩევნებისშემდგომი სიტუაცია საქართველოში.

გთავაზობთ პუბლიკაციას შემოკლებით:

(...) ქართველთა უმრავლესობა - გამოკითხვების მიხედვით, 80%-ზე მეტი - მხარს უჭერს ქვეყნის ევროპულ ორიენტაციას და მოსკოვის მიმართ მაინცდამაინც განსაკუთრებულ სიყვარულს არ ამჟღავნებს, ოპოზიცია კი ცდილობს ხმის მიცემის შედეგები წარმოადგინოს როგორც არჩევანი ევროკავშირსა და რუსეთს შორის.

მაგრამ იმის გათვალისწინებით, რომ ორ ქვეყანას შორის 2008 წლის აგვისტორში მომხდარი ხანმოკლე ომის შედეგად საქართველოს ტერიტორიის 20% დე-ფაქტოდ რუსეთის კონტროლის ქვეშ იმყოფება, მოსკოვის სამხერო ძლიერების ჩრდილი სულ უფრო შესამჩნევი ხდება. შესაბამისად, „ქართულმა ოცნებამ“ ამომრჩევლებს უფრო რადიკალური დილემა შესთავაზა: არჩევანი მშვიდობასა და ომს შორის.

მმართველი პარტიის „რუსეთის მხარეს შებრუნება“ შედარებით ახალ მოვლენას წარმოადგენს. 2012 წელს, როცა „ქართული ოცნება“ ხელისუფლებაში მოვიდა, მნიშვნელოვან საგარეოპოლიტიკურ წარმატებას მიაღწია - სწრაფად დაუახლოვდა ევროკავშირს მასში გაწევრიანების სურვილით, მაგრამ რუსეთ-უკრაინის ომის დაწყების კვალობაზე პარტიამ რუსეთის ორბიტისაკენ გადაუხვია. მთავრობამ ევროპა და ადგილობრივი ოპოზიცია წარმოადგინა „ომის გლობალური პარტიად“, რომელსაც სურს საქართველო მოსკოვთან ომში ჩაითრიოს და კრემლთან დაპირისპირების ინსტრუმენტად გამოიყენოს

ამჟამად „ქართული ოცნება““ ოფიციალურად პრორუსულ პარტიას არ წარმოადგენს, მაგრამ ხშირად მისი პრაქტიკული მოქმედება საერთო პრორუსულ ჩარჩოებში ჯდება. 

ევროპული გზიდან გადახვევის პოლიტიკის ცენტრში მოჩანს „ქართული ოცნების“ დამაარსებელი ბიძინა ივანიშვილი - მილიარდერი, ყოფილი პრემიერ-მინისტრი, რომელიც ბოლო ათწლეულში წავიდა ქართული პოლიტიკიდან, მაგრამ იმავდროულად გავლენიან ადამიანად რჩებოდა. ბიძინა ივანიშვილი რუსეთში ყოფნის დროს გამდიდრდა, 1990-იან წლებში და როგორც მისი კრიტიკოსები ამბობენ,  მისი რიტორიკა და პოლიტიკური მრწამსი რუსეთის ლიდერის პოზიციას უთავსდება.

რუსეთის არმიის უკრაინაში შეჭრის დაწყებიდან პურველ ეტაპზე საქართველომ უკრაინას მხარი დაუჭირა. თბილისში დღესაც ბევრი უკრაინული დროშა ფრიალებს, მაგრამ მთავრობა თავს იკავებს რუსეთის გადაჭარბებული კრიტიკისაგან და ერიდება ანტირუსული სანქციების რეალიზებას.

„ჩვენ, როგორც ქვეყნის მმართველმა პარტიამ, მთავრობამ, ყველაფერი გავაკეთეთ უკრაინისა და უკრაინელი ხალხის მხარდასაჭერად“, - განაცხადა „ვაშინგტონ პოსტთან“ საუბარში „ქართული ოცნების“ თავმჯდომარის მოადგილემ არჩილ თალაკვაძემ, მაგრამ, მისი თქმით, დასავლეთის ოფიციალურმა პირებმა რუსეთ-უკრაინის ომში საქართველოს ჩათრევა მოისურვეს: „ჩვენ ჩავთვალეთ, რომ ასეთი პოლიტიკა საქართველოსათვის ძალზე სარისკო და გაუმართლებელი იქნებოდა“.

