სააღდგომოდ - ჰოკინგის უნიკალური წიგნი „დროის მცირე ისტორია“ ადასტურებს, რომ ღრმა ფიზიკა ფილოსოფიაა. უფრო მეტიც: ღვთისმეტყველება!

თარიღი: 361

ჯანდაბას პოლიტიკა! ბევრი რამაა სხვა საინტერესო: აი, მაგალითად. ჰოკინგის უნიკალური წიგნი „დროის მცირე ისტორია“......იგი ადასტურებს, რომ ღრმა ფიზიკა ფილოსოფიაა. უფრო მეტიც: ღვთისმეტყველება!

ჰოკინგი არსად ამბობს, რომ ღმერთისა სწამს, მაგრამ ამ გენიალური ასტროფიზიკოსისა და კოსმოლოგის წიგნი სწორედ ამას ღაღაღადებს.

აი, ნახეთ, რა ელვარე არგუმენტი მოაქვს - ყველასათვის იოლად გასაგები და უეჭველი:

ავტორი სვამს ერთი შეხედვით მოულოდნელ და უცნაურ კითხვას, როდესაც დროის ფენომენზე მსჯელობს: „რატომ გვახსოვს წარსული და არ გვახსოვს მომავალი?“

ჰოკინგმა, კოლეგებთან ერთად, საბოლოოდ დაამტკიცა, რომ სამყაროს საწყისი, დაახლოებით 12-13 მილიარდი წლის წინ, იყო ე.წ. „დიდი აფეთქება“. მას შემდეგ სამყარო ფართოვდება „სინგულარული წერტილიდან“ - ყველა მიმართულებით. ამ განვითარების შედეგი იყო ჯერ სიცოცხლის, შემდეგ ადამიანის წარმოშობა. მაგრამ...... ჰოკინგი ამტკიცებს, რომ თუ უფლის ნებას გამოვრიცხავთ, ეს ფიზიკის, მათ შორის თერმოდინამიკის ელემენტარულ კანონებს ეწინააღმდეგება:

„წარმოიდგინეთ ჭიქა, რომელიც მაგიდაზე დგას“ - წერს ჰოკინგი - შემდეგ რაღაც ძალამ (არა აქვს მნიშვნელობა - მიწისძვრამ, ქარის დაბერვამ.....) ჭიქა მაგიდიდან გადმოაგდო და იგი დაიმსხვრა. ასეთი ალგორითმი მთლიანად შეესაბამება თერმოდინამიკის კანონებს, რადგან ისინი გულისხმობენ განვითარებას „წესრიგიდან - უწესრიგობისკენ“.

ეს ფიზიკის იმდენად ფუნდამენტური კანონია, რომ მის გარეშე თვით ფიზიკაც არ არსებობს: ჭიქა, რომელიც მაგიდაზე დგას - „წესრიგია“, ხოლო გადმოვარდნილი და დამსხვრეული ჭიქა - თერმოდინამიკური „უწესრიგობა“.

ეს ბუნებრივია.

მაგრამ არაბუნებრივი იქნება თუ წარმოვიდგენთ, რომ მოხდა პირიქით: ნამსხვრევები „რატომღაც“ ალაგდნენ, მაგიდაზე აფრინდნენ და ისევ მთელი ჭიქა შექმნეს. ჰოკინგის მიერ გამოკვლეულ „შავ ხვრელში“, სადაც დრო-სივრცის კანონები არ მოქმედებს, ადამიანს შეიძლება ახსოვდეს მეორე, მაგრამ არ ახსოვდეს პირველი. ახსოვდეს მომავალი და არ ახსოვდეს წარსული. და ამის მიუხედავადაც კი, მიზეზ-შედეგობრივი კავშირი არ იცვლება: განვითარება ხდება წესრიგიდან - უწესრიგობისკენ!

ახლა კი გავიხსენოთ, რას უწოდებენ მატერიალისტები სიცოცხლეს და მათ შორის ადამიანს? რა განსაზღვრება გახსენდებათ უპირველეს ყოვლისა? სწორია - „მაღალორგანიზებული მატერია“. დავაკვირდეთ საკვანძო ტერმინს „ორგანიზებული“!!!

