USD 2.6978
EUR 2.9112
RUB 2.9177
თბილისი
სააკაშვილის ამერიკელი ადვოკატი: გლდანის სამკურნალო დაწესებულებაში გადაყვანა, მესამე პრეზიდენტის მიმართ ფიზიკურ ანგარიშსწორებას გამოიწვევს
თარიღი:  627

მიხეილ სააკაშვილის ამერიკელი ადვოკატი ჯონ სენდვიჯი იუსტიციისა და ჯანდაცვის მინისტრებს მიმართავს, რომ დაუყოვნებლივ გადაიყვანონ საქართველოს მესამე პრეზიდენტი სამოქალაქო კლინიკაში, რადგან, მისი თქმით, გლდანის მე-18 დაწესებულების ჰოსპიტალში მიხეილ სააკაშვილის გადაყვანა საფრთხის შემცველია.

ჯონ სენდვიჯი აღნიშნავს, რომ პაციენტის გლდანის სამკურნალო დაწესებულებაში გადაყვანა სავარაუდოდ, სააკაშვილის პრეზიდენტობის დროს პატიმრობაში მყოფი პირების მხრიდან, საქართველოს მესამე პრეზიდენტის მიმართ ფიზიკურ ანგარიშსწორებას გამოიწვევს.

„ჩვენ გამოვხატავთ ღრმა შეშფოთებას მისი პატიმრობის პირობებთან და იმ სამედიცინო დახმარების არაადეკვატურობასთან დაკავშირებით, რომელსაც უწევთ. პრეზიდენტ სააკაშვილის დაკავება, როგორც ჩანს, არღვევს არა მხოლოდ თქვენს ნაკისრ ვალდებულებას, არამედ საერთაშორისო კანონსაც.

 

როგორც მოგეხსენებათ, სახელმწიფოს ვალდებულებაა, რომ უზრუნველყოს იმ პირთა კეთილდღეობა, რომლებიც პატიმრობაში იმყოფებიან. ეს ვალდებულება ვრცელდება დაკავებულის ჯანმრთელობისა და უსაფრთხოების დასაცავად საკმარისი სამედიცინო დახმარების გაწევაზე.

სამწუხაროდ, პრეზიდენტ სააკაშვილის ჯანმრთელობის მდგომარეობა, მისი დაკავების შემდეგ, სტაბილურად უარესდება. მიუხედავად მისი ჯანმრთელობის საგანგაშო გაუარესებისა, იუსტიციის მინისტრი უარს ამბობს, მის სამოქალაქო საავადმყოფოში გადაყვანაზე. ამის ნაცვლად, პრეზიდენტი სააკაშვილი რჩება რუსთავის საპატიმროში - დაწესებულებაში, რომელიც მოუმზადებელია გადაუდებელი სამედიცინო დახმარებისთვის ან იმისთვის, რომ უზრუნველყოს მისი ჯანმრთელობა და უსაფრთხოება.

ვიცით, რომ პრეზიდენტი სააკაშვილი შიმშილობს. თუმცა, ეს შიმშილობა არ ათავისუფლებს საქართველოს ადამიანის უფლებათა ევროპული კონვენციით ნაკისრი სამართლებრივი ვალდებულებისგან.
გვესმის, რომ იუსტიციის მინისტრი აპირებს, პრეზიდენტი სააკაშვილი მე-18 სამკურნალო დაწესებულებაში გადაიყვანოს. როგორც მაღალი დონის პატიმარი, ეს შეუსაბამოა.

ეს გადაყვანა სავარაუდოდ, გამოიწვევს პრეზიდენტ სააკაშვილის მიმართ ფიზიკურ ანგარიშსწორებას მისი პრეზიდენტობის დროს პატიმრობაში მყოფი პირების მხრიდან, ასევე დაექვემდებარება პრეზიდენტ სააკაშვილის უხარისხო სამედიცინო მომსახურებას. ეს დაარღვევს საქართველოს ვალდებულებებს, პრეზიდენტ სააკაშვილის ჯანმრთელობისა და უსაფრთხოების შენარჩუნებისა და დაცვის შესახებ.

ჩვენს შეშფოთებას აძლიერებს პრეზიდენტ სააკაშვილის პატიმრობის უაღრესად პოლიტიკური ხასიათი. მისი დაკავების საეჭვო გარემოებებისა და წინასწარი ნასამართლობის გათვალისწინებით. სახელმწიფოს პასუხისმგებლობა მისი კეთილდღეობის დაცვაზე გაზრდილია და კიდევ უფრო მეტად შემაშფოთებელია.

