,
რუსეთის ეროვნული ვალუტა მკვეთრ გაუფასურებს განაგრძობს - ამჟამად ერთი ამერიკული დოლარის ოფიციალური გაცვლითი კურსი 95 რუბლს შეადგენს, რაც იმას ნიშნავს, რომ ერთწლიან პერიოდში რუბლი 33%-ით გაუფასურდა.
ეროვნული ვალუტის მკვეთრად გაუფასურების ფონზე, გასულ თვეს რუსეთის ცენტრალური ბანკი იძულებული გახდა რეფინანსირების განაკვეთი 100 საბაზო პუნქტით, 8.5%-იან ნიშნულამდე გაეზარდა. მოგეხსენებათ, მონეტარული პოლიტიკის გამკაცრება ეროვნული ვალუტის გაუფასურების პროცესს, გარკვეულწილად, აფერხებს.
საქმე ისაა, რომ ევგენი პრიგოჟინის სამხედრო აჯანყების შემდეგ, რუსეთის ეროვნულმა ვალუტამ მკვეთრი გაუფასურება დაიწყო. ეს პროცესი კი განსაკუთრებით დაჩქარდა მას შემდეგ, რაც რუსეთის ფედერაცია მარცვლეულის ექსპორტის შეთანხმებიდან გავიდა და შავი ზღვის რეგიონში უკრაინული სასოფლო-სამეურნეო საქონლის გადაზიდვა შეიზღუდა.
მაშინ, როდესაც უკრაინაში კონფლიქტი ესკალაციის ახალ ფაზაში შევიდა, კვლავ გააქტიურდა დისკუსიები უკრაინის ტერიტორიაზე დასავლური ჯარებისა და კერძო თავდაცვითი კომპანიების გაგზავნის შესახებ, - წერს ფრანგული გაზეთი Le Monde-ი წყაროებზე დაყრდნობით.
„დიდ ბრიტანეთსა და საფრანგეთს შორის მიმდინარეობს დისკუსიები თავდაცვის სფეროში თანამშრომლობასთან დაკავშირებით, განსაკუთრებით ევროპაში მოკავშირეთა ძირითადი ჯგუფის შექმნის მიზნით, რომელიც ორიენტირებულია უკრაინასა და უფრო ფართო ევროპულ უსაფრთხოებაზე“, - განუცხადა Le Monde-ს ბრიტანულმა სამხედრო წყარომ.
ფრანგული გაზეთი აღნიშნავს, რომ უკრაინაში დასავლური ჯარების ან კერძო კომპანიების გაგზავნის შესახებ დისკუსიები 2023 წლის ბოლოდან შორ მანძილზე მოქმედი იარაღის მიწოდების გაზრდის ფონზე განახლდა.
წყაროების განცხადებით, უკრაინელებს არ შეუძლიათ ამ ტიპის რაკეტების გამოყენება ადგილზე დასავლური მხარდაჭერის გარეშე.