ჰოკინგი ამბობს, რომ სიცოცხლის და მოაზროვნე ადამიანის წარმოშობა ფიზიკის ფუძემდებლურ კანონს ეწინააღმდეგება. იმიტომ, რომ ბუნებრივი განვითარება ხდება „წესრიგიდან - უწესრიგობისკენ“ (მთელი ჭიქიდან - ნამსხვრევებისკენ) და არა პირიქით!

ერთ-ერთი ინტერვიუში, ჰოკინგი, ასეთ შედარებას მიმართავს იმის საილუსტრაციოდ, თუ რამდენად აბსურდულია შეხედულება, თითქოს სოცოცხლე და ადამიანი ბუნებრივი ევოლუციის შედეგად შეიძლებოდა წარმოშობილიყო „დიდი აფეთქების“, ესე იგი სინგულაურულობაში არსებული „წესრიგის“ დანგრევის შედეგად: „წარმოიდგინეთ მანქანების სასაფლაო. აგდია უამრავი მანქანა, - ძველის-ძველი, დაჟანგული..... იქვე ყრია მათი ნამსხვრევები, ნაწილები.......უცებ ატყდა „ძაბრისებული გრიგალი“, შეისრუტა ეს ყოველივე - ატრიალა, ატრიალა, ატრიალა და...როცა გრიგალი ჩადგა იმავე ადგილას ცინცხალი „მერსედესი“ გაჩნდა - ნაწილები „შემთხვევით“ ისე შეეწყვნენ ერთმანეთს, რომ მერსედესი შექმეს საწვავით სავსე ავზით.

ფიზიკის კანონთა შესაბამისად, ეს არის სრული აბსურდი" გრიგალს შეეძლო შეექმნა მხოლოდ უფრო მეტი უწესრიგობა და არა წესრიგი. მით უმეტეს „მაღალორგანიზებული მატერია“ - ანუ ცინცხალი „მერსედესის “ მსგავსი „მოწესრიგებული“ სისტემა.

სწორედ ამას ჰგავს მტკიცება, თითქოს ევოლუციის შედეგად შეიძლებოდა წარმოშობილიყო „მაღალორგანიზებული მატერია“ - სიცოცხლის და მოაზროვნე ადამიანის სახით.

ქმედების უნარის მქონე პითეკანტროფიდან - „ჰომო საპიენსისკენ“ ევოლუცია თერმოდინამიკის კანონებს არ ეწინააღდმეგება. იმიტომ, რომ ამ პროცესში მოქმედებს თუმცა პრიმიტიული, მაგრამ მაინც „ნება“. ეს გასაგებია. მაგრამ აი უსულო მატერიიდან - ადამიანის შექმნა ამ კანონთან შეუსაბამოა.

შემდეგ ჰოკინგს მოაქვს მეორე მაგალითი: „წარმოიდგინეთ, რომ მშობლებმა ბავშვს მოუტანეს „ფაზლი“, რომელიც ყუთში დევს და ჟირაფს გამოხატავს. ბავშვი ფაზლს გადმოყრის და სურათები უწესრიგოდ განიფინებიან ნოხზე. ეს არის ბუნებრივი, წრფივი განვითარება თერმოდინამიკის კანონების შესაბამისად: წესრიგიდან - უწესრიგობისკენ.

მაგრამ შემდეგ.......ბავშვი იწყებს ნახატის აღდგენას ანუ ავითარებს წრფეს საპირისპირო მიმართულებით უწესრიგობიდან - წესრიგისკენ ოღონდ.......ეს არ ხდება „ბუნებრივად“. ეს ხდება გარეგანი ჩარევით!!! ამიტომაც ფიზიკის ფუნდამენტურ კანონთა დარღვევა აქ არ არის!

ასევე, „სინგულარული წესრიგის“ დარღვევიდან - ადამიანის გაჩენამდე წრფივი მოძრაობა ვერანაირად ვერ მოხდებოდა გარეგანი „ჩარევისა“ და ნების გარეშე. სხვა შემთხვევაში, „დიდი აფეთქების“ შემდგომი წრფივი განვითრება იქნებოდა არ წესრიგისკენ, არამედ სულ უფრო მეტი უწესრიგობისკენ.

მაგრამ..... სიცოცხლისა და ადამიანის წარმოშობა მოხდა ამ წრფის საწინააღმდეგოდ, ესე იგი „უწესრიგობიდან - წესრიგისკენ“ და არა პირიქით, იმიტომ, რომ.......არსებობდა გარეგანი უზენაესი ნება!

