,
საფრანგეთი ნიგერიდან, სადაც ივლისში სამხედრო გადატრიალება მოხდა, ჯარს გაიყვანს, - ამის შესახებ ქვეყნის პრეზიდენტმა, ემანუელ მაკრონმა განაცხადა.
მისი თქმით, 1500 ჯარისკაცის გაყვანა წლის ბოლომდე განხორციელდება და რომ საფრანგეთმა უარი თქვა „პუტჩისტების მძევლობაზე“.
მაკრონის ინფორმაციით, საფრანგეთმა ნიგერიდან საკუთარი ელჩი უკვე გაიწვია. Reuters-ი წერს, რომ საფრანგეთის გასვლა, სავარაუდოდ, გაამძაფრებს დასავლეთის შეშფოთებას აფრიკაში რუსეთის გავლენის გაფართოების გამო. აღსანიშნავია, რომ დაქირავებულ მებრძოლთა ჯგუფი "ვაგნერი" უკვე იმყოფება ნიგერის მეზობელ მალიში.
