USD 2.7084
EUR 2.9337
RUB 2.9233
Тбилиси
საიდან შემოდის საქართველოში ნახმარი ტანსაცმელი, რომლის იმპორტი 2022 წელს $34 მლნ იყო?
дата:  1023

2022 წლის განმავლობაში საქართველოში რეკორდული ღირებულებისა და რაოდენობის ნახმარი ტანსაცმელი შემოვიდა.

ოფიციალური სტატისტიკის მიხედვით, ქვეყნიდან 10 882 ტონა მეორეული ტანსაცმლის შესაძენად 34 მილიონ 451 ათასი დოლარი გავიდა. რაც 2021 წლის იმპორტს ღირებულებით 35.1%-ით, ხოლო მოცულობას 12.1%-ით აღემატება. ბოლო ათი წლის განმავლობაში ნახმარი ტანსაცმლის იმპორტი რეკორდულია.

ნახმარი ტანსაცმლის საიმპორტო ქვეყნების ჩამონათვალი საკმაოდ ვრცელია, თუმცა ყველაზე დიდი მოცულობით ამ დასახლების საქონელი გასულ წელს თურქეთიდან და ევროპული ქვეყნებიდან შემოვიდა.

TOP-10 საიმპორტო ქვეყანა:


1. თურქეთი - 12.4 მლნ დოლარი, 4 123 ტონა;
2. აშშ - 6.1 მლნ დოლარი, 440 ტონა;
3. გაერთიანებული სამეფო - 2.8 მლნ დოლარი, 1 103 ტონა;
4. ბელგია - 1.6 მლნ დოლარი, 643 ტონა;
5. პაკისტანი - 1.6 მლნ დოლარი, 1 359 ტონა;
6. გერმანია - 1.3 მლნ დოლარი, 251 ტონა;
7. არაბთა გაერთიანებული საამიროები - 1.1 მლნ დოლარი, 495 ტონა;
8. ნიდერლანდები - 1.1 მლნ დოლარი, 325 ტონა;
9. ესპანეთი - 1.1 მლნ დოლარი, 254 ტონა;
10. იტალია - 1.1 მლნ დოლარი, 401 ტონა;

ამ ქვეყნების გარდა იმპორტიორმა კომპანიებმა ნახმარი ტანსაცმელი პოლონეთიდან, ინდოეთიდან, ისრაელიდან, საფრანგეთიდან, ტუნისიდან, ბულგარეთიდან, საბერძნეთიდან, რუსეთიდან და მცირე მოცულობებით სხვა ქვეყნებიდან შემოიტანეს.

BM.GE-მ გასული წლის განმავლობაში TOP-10 იმპორტიორი კომპანიის შესახებ ინფორმაცია გამოითხოვა. მათი ცნობით, მსხვილი იმპორტიორი კომპანიების ათეული ასეთია: შპს არჩგრუპი, შპს ბალტიკ ტექსტაილ თრეიდინგ ჯორჯია, შპს ბელგია ტექსტილი, შპს ბორა, შპს კავლათექს ჯორჯია, შპს მარინა, შპს მაქს ჯორჯია, შპს ნავნე, შპს სტარ, შპს ფარგო.

ავტორი:ვიქტორია მღებრიშვილი

წყარო:bm.ge

спорт
კახა კალაძე: ეს არ არის უბრალოდ გამარჯვება, ეს თარიღი საქართველოს უახლეს ისტორიაში ოქროს ასოებით იწერება

საქართველოს ფეხბურთელთა ეროვნული ნაკრების გამარჯვების შემდეგ, საქართველოს პრემიერ-მინისტრი ირაკლი კობახიძე, თბილისის მერი კახა კალაძე და ნაკრების წევრები პირველი რესპუბლიკის მოედანზე შეკრებილ გულშემატკივრებს შეუერთდნენ და გამარჯვება მათთან ერთად აღნიშნეს.

კახა კალაძემ მადლობა გადაუხადა ეროვნულ ნაკრებს და და კიდევ ერთხელ ხაზი გაუსვა პლეიოფის ფინალში გამარჯვების განსაკუთრებულ მნიშვნელობას.

„გილოცავთ! რთულია, ვისაუბრო იმაზე, თუ რამხელა გამარჯვება მოიპოვა ჩვენმა ქვეყანამ. ეს არის ის, რასაც ათეულობით წელი ველოდებოდით. ეს არ არის უბრალოდ გამარჯვება, ეს არის ისტორიის დაწერა. საქართველოს უახლეს ისტორიაში 2024 წლის 26 მარტი ოქროს ასოებით იწერება, იმიტომ, რომ ჩვენი ეროვნული ნაკრები ითამაშებს ევროპის ჩემპიონატზე“, - განაცხადა კახა კალაძემ.

დედაქალაქის მერმა მადლობა გადაუხადა ეროვნული ნაკრების გულშემატკივარსაც.

„მადლობა ყველას, ვინც მოედანზე იმყოფებოდა, ვინც სახლიდან უყურებდა ამ თამაშს. ყოველთვის, როცა ჭირდებოდა საქართველოს ეროვნულ ნაკრებს, იდექით მის გვერდში. იყო უამრავი წაგება, იყო რთული პერიოდი, მაგრამ ყოველთვის იდექით იქ, სადაც ჭირდებოდა ქართულ ფეხბურთს, ქართულ სპორტს და ამისთვის მინდა მადლობა გითხრათ თითოეულ თქვენგანს“, - მიმართა გულშემატკივრებს კახა კალაძემ.

более
голосование
ვინ გაიმარჯვებს რუსეთ - უკრაინის ომში?
голосование
Кстати