სააპელაციო სასამართლომ დავით კეზერაშვილს 5 მილიონი ევროს გადახდა დააკისრა

дата: 706

სააპელაციო სასამართლომ დავით კეზერაშვილი დამნაშავედ ცნო და მას 5 მლნ ევროს გადახდა დააკისრა. გადაწყვეტილება მოსამართლეთა კოლეგიამ რამდენიმე წუთის წინ გამოაცხადა.

თავდაცვის სამინიტრო ყოფილ მინისტრს ზარალის ანაზღაურებას, უწყებაში ჩატარებული ფიქტიური წვრთნების და 5 მილიონი ევროს გაფლანგვისთვის სთხოვს.

კეზერაშვილის ადვოკატი განაჩენის აბსურდულობაზე საუბრობს და ამბობს, რომ მოცემულ საქმეში სახელმწიფოს ინტერესს მხოლოდ ტელეკომპანია "ფორმულას" გაჩუმება წარმოადგენდა.

"შეუძლებელია სასამართლოს გადაწყვეტილება იყოს კანონიერი, როდესაც არ არსევბობს საქმეში კალკულაცია იმასთან დაკავშირებით ნამდვილად იყო თუ არა ზიანი დამდგარი თავდაცვის სამინისტროს წინააღმდეგ და ერთადერთი, რასაც სამინისტრო ეყრდნობა თავისი პოზიციის ფორმულირებისას, ეს არის დებიტორულ დავალიანებად არსბეული ჩანაწერი, რაც აბსოლუტურად აცდენილია სამართლის საფუძვლებს. ზიანი უნდა დადგინდეს არა იმით, რა მიაჩნიოა დებიტორულ დავალიანებად ამა თუ იმ მხარეს, არამედ იმის მიხედვით, რა იყო რალურად მიყენებული ზიანი და ამისთვის ან ექსპერტიზა უნდა ჩატარებულიყო ან სხვა რამე სანდო დოკუემნტი ყოფილიყო წარმოდგენილი. ცხადია, სახელმწიფო თავს არიდებდა ასეთი წარმოების ჩატარებას, რადგან თუკი ის ჩაატარებდა ექსპერტიზას, დადგინდებოდა, რომ წვერთნები ჩატარებულია რეალურად და ზიანი, რომელზეც დავობს არის ტყუილი და საფუძველი გაოეცლებოდა არა მარტო სამოქალაქო საქმეს, რომელიც ტელეკომპანია "ფორმულუას" წინააღმდეგ არის რეალურად მიმართული, არამედ სისხლის სამართლის საქმესაც. აქ ცხადია, მთავარი სამიზნე არის ტელეკომპანია "ფორმულა", სხვა ინტერესი სახელმწიფოს არ გააჩნია", - ამბობს გიორგი მშვენიერაძე.

განაჩენი დღეს საქმის კიდევ ერთ ბრალდებულთან, ალექსანდრე ნინუაასთან დაკავშირებითაც გამოცხადდა. მას ასევე ფულადი ჯარიმა დაერიცხა.

Тбилиси

კრწანისის რაიონის გამგებელმა, ლაშა ცაგურიამ მიმდინარე წელს განხორციელებული პროექტების შესახებ ანგარიში წარადგინა

კრწანისის რაიონის გამგებელმა, ლაშა ცაგურიამ მიმდინარე წელს განხორციელებული ინფრასტრუქტურული, სოციალური, საგანმანათლებლო, კულტურული და სპორტული პროექტების შესახებ ანგარიში წარადგინა.

წლიური ანგარიშის პრეზენტაციას თბილისის მერის მოადგილე კახა აბულაძე დაესწრო.

როგორც რაიონის გამგებელმა აღნიშნა, 2025 წელს კრწანისის რაიონში არაერთი მნიშვნელოვანი პროექტი დასრულდა, მათ შორის, სრულად განახლდა ზემო ფონიჭალის ცენტრალური ქუჩა, სადაც მოეწყო 1 372 გრძივი მეტრი დახურული სანიაღვრე ქსელი, გრუნტის დამჭერი კედელი, გასუფთავდა უკანონოდ შემოღობილი ტერიტორიები და მათ ნაცვლად გამწვანების თარგები მოეწყო. პროექტის განსახორციელებლად ადგილობრივი ბიუჯეტიდან 3 000 000 ლარზე მეტი დაიხარჯა.

სულ, საანგარიშო პერიოდში საგზაო ინფრასტრუქტურა 84 მისამართზე მოწესრიგდა.

რაც შეეხება მწვანე სივრცეებს, რაიონში 12 მისამართზე მოეწყო და რეაბილიტირდა სკვერები და მოსასვენებელი ზონები, ხოლო 98 მისამართზე მცირე სარემონტო სამუშაოები ჩატარდა.

“ბინათმესაკუთრეთა ამხანაგობების განვითარების ხელშეწყობის“ პროგრამის ფარგლებში, 183 პროექტი განხორციელდა, კერძოდ რეაბილიტირდა სახურავები, ლიფტები, წყალარინების სისტემები და შეკეთდა სართულშუა ნაპრალები.

როგორც პრეზენტაციაზე აღინიშნა, კრწანისში მცხოვრებ 8000-ზე მეტ განმცხადებელს სხვადასხვა სახის სოციალური დახმარება გაეწია.

ამასთან, გამგეობის ორგანიზებით, მოეწყო სხვადასხვა სპორტული, შემეცნებითი და გასართობი ღონისძიება.

ანგარიშის პრეზენტაციას, თბილისის მერის მოადგილის გარდა, ესწრებოდნენ კრწანისის მაჟორიტარი დეპუტატი საკრებულოში ლევან ჯაფარიძე, თბილისის საკრებულოს განათლებისა და კულტურის კომისიის თავმჯდომარე ბექა ოდიშარია და თბილისის საკრებულოს ჯანმრთელობის დაცვისა და სოციალურ საკითხთა კომისიის თავმჯდომარე ბექა მიქაუტაძე.