„ქართულმა ოცნებამ“ წინასაარჩევნო კამპანიის დროს აქტიურად ისარგებლა უკრაინის ომით და ამომრჩევლებს პლაკატების სერია შესთავაზა, რომლებზე გამოსახულია ერთი მხრივ, ომით დანგრეული უკრაინის ქალაქები და სოფლები, მეორე მხრივ - აღმშენებლობის პროცესში მყოფი საქართველო. ასეთმა პროპაგანდამ თავისი გამოძახილი ჰპოვა რუსეთთან ომგადატანილ საქართველოს მოსახლეობაში, განსაკუთრებით სოფლებში, ოკუპირებულ რეგიონებთან ახლოს, მხარეთა დამაშორიშორებელ ე.წ. სადემარკაციო ხაზის გასწვრივ.

როგორ ავიცილოთ თავიდან ომი

ქართველებს კარგად ახსოვთ 2008 წლის აგვისტოს ომი. ჭორვილისაკენ - ბიძინა ივანიშვილის მშობლიური სოფლისაკენ მიმავალი გზა, რომელიც კავკასიის ქედის სამხრეთ კალთებზე მდებარეობს, სწორედ რუსეთის მიერ ოკუპირებული რეგიონის - სამხრეთ ოსეთთან ახლოს გადის, სულ რაღაც ორიოდე კილომეტრში, სადემარკაციო ხაზთან.

ჭორვილაში ბიძინა ივანიშვილს თითქმის ეროვნულ გმირად თვლიან - მდიდარ ადამიანად, რომელიც თანასოფლელებს ყოველმხრივ ეხმარებოდა - სახლებისა თუ გზების მშენებლობაში, ჯანდაცვასა თუ კომუნალური გადასახადების გადახდაში, სანამ მან სახელმწიფო თანამდებობა - ქვეყნის პრემიერ-მინისტრის პოსტი არ დაიკავა.

„მე ომის მოწინააღმდეგ ვარ. დარწმუნებული ვარ, რომ „ქართული ოცნება“ მსვიდობას შეინარჩუნებს. არ გვსურს, რომ რომელიმე ქვეყანა საქართველოს მტერი იყოს და არც ის გვინდა, რომ საქართველოს იყოს სხვა ქვეყნის მტერი“, - ამბობს გიორგი გურძენიძე, სკოლის დირექტორი, რომელსაც ახსოვს, თუ როგორ ხმაურით დაფრინავდნენ სოფლის თავზე, ცაში რუსული თვითმფრინავები 2008 წელს.

„ქართული ოცნება“ აქტიურად უჭერს მხარს ბიძინა ივანიშვილის პოლიტიკური კურსის ორ ძირითად მომენტს - მშვიდობას ნეიტრალიტეტის გზით და ქართული ტრადიციული ფასეულობების დაცვას. „ქართული ოცნების“ მტკიცებით, მისი სტრატეგიული მიზანი არ შეცვლილა - ევროინტეგრაცია ძალაში რჩება, რომლის რეალიზებას 2030 წლისათვის არის დაგეგმილი: საქართველო ევროკავშირის წევრი გახდება „ღირსეულად“ და ტრადიციული ეროვნული ფასეულობების დაცვით.

„რა თქმა უნდა, მსურს ევროკავშირის წევრი ვიყოთ, მაგრამ ჩვენ ჩვენი წინაპრების ღირსებაც და მემკვიდრეობაც უნდა დავიცვათ. ქალი ქალი უნდა იყოს, კაცი კი - კაცი“, - ამბობს ჭორვილელი მამია მაჭავარიანი.

ქართველთა ღირსება კი დაცული იქნება ორი კანონით, რომლებმაც, პრაქტიკულად, ევროკავშირში საქართველოს პოტენციური წევრობის პროცესი შეაჩერეს - იმიტომ, რომ მათი დებულებები ევროპული ბლოკის სტანდარტებს ეწინააღმდეგება. ეს კანონებია „ოჯახური ფასეულობებისა და არასრულწლოვანების დაცვის, ასევე უცხოური გავლენის გამჭვირვალობის შესახებ, რომლებიც, როგორც ოპოზიცია აცხადებს, რუსული სამართლებრივი აქტების ასლებს წარმოადგენენ.

ევროპა შორეული ხდება?!

