საბურთალოს რაიონის გამგეობის ინფრასტრუქტურული პროექტების ფარგლებში ჭილაძის ქ. N166-ის მიმდებარედ დასასვენებელი სივრცის მოწყობა დაიწყო.
სამუშაოების შედეგად მოეწყობა ყველა შესაბამისი საპარკე ინფრასტრუქტურა, საბავშვო-გასართობი ზონები, განათებისა და სარწყავი ქსელები, დაირგვება მცენარეები.
აღსანიშნავია, რომ სკვერში დამონტაჟდება ისეთი სიმბოლური დეტალები, რომლებიც ოთარ ჭილაძისადმი იქნება მიძღვნილი.
პროექტისათვის ადგილობრივი ბიუჯეტიდან 663,763.05 ლარია გამოყოფილი.
ადგილობრივ მოსახლეობას საბურთალოს რაიონის გამგებელი გაიოზ ვასაძე შეხვდა და დასასვენებელი სივრცის პროექტი ერთად განიხილეს.
