რუსთავის მერისა და მერიის ახალგაზრდული დეპარტამენტის ინიციატივით დაწყებული კამპანიის - ,,თაობა მომავლისთვის“ პირველი ეტაპი, რომელიც საჯარო და კერძო სკოლების მოსწავლეებთან მათთვის საინტერესო საკითხებზე დისკუსიას ითვალისწინებდა, #28 საჯარო სკოლაში გამართული შეხვედრით დასრულდა.
კამპანიის ფარგლებში, ქალაქის მერი ნინო ლაცაბიძე, რუსთაველ წარმატებულ სპორტსმენებთან, მუსიკოსებთან და სხვა ცნობად სახეებთან ერთად, 1700-მდე ახალგაზრდას შეხვდა.
რუსთავის მერმა საჯარო და კერძო სკოლების უფროსკლასელებს, ქალაქში მიმდინარე და დაგეგმილი ახალგაზრდული პროექტები, პროგრამები, რეფორმები, ინიციატივები გააცნო და მათ მიერ დასმულ კითხვებს უპასუხა.
შეხვედრების მიმდინარეობისას, რუსთავის მერმა ახალგაზრდებს, კიდევ ერთი ახალი პროექტი - „სკოლის ელჩი“ გააცნო.
პროექტის ფარგლებში, თავად სკოლის მოსწავლეები აირჩევენ ერთ წარმომადგენელს, რომელიც მერის ახალგაზრდული მრჩეველთა საბჭოს წევრი და რუსთავის მერიაში საკუთარი ,,სკოლის ელჩი“ იქნება.
