,
აშშ-ის სააპელაციო სასამართლომ დაადგინა, რომ პრეზიდენტ დონალდ ტრამპს არ ჰქონდა ტარიფების დაწესების უფლება იმ ფორმით, რა ფორმითაც ეს გააკეთა. შესაბამისად, დაწესებული ტარიფების უმეტესობა უკანონოა.
მიუხედავად ამისა, სასამართლომ ტარიფების მოქმედება ძალაში დატოვა 14 ოქტომბრისთვის დანიშნული უზენაესი სასამართლოს მოსმენამდე.
„კანონი პრეზიდენტს აძლევს უფლებამოსილებას, მიიღოს სხვადასხვა ზომა ქვეყანაში გამოცხადებულ საგანგებო მდგომარეობაზე საპასუხოდ, თუმცა ამ ქმედებებიდან არცერთი პირდაპირ არ ითვალისწინებს ტარიფების, მოსაკრებლებისა და ა.შ. დაწესების, ასევე საგადასახადო დაბეგვრის უფლებამოსილებას“, - ნათქვამია სასამართლოს განცხადებაში.
თეთრ სახლში დაბრუნების შემდეგ, ტრამპმა სავაჭრო პოლიტიკის გამკაცრება დაიწყო. ამ პროცესის კულმინაცია 2 აპრილს მოხდა, როდესაც მან იმპორტზე 10%-იანი საბაზისო ტარიფის დაწესების შესახებ განაცხადა, ხოლო ცალკეული ქვეყნებისთვის გაზრდილი, ტარიფები დააწესა.
ირანისკენ კიდევ ერთი მშვენიერი არმადა მიემართება, - ამის შესახებ აშშ-ის პრეზიდენტმა, დონალდ ტრამპმა აიოვას შტატში, მხარდამჭერების წინაშე სიტყვით გამოსვლისას განაცხადა.
„ივნისში, ირანის ბირთვული პოტენციალი გავანადგურეთ. ამას ხალხი 22 წელი ელოდა. მათ ბირთვულ იარაღამდე დაახლოებით ერთი თვე აშორებდათ. ეს უნდა გაგვეკეთებინა“, - განაცხადა ტრამპმა.
დონალდ ტრამპმა იმედი გამოთქვა, რომ ირანი აშშ-სთან შეთანხმებას გააფორმებს.
„ახლა ირანისკენ კიდევ ერთი მშვენიერი არმადა მიემართება. დიდი იმედი მაქვს, რომ შეთანხმებას გააფორმებენ. შეთანხმება პირველივე ჯერზე უნდა გაეფორმებინათ“, - აღნიშნა აშშ-ის პრეზიდენტმა.
ცნობისთვის, ავიამზიდ „აბრაამ ლინკოლნის“ დამრტყმელი ჯგუფი ახლო აღმოსავლეთში ორშაბათს ჩავიდა. აშშ-ის ცენტრალურმა სარდლობამ განაცხადა, რომ დამრტყმელი ჯგუფი სამხედრო მზადყოფნის შემოწმების მიზნით წვრთნებს ჩაატარებს.
ინფორმაციისთვის, აშშ-ის პრეზიდენტის, დონალდ ტრამპის განცხადებით, ირანმა აშშ-სთან ახალი ბირთვული შეთანხმება უნდა დადოს, რომლის ფარგლებშიც თეირანი ურანის გამდიდრებას ვეღარ შეძლებს. 2025 წლის გაზაფხულზე აშშ-ის პრეზიდენტმა ირანის უზენაეს ლიდერს, აიათოლა ალი ხამენეის წერილი გაუგზავნა და მოლაპარაკებებისკენ მოუწოდა. წერილის თანახმად, დონალდ ტრამპმა ირანს ორი თვე მისცა, რათა ბირთვული პროგრამა შეეჩერებინა. 2025 წლის აპრილში, ომანში აშშ-ისა და ირანის დელეგაციებს შორის მოლაპარაკებები დაიწყო, რომელიც ივნისამდე გაგრძელდა. ირანმა ბირთვული პროგრამის შეჩერების შესახებ აშშ-ის მოთხოვნას მიუღებელი უწოდა და განაცხადა, რომ აშშ-ს ახალ წინადადებას წარუდგენდა. გასული წლის 13 ივნისს ისრაელმა ირანში რამდენიმე სამხედრო ობიექტს დაარტყა, ხოლო ისრაელის იერიშების დაწყებიდან ერთი კვირის შემდეგ, აშშ-მა ირანში ბირთვული ობიექტები დაბომბა.