შესანიშნავია არა?

ფუძემდებლური, თანაც აბსოლუტურად უეჭველი დებულებაა, რომ თუ დინამიკაში განვიხილავთ (ხაზაგსმით ვამბობ: თუ განვიხილავთ არა სტატიკაში, არამედ დინამიკაში) კონსტრუქცია არაბუნებრივია, ხოლო დეკონსტრუქცია - ბუნებრივი.

ანუ, მოძრაობა კონსტრუქციიდან - დეკონსტრუქციისკენ ბუნებრივია, ხოლო ქაოსიდან - კონსტრუქციისკენ.....მხოლოდ და მხოლოდ უფლის ნებით!!!

და ყველაზე საგულისხმო იცით რა არის? ეს გენია ათწლეულების განმავლობაში ფეთქავდა და ქმნიდა ავადმყოფობით დამახინჯებულ სხეულში. ახლახანს მიიცვალა და........უფალო განუსვენე ნათელში მონასა შენსა, გენიალურ ფიზიკოსს, ღრმად მორწმუნე ადამიანს, სტივენ ჰოკინგს!

დათო

წყარო: დათო გამცემლიძე

ბიზნესი

"BM.GE": დღგ-ის გადახდისგან თავის არიდება რთულდება - რა უნდა იცოდეს ბიზნესმა ახალ რეგულაციაზე

დღგ-ის გადახდისგან თავის არიდება რთულდება - საქმე ის არის, რომ 2024 წლის ოქტომბრიდან ძალაში შევიდა ფინანსთა სამინისტროს ახალი რეგულაცია, რომელიც მნიშვნელოვნად შეცვლის დამატებული ღირებულების გადასახადის (დღგ) გადახდისგან თავის არიდების მიზნით შექმნილი სუბიექტების მიმართ სახელმწიფოს დამოკიდებულებას. ეს ცვლილება განსაკუთრებულ გავლენას მოახდენს როგორც მეწარმე ფიზიკურ პირებზე (ინდივიდუალური მეწარმე, მიკრობიზნესი, მცირე ბიზნესი, ფიქსირებული გადასახადის გადამხდელი პირი), ასევე ნებისმიერ წვრილ, ქსელურ, კომპანიებზე.

რა უნდა იცოდეს ბიზნესმა აღნიშნულ ცვლილებებთან დაკავშირებით - ახალ რეგულაციასთან დაკავშირებულ დეტალებს BMG-ისთან DGN Consulting-ის საგადასახადო მენეჯერი ანა ლობჟანიძე განმარტავს.

- კონკრეტულად რას გულისხმობს ფინანსთა მინისტრის გამოცემული ახალი რეგულაცია?

- 2024 წლის ოქტომბრიდან ამოქმედდა ცვლილებები ფინანსთა სამინისტროს N996 ბრძანებაში, რომლებიც დღგ-ის გადახდისგან თავის არიდების სქემების აღკვეთისკენ არის მიმართული. გარკვეული კრიტერიუმების დაკმაყოფილების შემთხვევაში, საგადასახადო ორგანოს უფლება აქვს, რამდენიმე დამოუკიდებელი სუბიექტი განიხილოს ერთ გადამხდელ პირად და ყველა სუბიექტის შემოსავალი ერთობლივად დაბეგროს. აღნიშნული ცვლილება ეხება იმ ბიზნესებს, რომლებიც ახორციელებენ ბიზნესის დანაწევრებას, რათა არ დაუფიქსირდეთ წლიური ბრუნვა 100 000 ლარზე მეტი და ამ მიზნით არეგისტრირებენ სხვა ბიზნესსუბიექტებს, იურიდიული სუბიექტის ან ინდივიდუალური მეწარმის სახით. აღნიშნული სქემით ბიზნეს სუბიექტები თავს არიდებენ დღგ-ის გადახდას.

- რა კრიტერიუმებით იხელმძღვანელებენ საგადასახადო ორგანოები?

