,
რუსთავის მერმა, ნინო ლაცაბიძემ ქალაქში პირველი ბიბლიოთეკის გახსნიდან 75 წლისთავთან დაკავშირებით, ბიბლიოთეკების გაერთიანების თანამშრომლებსა და მკითხველებს უმასპინძლა, - ამის შესახებ ინფორმაციას რუსთავის მუნიციპალიტეტის მერია ავრცელებს.
მათივე ინფორმაციით, ნინო ლაცაბიძემ ბიბლიოთეკების თანამშრომლებს წლების განმავლობაში გაწეული საქმიანობისთვის, მადლობა გადაუხადა და აღნიშნა, რომ რეფორმის ფარგლებში, უახლოეს პერიოდში ქალაქში თანამედროვე ტიპის მედიათეკა გაიხსნება, სადაც მკითხველს კომფორტული და სასიამოვნო გარემო დახვდება.
„რუსთავის ბიბლიოთეკა 75 წლის გახდა, ჩვენ ეს დღეს მივულოცეთ და დავაჯილდოვეთ თითოეული თანამშრომელი, რომლებიც წლებია ემსახურებიან ჩვენს ქალაქს, ასევე ის მოქალაქეები, მათ შორის ყველაზე პატარა და ყველაზე უხუცესი მკითხველები, რომლებიც აქტიურად სარგებლობენ ბიბლიოთეკით. ჩვენ მათ დავპირდით, რომ უახლოეს პერიოდში გაიხსნება ახალი, თანამედროვე ტიპის მედიათეკა, რომელიც ახალგაზრდების საჭიროებებზე იქნება სრულად მორგებული“, - განაცხადა რუსთავის მერმა ნინო ლაცაბიძემ.
რუსთავში პირველი ბიბლიოთეკის გახსნიდან 75 წლის იუბილესთან დაკავშირებით, საბიბლიოთეკო გაერთიანების ორგანიზებით, კვირეული ჩატარდა და ღონისძიებები გაიმართა. დღეს კი სხვადასხვა ნომინაციაში გამარჯვებული თანამშრომლები და მკითხველები გამოვლინდნენ, რომელთაც სიმბოლური საჩუქრები და სიგელები გადაეცათ.
აშშ-ის პრეზიდენტი დონალდ ტრამპი ირანთან დაკავშირებით აშშ-ის მოსახლეობას მიმართავს, - ინფორმაციას თეთრი სახლის პრესსპიკერი, კეროლაინ ლევიტი ავრცელებს.
„ხვალ საღამოს 9 საათზე (თბილისის დროით ხუთშაბათი, 5:00 საათი), პრეზიდენტი ტრამპი ერს მიმართავს, რათა მათ მნიშვნელოვანი სიახლე გააცნოს“, - წერს ლევიტი X-ზე.
მანამდე, აშშ-ის პრეზიდენტმა, დონალდ ტრამპმა თეთრ სახლში ჟურნალისტებს განუცხადა, რომ ირანის წინააღმდეგ ომი, ძალიან მალე დასრულდება.
„ძალიან მალე დავტოვებთ. ვიტყოდი, რომ შესაძლოა ორ კვირაში. ორ კვირაში, შესაძლოა სამ კვირაში. რეჟიმის შეცვლა მოგვიწია. რეჟიმის შეცვლა არ იყო ერთ-ერთი იმ მიზნებს შორის, რაც მე მქონდა. მე მქონდა ერთი მიზანი: მათ არ ჰქონოდათ ბირთვული იარაღი და ეს მიზანი მიღწეულია. მათ არ ექნებათ ბირთვული იარაღი. მაგრამ ვასრულებთ სამუშაოს და ვფიქრობ, შესაძლოა ორ კვირაში, შესაძლოა კიდევ რამდენიმე დღეში, შევასრულოთ ეს სამუშაო. მაგრამ გვინდა, რომ გავანადგუროთ ყველაფერი, რაც მათ აქვთ“, - განაცხადა ტრამპმა.
