თბილისის მერიის მიერ ორგანიზებული საახალწლო კონცერტები, რომლის მთავარი მიზანი არტისტების მხადაჭერა იყო, 1 მლნ ლარამდე დაჯდა. როგორც bm.ge-ის მერიის პრეს-სამსახურში განუცხადეს, თბილისის ბიუჯეტიდან 500 000 ლარამდე გამოიყო, ეკონომიკის სამინისტრომ კი პროექტი 400 000 ლარით დააფინანსა.

„არტისტების მხარდასაჭერად, თბილისის მერიის ინიციატივითა, ჯამში 6 სატელევიზიო კონცერტი და 2 ონლაინ პროექტი განხორციელდა, რომელშიც 500-მდე შემსრულებელი იყო ჩართული. სხვადასხვა მუსიკალური მიმართულების საღამოები კოვიდ პანდემიის პირობებში რეგულაციების სრული დაცვით დაიგეგმა“, - აცხდებენ თბილისის მერიაში.

ირკვეევა, რომ საახალწლო კონცერტები „იმედზე“, „მაესტროსა“ და PostTV-ის ეთერებში გადაიცემა.

„თბილისის მერიის მიერ ორგანიზებული და მხარდაჭერილი საახალწლო პროექტები დასასრულს უახლოვდება და დღეს, 13 იანვარს, კომპანია “Bukajazz Entertainment”-ის ორგანიზებით, საქართველოს განათლების, მეცნიერების, კულტურისა და სპორტის სამინისტროს, თბილისის მერიისა და ტელეკომპანია “იმედის” ერთობლივი კონცერტი გაიმართება.

საახალწლო კონცერტში, რომელიც პირდაპირი ტრანსლაციით ტელეკომპანია „იმედის“ ეთერში გადაიცემა, მონაწილეობას მიიღებენ ყველა თაობის ქართველი საესტრადო შემსრულებლები. აღნიშნული პროექტისთვის სპეციალურად შეიქმნა კომპოზიციების ახალი ვერსიები, ნიკოლოზ რაჭველის, ბუკა კარტოზიას და რუსუდან მორჩილაძის ხელმძღვანელობით. ღონისძიება პირდაპირ ეთერში 22:30 საათზე დაიწყება.

14 იანვარს ტელეკომპანია „მაესტროს“ ეთერში ქართული ესტრადის მონაწილებით საუკეთესო ჰიტებისგან შემდგარი საახალწლო კონცერტი გადაიცემა.

13 და 14 იანვარს, ტელეკომპანია PostTV-ს ეთერში 2 სატელევიზიო კონცერტი გაიმართება. პირველი საღამო ფოლკლორულ ანსამბლებს და სიმღერის გუნდებს დაეთმობა, ხოლო ძველით ახალ წელს, მაყურებელი მონატრებულ საესტრადო შემსრულებლებს შეხვდება“, - ნათქვამია გავრცელებულ რელიზში.

წყარო:https://bm.ge/