- თუ რამდენიმე ბიზნესი აკმაყოფილებს შემდეგ კრიტერიუმებს, მათ საგადასახადო ორგანო ერთ გადამხდელ პირად განიხილავს. კრიტერიუმები შემდეგია:
1. საქმიანობასთან დაკავშირებულ გადაწყვეტილებებს ერთი და იგივე პირი იღებს;
2. საქმიანობის ადგილი და შინაარსი იდენტურია;
3. რომელიმე სუბიექტი დღგ-ის გადამხდელად რეგისტრირებული არ არის.
ამასთანავე, განმარტებულია, თუ რა პირობებში მიიჩნევა გადაწყვეტილებები ერთი და იგივე პირის მიერ მიღებულად. მაგალითად, თუ გადაწყვეტილებები მიიღება ისეთ საკითხებზე, როგორიცაა კონტრაქტორების შერჩევა, ფასების განსაზღვრა, დასაქმების პირობები ან ინვესტიციების განხორციელება.

- როგორ იმოქმედებს ეს ცვლილებები ბიზნესზე?

- ამ ცვლილებების მიზანია, გააძლიეროს საგადასახადო ორგანოების უფლებამოსილება და ხელი შეუშალოს დღგ-ს გადახდისგან თავის არიდების სქემებს. ეს ზომები ხელს შეუწყობს თანაბარი კონკურენტული გარემოს შექმნას მცირე და საშუალო ბიზნესებისთვის. თუმცა, ბიზნესმა ყურადღებით უნდა დაიცვას რეგულაციები და გაითვალისწინოს ახალი წესები, რათა თავიდან აირიდოს პოტენციური ჯარიმები და დამატებითი შემოწმებები. რაც შეიძლება ითვალისწინებდეს დღგ-ს გადამხდელად ნებაყოფლობით რეგისტრაციას და შესაბამისად, საქონლის/მომსახურების ფასში დღგ-ის ასახვას.

- რას ურჩევდით ბიზნესს ამ ცვლილებების გათვალისწინებით?

- ბიზნესი ყურადღებით უნდა დააკვირდეს საკუთარ საქმიანობას და დარწმუნდეს, რომ საქმიანობის პროცესში ითვალისწინებს კანონმდებლობით დადგენილ ახალ კრიტერიუმებს და მიდგომებს. ამ ცვლილებების მიზანია, გააძლიეროს საგადასახადო ორგანოების უფლებამოსილება და ხელი შეუშალოს დღგ-ს გადახდისგან თავის არიდების სქემებს. ეს ზომები ხელს შეუწყობს თანაბარი კონკურენტული გარემოს შექმნას მცირე და საშუალო ბიზნესებისთვის. თუმცა, ბიზნესმა ყურადღებით უნდა დაიცვას რეგულაციები და გაითვალისწინოს ახალი წესები, რათა თავიდან აირიდოს პოტენციური ჯარიმები და დამატებითი შემოწმებები.

წყარო:https://bm.ge/

სრულად

გამოკითხვა

ვინ გაიმარჯვებს რუსეთ - უკრაინის ომში?

უკრაინა

რუსეთი

არ მაქვს პასუხი

ხმის მიცემა

სხვათა შორის

მსოფლიოს ისტორიაში, უდიდესი იმპერიები ტერიტორიით(მლნ კვ. კმ): ბრიტანეთი - 35.5 მონღოლეთი - 24.0 რუსეთი - 22.8 ქინგის დინასტია (ჩინეთი) - 14.7 ესპანეთი - 13.7 ხანის დინასტია (ჩინეთი) - 12.5 საფრანგეთი - 11.5 არაბეთი - 11.1 იუანების დინასტია (ჩინეთი) - 11.0 ხიონგნუ - 9.0 ბრაზილია - 8.337 იაპონია - ~8.0 იბერიული კავშირი - 7.1 მინგის დინასტია (ჩინეთი) - 6.5 რაშიდუნების ხალიფატი (არაბეთი) - 6.4 პირველი თურქული სახანო - 6.0 ოქროს ურდო - 6.0 აქემენიანთა ირანი - 5.5 პორტუგალია - 5.5 ტანგის დინასტია (ჩინეთი) - 5.4 მაკედონია - 5.2 ოსმალეთი - 5.2 ჩრდილო იუანის დინასტია (მონღოლეთი) - 5.0 რომის იმპერია - 5.0

Ford, საავტომობილო ბაზრის დომინანტი მაშინ, როდესაც საავტომობილო ბაზარი ჯერ კიდევ ჩამოყალიბების პროცესში იყო, Ford Model T იყო დომინანტი მანქანა. 1916 წლის მონაცემებით, ის მსოფლიოში ყველა ავტომობილის 55%-ს შეადგენდა.

