,
"ქართულ ოცნებას" საარჩევნო კოდექსში მორიგი ცვლილებები შეაქვს. კანონის პროექტი უკვე პარლამენტშია და მას იურიდიულ საკითხთა კომიტეტზე დღეს საპარლამენტო უმრავლესობის წევრი დავით მათიკაშვილი წარადგენს.
ერთ-ერთი ბოლო ცვლილება უცხოეთში საპარლამენტო არჩევნებზე საარჩევნო უბნების არგახსნას ეხებოდა, შედეგად ათასობით ქართველი ემიგრანტი არჩევნებში მონაწილეობას ვერ შეძლებს.
პარლამენტში განხილული ახალი კანონპროექტი მიხედვით კი:
კანონპროექტის მიხედვით, ცესკოს მიერ რეგისტრირებულმა საერთაშორისო დამკვირვებელმა ორგანიზაციამ კენჭისყრის დღემდე არაუგვიანეს მე-2 დღისა ცესკოს მდივანს უნდა წარუდგინოს დამკვირვებლების/თარჯიმნების შესახებ ინფორმაცია და მათი პირადობის დამადასტურებელი დოკუმენტების ფოტოასლები. ამ ინფორმაციის შინაარსსა და ფორმას განკარგულებით ადგენს ცესკო.
საარჩევნო კომისიის მდივანი ვალდებულია დამკვირვებლების/თარჯიმნების სიის წარდგენიდან არაუგვიანეს მე-2 დღისა რეგისტრაციაში გაატაროს ამ კანონის მოთხოვნათა დაცვით წარდგენილი დამკვირვებელი/თარჯიმანი და დამკვირვებელ ორგანიზაციას გადასცეს დამკვირვებლის/თარჯიმნის მოწმობა, რომელიც იმავდროულად არის სამკერდე ნიშანი.“
18-თვიანი მოლაპარაკებების შემდეგ დამასკომ და მოსკოვმა ხელი მოაწერეს მემორანდუმს სირიაში რუსეთის ყოფნის რეორგანიზაციის შესახებ. შეთანხმების მიხედვით სამოქალაქო ობიექტები, მათ შორის ჰამეიმიმის აეროპორტი და ტარტუსის პორტის ნავმისადგომი, სირიის მართვაში გადავა, ხოლო სამხედრო ბაზები ერთობლივ საწვრთნელ ცენტრებად გარდაიქმნება.
შეთანხმება ძალაში სამი თვის განმავლობაში შევა.