საქართველოს დედაქალაქის მცხოვრებთა ნაწილი შეშფოთებულია, რომ ქვეყნის შანსი ევროკავშირის წევრობაზე მცირდება. „არჩევნებში „ქართული ოცნების“ გამარჯვება სხვა არაფერია, თუ არა ხელისუფლების უზურპაცია“, - ამბობს 38 წლის გიორგი, რომელიც გვარს არ ასახელებს, ვაითუ დევნა დაუწყონ, - „ჩვენ ევროკავშირთან ინტეგრაცია უნდა გავაღრმავოთ. რუსეთთან დაახლოებას კი არცერთი ნორმალური ქვეყანა არ ცდილობს. პრორუსუსლი ორიენტაცია თვითმკვლელობას ნიშნავს, რადგან მოსკოვი არანაირი შეთანხმების პირობებს არ იცავს“.

ოპოზიცია მწვავედ აკრიტიკებს „ქართული ოცნების“ ომის წინააღმდეგ მიმართულ კურსს და მას პროპაგანდისტულს უწოდებს, ზოგიერთები კი თვლიან, რომ მმართველ პარტიის მხრიდან ამგვარი ლოზუნგების წარმოჩენა ხელისუფლებაში დარჩენასა და ერთპარტიული მმართველი სისტემის შენარჩუნებას ემსახურება.

პარტია „საქართველოსათვის“ ლიდერის გიორგი გახარიას განცხადებით, ბიძინა ივანიშვილისა და „ქართული ოცნების“ პოლიტიკაში მომხდარი ცვლილებები - პრორუსული გადახრები - იმითაა გამოწვეული, რომ ევროკავშირში გაწევრიანება ხელისუფლების როტაციას ნიშნავს: „მისი მთავარია მიზანია ხელისუფლების შენარჩუნება. იგი ხედავს, რომ ევროპული დემოკრატია ხელისუფლების არჩევნების გზით შეცვლას ითვალისწინებს“.

მაგრამ არჩევნების შედეგების წინააღმდეგ მიმდინარე საპროტესტო აქციები ისეთივე ძლიერი და ფართო არ არის, როგორიც გაზაფხულზე მიმდინარეობდა ზემოთ ხსენებული კანონების მიღების დროს. ეს ნიშნავს, რომ ოპოზიცია გამოფიტულია. მათ ვერც დასავლეთი ვერ უწევს სათანადო დახმარებას. ბრიუსელს შეუძლია გარკვეული ზეწოლა მოახდინოს „ქართულ ოცნებაზე“, მაგრამ ევროპელი ჩინოვნიკების რეაქცია აწონილ-დაწონილია: დამკვირვებლებმა ნამდვილად დააფიქსირეს დარღვევები, მაგრამ მათ თავი შეიკავეს იმის განცხადებაზე, რომ არჩევნები გაყალბდა და ხმები მოპარულია.

არჩევნებში მომხდარი ყველა დარღვევის დეტალურად გამოკვლევა დროს მოითხოვს - კვირეებს და შეიძლება თვეებსაც, თანაც საკმაოდ რთულია მათი დამტკიცება-დადასტურება. „ჩვენ ახლა ისეთ სიტუაციასთან გვაქვს საქმე, როცა დასავლეთს არ სურს ხისტი ნაბიჯები გადადგას საკმარისი მტკიცებულებების გარეშე, ოპოზიციას კი საკმარისი მტკიცებულებები არ აქვს“, - ამბობს ჯონ დიპირო საერთაშორისო რესპუბლიკური ინსტიტუტიდან.

ბიძინა ივანიშვილი აშკარად იმაზე დებს თავის ფსონს, რომ ევროპა საქართველოსადმი ინტერესს დაკარგავს. ჯერ კიდევ ზაფხულში იგი აცხადებდა, რომ აშშ-ის საპრეზიდენტო არჩევნებში დონალდ ტრამპის გამარჯვება რუსეთ-უკრაინის ომს დაასრულებს. „ჩვენ მაქსიმუმ ერთი წელი გვაქვს, რომ ეს ყველაფერი მოვითმინოთ, შემდეგ კი [დასავლეთის] გლობალური და რეგიონული ინტერესები შეიცვლება, მათთან ერთად კი შეიცვლება ინტერესები საქართველოს მიმართაც“, - ამბობდა ბიძინა ივანიშვილი, - ომის დასრულებასთან ერთად კი ყველა გაუგებრობა ევროპასთან და ამერიკასთან გაქრება“.

წყარო: https://www.washingtonpost.com/world/2024/11/21/georgia-russia-elections-influence/

 

See all
Survey
ვინ გაიმარჯვებს რუსეთ - უკრაინის ომში?
Vote
By the way