,
ინფრასტრუქტურის სამინისტროს საავტომობილო გზების დეპარტამენტმა ლაგოდეხის მუნიციპალიტეტში, ორ სხვადასხვა ლოკაციაზე, ნაპირსამაგრი სამუშაოების შესყიდვის მიზნით, ელექტრონული ტენდერები გამოაცხადა.
ტენდერები გამოცხადდა: ლაგოდეხის მუნიციპალიტეტის სოფელ ვერხვისმინდორში, მდინარე არეშის ნაპირსამაგრ სამუშაოებზე, რომლის სავარაუდო ღირებულება 1 924 494.19 ლარს შეადგენს და ლაგოდეხის მუნიციპალიტეტის სოფელ შრომაში, მდინარე შრომისხევის (ხიდიდან ნაკრძალამდე მონაკვეთი) ნაპირსამაგრ სამუშაოებზე, სავარაუდო ღირებულებით 2 356 739.69 ლარი.
მდინარე არეშის სანაპიროზე წყალდიდობებისა და წყალმოვარდნების დროს იტბორება ადგილობრივი მოსახლეობის საცხოვრებელი სახლები, საკარმიდამო ნაკვეთები, სასოფლო-სამეურნეო სავარგულები, ასევე შიდასახელმწიფოებრივი მნიშვნელობის გურჯაანი–ჭაბუკიანი–აფენი–კაბალისა და ადგილობრივი მნიშვნელობის საავტომობილო გზები. დაგეგმილი ნაპირსამაგრი პროექტი აღნიშნულ პრობლემებს სრულად აღმოფხვრის.
ანალოგიური ვითარებაა მდინარე შრომისხევზეც, სადაც წყალმოვარდნების პერიოდში იტბორება ლაგოდეხის დაცული ტერიტორიების მდინარის პირას არსებული სასტუმროს ტერიტორია, საცხოვრებელი სახლები, საკარმიდამო ნაკვეთები და სასოფლო-სამეურნეო სავარგულები.
დაგეგმილი ნაპირსამაგრი სამუშაოების განხორციელება უზრუნველყოფს როგორც მოსახლეობისა და ინფრასტრუქტურის დაცვას, ისე დაცული ტერიტორიისა და ტურისტულ-რეკრეაციული სივრცეების უსაფრთხოებას.
პროექტები სრულად ფინანსდება საქართველოს სახელმწიფო ბიუჯეტიდან.
ინფორმაციას საავტომობილო გზების დეპარტამენტი ავრცელებს.
ირანისკენ კიდევ ერთი მშვენიერი არმადა მიემართება, - ამის შესახებ აშშ-ის პრეზიდენტმა, დონალდ ტრამპმა აიოვას შტატში, მხარდამჭერების წინაშე სიტყვით გამოსვლისას განაცხადა.
„ივნისში, ირანის ბირთვული პოტენციალი გავანადგურეთ. ამას ხალხი 22 წელი ელოდა. მათ ბირთვულ იარაღამდე დაახლოებით ერთი თვე აშორებდათ. ეს უნდა გაგვეკეთებინა“, - განაცხადა ტრამპმა.
დონალდ ტრამპმა იმედი გამოთქვა, რომ ირანი აშშ-სთან შეთანხმებას გააფორმებს.
„ახლა ირანისკენ კიდევ ერთი მშვენიერი არმადა მიემართება. დიდი იმედი მაქვს, რომ შეთანხმებას გააფორმებენ. შეთანხმება პირველივე ჯერზე უნდა გაეფორმებინათ“, - აღნიშნა აშშ-ის პრეზიდენტმა.
ცნობისთვის, ავიამზიდ „აბრაამ ლინკოლნის“ დამრტყმელი ჯგუფი ახლო აღმოსავლეთში ორშაბათს ჩავიდა. აშშ-ის ცენტრალურმა სარდლობამ განაცხადა, რომ დამრტყმელი ჯგუფი სამხედრო მზადყოფნის შემოწმების მიზნით წვრთნებს ჩაატარებს.
ინფორმაციისთვის, აშშ-ის პრეზიდენტის, დონალდ ტრამპის განცხადებით, ირანმა აშშ-სთან ახალი ბირთვული შეთანხმება უნდა დადოს, რომლის ფარგლებშიც თეირანი ურანის გამდიდრებას ვეღარ შეძლებს. 2025 წლის გაზაფხულზე აშშ-ის პრეზიდენტმა ირანის უზენაეს ლიდერს, აიათოლა ალი ხამენეის წერილი გაუგზავნა და მოლაპარაკებებისკენ მოუწოდა. წერილის თანახმად, დონალდ ტრამპმა ირანს ორი თვე მისცა, რათა ბირთვული პროგრამა შეეჩერებინა. 2025 წლის აპრილში, ომანში აშშ-ისა და ირანის დელეგაციებს შორის მოლაპარაკებები დაიწყო, რომელიც ივნისამდე გაგრძელდა. ირანმა ბირთვული პროგრამის შეჩერების შესახებ აშშ-ის მოთხოვნას მიუღებელი უწოდა და განაცხადა, რომ აშშ-ს ახალ წინადადებას წარუდგენდა. გასული წლის 13 ივნისს ისრაელმა ირანში რამდენიმე სამხედრო ობიექტს დაარტყა, ხოლო ისრაელის იერიშების დაწყებიდან ერთი კვირის შემდეგ, აშშ-მა ირანში ბირთვული ობიექტები დაბომბა.
