ფონდი "აფხაზინტერკონტი" ევროკავშირის მიერ დაფინანსებული პროექტის - "გენდერული და ოჯახში ძალადობა გადატანილთა მხარდაჭერა" (PASS) ფარგლებში ქალთა პროფესიული გაძლიერების მიზნით აცხადებს საგრანტო კონკურსს რაჭა-ლეჩხუმი-ქვემო სვანეთის (ამბროლაური, ონი, ცაგერი, ლენტეხი) და ზემო იმერეთის (საჩხერე, ჭიათურა, ხარაგაული, ტყიბული) რეგიონებში მცხოვრები ქალებისათვის.

პროექტის მიზანია: სამოქალაქო საზოგადოების როლის გაზრდა და მათი, როგორც ეფექტური ძალის პოზიციონირება, გენდერული და ოჯახში ძალადობის პრევენციისა და გადარჩენილების მხარდაჭერისთვის.

პროექტი ითვალისწინებს: გენდერული ნიშნით ძალადობისა და/ან ოჯახში ძალადობის მსხვერპლთა მხარდაჭერას სოციალური და ეკონომიკური უფლებების რეალიზების, ადგილობრივ დონეზე სერვისებზე გაზრდილი ხელმისაწვდომობის, ეკონომიკური გაძლიერების, კოორდინაციისა და სამართლებრივი მხარდაჭერის გზით.

კონკურსის მიზანია: ბენეფიციარების პროფესიული გადამზადება, რაც მათ საშუალებას მისცემს შეიძინონ დასაქმებისათვის საჭირო ცოდნა და უნარ-ჩვევები.

ვის შეუძლია კონკურსში მონაწილეობის მიღება:

** გენდერული და ოჯახში ძალადობის მსხვერპლი ქალები
** დევნილი ქალები
** ეკონომიკურად და სოციალურად მოწყვლადი ქალები
** შეზღუდული შესაძლებლობის მქონე ქალები და შშმ ბავშვების დედები
** მარტოხელა და მრავალშვილიანი დედები

განაცხადების შემოტანის ბოლო ვადაა 2024 წლის 15 ივლისის 17.00 საათის ჩათვლით.

დეტალური ინფორმაციისთვის გადადით ბმულზე https://jobs.ge/ge/?view=jobs&id=561343