იმისათვის, რომ შეასრულოთ ნაკისრი ვალდებულებები და საერთაშორისო სამართლის მანდატები ადამიანის უფლებების დაცვასთან დაკავშირებით, თქვენ დაუყოვნებლივ უნდა გადაიყვანოთ პრეზიდენტი სააკაშვილი სამოქალაქო საავადმყოფოში, ან, უფრო შესაბამისი იქნებოდა, რომ გაათავისუფლოთ ის უკანონო და პოლიტიკურად მოტივირებული პატიმრობიდან. ჩვენ ველით თქვენს დადასტურებას, რომ მსგავსი ზომები მიღებული იქნება“, - აცხადებს ადვოკატი.

სპორტი
კახა კალაძე: ეს არ არის უბრალოდ გამარჯვება, ეს თარიღი საქართველოს უახლეს ისტორიაში ოქროს ასოებით იწერება

საქართველოს ფეხბურთელთა ეროვნული ნაკრების გამარჯვების შემდეგ, საქართველოს პრემიერ-მინისტრი ირაკლი კობახიძე, თბილისის მერი კახა კალაძე და ნაკრების წევრები პირველი რესპუბლიკის მოედანზე შეკრებილ გულშემატკივრებს შეუერთდნენ და გამარჯვება მათთან ერთად აღნიშნეს.

კახა კალაძემ მადლობა გადაუხადა ეროვნულ ნაკრებს და და კიდევ ერთხელ ხაზი გაუსვა პლეიოფის ფინალში გამარჯვების განსაკუთრებულ მნიშვნელობას.

„გილოცავთ! რთულია, ვისაუბრო იმაზე, თუ რამხელა გამარჯვება მოიპოვა ჩვენმა ქვეყანამ. ეს არის ის, რასაც ათეულობით წელი ველოდებოდით. ეს არ არის უბრალოდ გამარჯვება, ეს არის ისტორიის დაწერა. საქართველოს უახლეს ისტორიაში 2024 წლის 26 მარტი ოქროს ასოებით იწერება, იმიტომ, რომ ჩვენი ეროვნული ნაკრები ითამაშებს ევროპის ჩემპიონატზე“, - განაცხადა კახა კალაძემ.

დედაქალაქის მერმა მადლობა გადაუხადა ეროვნული ნაკრების გულშემატკივარსაც.

„მადლობა ყველას, ვინც მოედანზე იმყოფებოდა, ვინც სახლიდან უყურებდა ამ თამაშს. ყოველთვის, როცა ჭირდებოდა საქართველოს ეროვნულ ნაკრებს, იდექით მის გვერდში. იყო უამრავი წაგება, იყო რთული პერიოდი, მაგრამ ყოველთვის იდექით იქ, სადაც ჭირდებოდა ქართულ ფეხბურთს, ქართულ სპორტს და ამისთვის მინდა მადლობა გითხრათ თითოეულ თქვენგანს“, - მიმართა გულშემატკივრებს კახა კალაძემ.

სრულად
გამოკითხვა
ვინ გაიმარჯვებს რუსეთ - უკრაინის ომში?
ხმის მიცემა
სხვათა შორის

მსოფლიოს ისტორიაში, უდიდესი იმპერიები ტერიტორიით(მლნ კვ. კმ): ბრიტანეთი - 35.5 მონღოლეთი - 24.0 რუსეთი - 22.8 ქინგის დინასტია (ჩინეთი) - 14.7 ესპანეთი - 13.7 ხანის დინასტია (ჩინეთი) - 12.5 საფრანგეთი - 11.5 არაბეთი - 11.1 იუანების დინასტია (ჩინეთი) - 11.0 ხიონგნუ - 9.0 ბრაზილია - 8.337 იაპონია - ~8.0 იბერიული კავშირი - 7.1 მინგის დინასტია (ჩინეთი) - 6.5 რაშიდუნების ხალიფატი (არაბეთი) - 6.4 პირველი თურქული სახანო - 6.0 ოქროს ურდო - 6.0 აქემენიანთა ირანი - 5.5 პორტუგალია - 5.5 ტანგის დინასტია (ჩინეთი) - 5.4 მაკედონია - 5.2 ოსმალეთი - 5.2 ჩრდილო იუანის დინასტია (მონღოლეთი) - 5.0 რომის იმპერია - 5.0

Ford, საავტომობილო ბაზრის დომინანტი მაშინ, როდესაც საავტომობილო ბაზარი ჯერ კიდევ ჩამოყალიბების პროცესში იყო, Ford Model T იყო დომინანტი მანქანა. 1916 წლის მონაცემებით, ის მსოფლიოში ყველა ავტომობილის 55%-ს შეადგენდა.

