რუსთავის მუნიციპალიტეტსა და ჩინეთის სახალხო რესპუბლიკის ქალაქ შაოგუანს შორის დამეგობრების მემორანდუმი გაფორმდა.
მემორანდუმს რუსთავის მერმა ნინო ლაცაბიძემ და შაოგუანის მერმა ჩენ ჯიჩინმა მოაწერეს ხელი.
პირველ ეტაპზე, ორ ქალაქს შორის, დამეგობრების განზრახვის დოკუმენტი იყო გაფორმებული.
დამეგობრების მემორანდომის დასკვნით დოკუმენტს, კი 2025 წლის 27 მარტს, ქალაქ შაოგუანში მოეწერა ხელი.
რუსთავს და შაოგუანს შორის დამეგობრების მემორანდუმის ხელმოწერის ცერემონიას, საქართველოს საგანგებო და სრულუფლებიანი ელჩი ჩინეთის სახალხო რესპუბლიკაში, პაატა კალანდაძე დაესწრო.
ორმხრივ შეხვედრებს, სადაც რუსთავის და შაოგუანის შემდგომი თანამშრომლობის საკითხები განიხილეს, რუსთავის მერიის ადმინისტრაციის ხელმძღვანელი მიხეილ მუზაშვილი, ინფრასტრუქტურის განვითარებისა და ტრანსპორტის სამსახურის ხელძღვანელი ზურაბ ტაბაღუა, რუსთავის მერიის წარმომადგენლები, ჩინეთის მმართველი პარტიისა და შაოგუანის მუნიციპალური ბიუროს წევრები ესწრებოდნენ.
მემორანდუმი, ორ ქალაქს შორის მეგობრობისა და ურთიერთთანამშრომლობის განვითარებას, სხვადასხვა სფეროში ინფორმაციისა და გამოცდილების გაზიარებას ისახავს მიზნად.