ილია ჭავჭავაძე: "როცა პრუსიამ წაართვა საფრანგეთს ელზასი და ლოტარინგია და პარლამენტში ჩამოვარდა საუბარი მასზედ, თუ რაგვარი მმართველობა მივცეთო ამ ახლად დაჭერილს ქვეყნებს, ბისმარკმა აი, რა სთქვა: ,,ჩვენი საქმე ელზასსა და ლოტარინგიაში თვითმმართველობის განძლიერება უნდა იყოსო. ადგილობრივნი საზოგადოების კრებანი უნდა დავაწყოთო ადგილობრივის მმართველობისთვისაო. ამ კრებათაგან უფრო უკეთ გვეცოდინება იმ ქვეყნების საჭიროება, ვიდრე პრუსიის მოხელეთაგანა. ადგილობრივთა მცხოვრებთაგან ამორჩეულნი და დაყენებულნი მოხელენი ჩვენთვის არავითარს შიშს არ მოასწავებენ. ჩვენგან დანიშნული მოხელე კი მათთვის უცხო კაცი იქნება და ერთი ურიგო რამ ქცევა უცხო კაცისა უკმაყოფილებას ჩამოაგდებს და ეგ მთავრობის განზრახვასა და სურვილს არ ეთანხმება. მე უფრო ისა მგონია, რომ მათგან ამორჩეულნი მოხელენი უფრო ცოტას გვავნებენ, ვიდრე ჩვენივე პრუსიის მოხელენი”. თუ იმისთანა კაცი, როგორც ბისმარკი, რომელიც თავისუფლების დიდი მომხრე მაინდამაინც არ არის, ისე იღვწოდა თვითმმართველობისათვის, მერე იმ ქვეყნების შესახებ, რომელთაც გერმანიის მორჩილება არამც თუ უნდოდათ, არამედ ეთაკილებოდათ, თუ ამისთანა რკინის გულისა და მარჯვენის კაცი, როგორც ბისმარკი, სხვა გზით ვერ ახერხებდა ურჩის ხალხის გულის მოგებას, თუ არ თვითმმართველობის მინიჭებითა, სხვას რაღა ეთქმის."

დედამიწაზე არსებული ცოცხალი არსებებიდან მხოლოდ ადამიანს და კოალას აქვთ თითის ანაბეჭდი

ინდოელი დიასახლისები მსოფლიო ოქროს მარაგის 11% ფლობენ. ეს უფრო მეტია, ვიდრე აშშ-ს, სავალუტო ფონდის, შვეიცარიის და გერმანიის მფლობელობაში არსებული ოქრო, ერთად აღებული.

დადგენილია, რომ სასოფლო-სამეურნეო კულტურათა მოსავლიანობის განმსაზღვრელ კომპლექსურ პირობათა შორის, ერთ-ერთი თესლის ხარისხია. მაღალხარისხოვანი ჯიშიანი თესლი ერთ-ერთი მნიშვნელოვანი ფაქტორია მოსავლიანობის გასადიდებლად, რაც აგრეთვე დასაბუთებულია ხალხური სიბრძნით "რასაც დასთეს, იმას მოიმკი". - ქართული გენეტიკისა და სელექცია–მეთესლეობის სკოლის ერთ-ერთი ფუძემდებელი, მეცნიერებათა დოქტორი, აკადემიკოსი პეტრე ნასყიდაშვილი

ებოლა, SARS-ი, ცოფი, MERS-ი, დიდი ალბათობით ახალი კორონავირუსი COVID-19-იც, ყველა ამ ვირუსული დაავადების გავრცელება ღამურას უკავშირდება.

ყველაზე დიდი ეპიდემია კაცობრიობის ისტორიაში იყო ე.წ. "ესპანკა" (H1N1), რომელსაც 1918-1919 წლებში მიახლოებით 100 მილიონი ადამიანის სიცოცხლე შეეწირა, ანუ დედამიწის მოსახლეობის 5,3 %.

იცით თუ არა, რომ მონაკოს ნაციონალური ორკესტრი უფრო დიდია, ვიდრე ქვეყნის არმია.

ბლოგი

სალომე ზურაბიშვილის განცხადება

სრულად

გიორგი კობერიძე - რა ხდება აფხაზეთში?

სრულად

ჩრდილოეთ კორეა 10 ათას სამხედროს გზავნის უკრაინის წინააღმდეგ ომში

სრულად