რუსთავის მერიის და კომპანია ,,გალფის" ერთობლივი პროექტის ფარგლებში, რუსთავში, მე-19 მიკრორაიონში, ზაზა ფაჩულიას სახელობის საკალათბურთო მოედანი გაიხსნა.
სპორტული მოედნის მიმდებარედ, რუსთავის მერიამ ახალი რეკრეაციული სივრცეც მოაწყო.
ახალი მოედანი, საერთაშორისო საკალათბურთო სტანდარტებს სრულად აკმაყოფილებს და აღჭურვილია მაღალი ხარისხის თანამედროვე საფარით.
საკალათბურთო მოედანი რუსთავის მერმა ნინო ლაცაბიძემ და ზაზა ფაჩულიამ, გალფის დამფუძნებელ ვანო ნაკაიძესთან და კომპანია ,,გალფის" გენერალურ დირექტორთან ქრეიგ კრამერთან ერთად გახსნა. საკალათბურთო კორტის გახსნას, საკრებულოს ფრაქცია ,,ქართული ოცნების" წევრები და მიმდებარე ტერიტორიის მოსახლეობაც დაესწრნენ.
კომპანია გალფმა უკვე გახსნა საკალათბურთო მოედნები თბილისში, გორში და სენაკში. შემდეგი მოედნის გახსნა, ქალაქ ქუთაისში იგეგმება. ჯამში კომპანია გალფი მთელი საქართველოს მასშტაბით 20 კორტის მშენებლობას გეგმავს.
