,
ქართული ტურისტული კომპანიები ადგილობრივ ბაზარზე ტურიზმის ინდუსტრიაში რუსული კომპანიების ზრდაზე მიუთითებენ. როგორც "ტრეფიკ თრეველის" დამფუძნებელი ცოტნე ჯაფარიძე ამბობს, რუსები დაინტერესებულ პირებს საქართველოდან ეგვიპტეში, თურქეთსა და დუბაიში გამყვან ტურებს სთავაზობენ.
“ჯერ დაიწყეს ტურების შეთავაზება რუსულ ენაზე, ეს ტურები საკმაოდ ხშირად რეკლამდება "ფეისბუქსა" და "ინსტაგრამზე". შემდეგ დაიწყეს ინგლისურად ტურების შეთავაზება, ახლა კი უკვე გამყვანი ტურების შეთავაზებაც კი დაიწყეს. რამდენიმე დღის წინ ვნახე შეთავაზება, რუსული კომპანია საქართველოდან ტურებს მომხმარებელს ეგვიპტეში სთავაზობდა. კონკურენციას მივესალმები, კარგია, აჯანსაღებს და ზრდის ბაზარს, მაგრამ არცერთ შემთხვევაში ეს არ უნდა იყოს იმ ქვეყნის მოქალაქეებთან, რომლებიც არიან ოკუპანტები,”-აცხადებს "ტრეფიკ თრეველის" დამფუძნებელი ცოტნე ჯაფარიძე.
კერძო სექტორის წარმომადგენლები აცხადებენ, რომ ეს პრობლემა აქამდეც არსებობდა, თუმცა საომარი მოქმედებების დაწყების შემდეგ ასეთი კომპანიების რაოდენობამ სულ უფრო იმატა. კომპანია BB TRAVEL-ის დირექტორი ალექსანდრე გიორგიძე ამბობს, რომ საქართველოსთვის გამოსავალი შესაძლოა თურქეთის გამოცდილების გადმოტანა იყოს.
“რამდენიმე ქვეყანამ დაიწყო გაყვანა ტურისტების საქართველოდან ისე ქვეყნებში როგორებიცაა ანტალია, ეგვიპტე და ემირატების მიმართულებით. თურქეთს აქვს კანონი, ტურიზმის ინდუსტრიაში შეუძლია იმუშაოს მხოლოდ ქვეყნის მოქალაქემ ან მუდმივად ცხოვრების უფლების მქონე პირმა. გამოსავალი ეს არის, თუმცა ჯერ ამ მიმართულებით არაფერი არ ისმის, ანუ იქნება ასე, შესაბამისად, ჩვენ უნდა ვიყოთ უფრო კარგები და ყოჩაღები, რომ ბაზარი ამ კომპანიებმა არ წაიღოს,”-ამბობს BB TRAVEL-ის დირექტორი ალექსანდრე გიორგიძე.
ცნობისთვის, ტურიზმი ერთადერთი სფერო არ არის, რადგან ყველა სექტორსა და ინდუსტრიაში თანდათან რუსული კომპანიები ჩნდება. საერთაშორისო გამჭვირვალობა საქართველოს კვლევის მიხედვით, საქართველოში სულ 17,000-მდე რუსული კომპანიაა რეგისტრირებული და მათი ნახევარზე მეტი უკრაინაში ომის დაწყების შემდეგ დარეგისტრირდა. მარტ-სექტემბერში 9,500-მდე რუსული კომპანია დარეგისტრირდა, რაც 2021 წლის სრულ მაჩვენებელზე 10-ჯერ მეტია.
პრეზიდენტმა ვლადიმირ პუტინმა განაცხადა, რომ 2025 წელს რუსეთის ეკონომიკური ზრდის ტემპი 1%-მდე შენელდა.
მთავრობის სხდომაზე გამოსვლისას მან აღნიშნა, რომ ეს მაჩვენებელი საგრძნობლად ჩამორჩება წინა წლების დინამიკას. კერძოდ, 2023 წელს 4.1%-იანი და 2024 წელს 4.3%-იანი ზრდა დაფიქსირდა, რაც სამხედრო ხარჯების ზრდის ეფექტით იყო განპირობებული.
პრეზიდენტის თქმით, ეკონომიკური აქტივობის ასეთი შენელება მთავრობისთვის მოსალოდნელი იყო და ის დიდწილად ინფლაციის წინააღმდეგ მიმართულმა ხელოვნურმა ზომებმა განაპირობა. ამ შემთხვევაში, პუტინი ცენტრალური ბანკის მიერ განსაზღვრულ რეფინანსირების განაკვეთზე მიუთითებს, რომელიც 16%-იან ნიშნულზეა.
პუტინმა ხაზი გაუსვა, რომ ცენტრალური ბანკის მიზანმიმართულმა პოლიტიკამ შედეგი გამოიღო და ინფლაცია, რომელიც 2024 წელს 9.5%-ს შეადგენდა, წელს 5.6%-მდე შემცირდა. მისივე პროგნოზით, 2026 წლის ბოლოსთვის ეს მაჩვენებელი 5%-იან ნიშნულამდე დაიწევს.
ეკონომიკური ზრდის შენელების მიუხედავად, კრემლი ამტკიცებს, რომ სახელმწიფო ბიუჯეტი სრულად ფარავს სოციალურ ვალდებულებებსა და სამხედრო საჭიროებებს, მიუხედავად იმისა, რომ რეკორდულად მზარდი ბიუჯეტის დეფიციტი სხვა რეალობაზე მიუთითებს.
ექსპერტთა ნაწილი მიიჩნევს, რომ რუსეთის ეკონომიკურ სტაგნაციას სამუშაო ძალის დეფიციტი, მაღალი საპროცენტო განაკვეთები და დასავლური სანქციების კუმულაციური ეფექტი იწვევს, რომლის სრულ მასშტაბებს უფრო მეტად 2026-27 წლებში ვიხილავთ.
ცნობისთვის, 2026 წლისთვის რუსეთის მთავრობა მშპ-ის 1%-1.3%-იან ზრდას პროგნოზირებს, თუმცა საერთაშორისო სავალუტო ფონდი უფრო პესიმისტურ, 0.8%-იან ზრდის მაჩვენებელს ვარაუდობს.
წყარო: https://bm.ge/