ილია ჭავჭავაძე: "როცა პრუსიამ წაართვა საფრანგეთს ელზასი და ლოტარინგია და პარლამენტში ჩამოვარდა საუბარი მასზედ, თუ რაგვარი მმართველობა მივცეთო ამ ახლად დაჭერილს ქვეყნებს, ბისმარკმა აი, რა სთქვა: ,,ჩვენი საქმე ელზასსა და ლოტარინგიაში თვითმმართველობის განძლიერება უნდა იყოსო. ადგილობრივნი საზოგადოების კრებანი უნდა დავაწყოთო ადგილობრივის მმართველობისთვისაო. ამ კრებათაგან უფრო უკეთ გვეცოდინება იმ ქვეყნების საჭიროება, ვიდრე პრუსიის მოხელეთაგანა. ადგილობრივთა მცხოვრებთაგან ამორჩეულნი და დაყენებულნი მოხელენი ჩვენთვის არავითარს შიშს არ მოასწავებენ. ჩვენგან დანიშნული მოხელე კი მათთვის უცხო კაცი იქნება და ერთი ურიგო რამ ქცევა უცხო კაცისა უკმაყოფილებას ჩამოაგდებს და ეგ მთავრობის განზრახვასა და სურვილს არ ეთანხმება. მე უფრო ისა მგონია, რომ მათგან ამორჩეულნი მოხელენი უფრო ცოტას გვავნებენ, ვიდრე ჩვენივე პრუსიის მოხელენი”. თუ იმისთანა კაცი, როგორც ბისმარკი, რომელიც თავისუფლების დიდი მომხრე მაინდამაინც არ არის, ისე იღვწოდა თვითმმართველობისათვის, მერე იმ ქვეყნების შესახებ, რომელთაც გერმანიის მორჩილება არამც თუ უნდოდათ, არამედ ეთაკილებოდათ, თუ ამისთანა რკინის გულისა და მარჯვენის კაცი, როგორც ბისმარკი, სხვა გზით ვერ ახერხებდა ურჩის ხალხის გულის მოგებას, თუ არ თვითმმართველობის მინიჭებითა, სხვას რაღა ეთქმის."

დედამიწაზე არსებული ცოცხალი არსებებიდან მხოლოდ ადამიანს და კოალას აქვთ თითის ანაბეჭდი

ინდოელი დიასახლისები მსოფლიო ოქროს მარაგის 11% ფლობენ. ეს უფრო მეტია, ვიდრე აშშ-ს, სავალუტო ფონდის, შვეიცარიის და გერმანიის მფლობელობაში არსებული ოქრო, ერთად აღებული.

დადგენილია, რომ სასოფლო-სამეურნეო კულტურათა მოსავლიანობის განმსაზღვრელ კომპლექსურ პირობათა შორის, ერთ-ერთი თესლის ხარისხია. მაღალხარისხოვანი ჯიშიანი თესლი ერთ-ერთი მნიშვნელოვანი ფაქტორია მოსავლიანობის გასადიდებლად, რაც აგრეთვე დასაბუთებულია ხალხური სიბრძნით "რასაც დასთეს, იმას მოიმკი". - ქართული გენეტიკისა და სელექცია–მეთესლეობის სკოლის ერთ-ერთი ფუძემდებელი, მეცნიერებათა დოქტორი, აკადემიკოსი პეტრე ნასყიდაშვილი

ებოლა, SARS-ი, ცოფი, MERS-ი, დიდი ალბათობით ახალი კორონავირუსი COVID-19-იც, ყველა ამ ვირუსული დაავადების გავრცელება ღამურას უკავშირდება.

ყველაზე დიდი ეპიდემია კაცობრიობის ისტორიაში იყო ე.წ. "ესპანკა" (H1N1), რომელსაც 1918-1919 წლებში მიახლოებით 100 მილიონი ადამიანის სიცოცხლე შეეწირა, ანუ დედამიწის მოსახლეობის 5,3 %.

იცით თუ არა, რომ მონაკოს ნაციონალური ორკესტრი უფრო დიდია, ვიდრე ქვეყნის არმია.