1956 წლის 9 მარტის მოვლენების შემდეგ ეროვნულმა მოძრაობამ გააქტიურება დაიწყო, რამაც დისიდენტურ მოძრაობას ჩაუყარა საფუძველი. ახალგაზრდებმა საბჭოთა წყობილების წინააღმდეგ არალეგალური საქმიანობა გააჩაღეს. შედეგმაც არ დააყოვნა, უშიშროების კომიტეტმა პროკლამაციების გავრცელების ბრალდებით სკოლის მოსწავლეები დააპატიმრა. მათ შორის იყო გურამ დოჩანაშვილი, რომელსაც 2 წლის ვადით თავისუფლების აღკვეთა მიესაჯა. თუმცა სასამართლო კოლეგიამ, მხედველობაში მიიღო და გაითვალისწინა, რომ ბრალდებულები არასრულწლოვნები იყვნენ და პატიმრობა პირობითი მსჯავრით შეუცვალა.

ეს იყო დასაწყისი, პირველი ნაბიჯები ეროვნულ-გამათავისუფლებელი მოძრაობისა, ეკლიანი და წინააღმდეგობებით აღსავსე გზა, რომელმაც მრავალწლიანი შეუპოვარი ბრძოლის შემდეგ საქართველო დამოუკიდებლობამდე მიიყვანა.

 "ჩვენ გვყავს უწმინდესი, იმისი ნათქვამი, ხმადაბლა რომ იტყვის ხოლმე ეს არის ჩემთვის ყველაფერი. მხოლოდ ის მინდა, მისი მრევლის წევრი მაინც ვიყო, თუნდაც სულ უკანასკნელი“ - გურამ დოჩანაშვილი.

ავტორი: ესმა ხიდაშელი

გარეკანის ფოტო საქართველოს შსს - ს არქივის მასალებიდან