USD
EUR
RUB
თბილისი
რუსთავის მერმა 150 ოქროს მედალოსანს ფულადი ჯილდო გადასცა
თარიღი : 06.30.2022 12:18  161

რუსთავის მერის ნინო ლაცაბიძის ინიციატივით, რუსთაველი ოქროს მედალოსნებისთვის საზეიმო მიღება გაიმართა. ამის შესახებ ინფორმაციას რუსთავის მერია ავრცელებს.

მათივე ინფორმაციით, მერის მიღებაზე მიწვეულმა 150-მა ოქროს მედალოსანმა, 500 ლარის ოდენობის ფულადი ჯილდო და ლოტოტრონის მეშვეობით გათამაშებული სხვადასხვა საჩუქრები მიიღო. მათგან, სამი ოქროს მედალოსანი კი კომპანია ,,სოკარ ჯორჯია პეტროლიუმის“ მიერ დაწესებული პრიზის მფლობელი გახდა, ისინი ბარსელონაში საზაფხულო სკოლაში გაემგზავრებიან.

,,ჩვენ შევთანხმდით, რომ თითოეული ახალგაზრდა, ვინც წარჩინებით დაამთავრებდა სკოლას, მერიისგან წამახალისებელი ჯილდოს სახით 500 ლარს მიიღებდა და ჩვენ ეს დანაპირები შევასრულეთ. დღევანდელი საზეიმო მიღება და საჩუქრები, რომელიც კერძო ბიზნესმა დააწესა ჩვენი ოქროს მედალოსნებისთვის, ძალიან ემოციური იყო, რისთვისაც მათ დიდ მადლობას ვუხდი. მიხარია, რომ ეს ემოციები რუსთავში 150-მა ბავშვმა გაიზიარა. იმედს ვიტოვებ, რომ მომავალ წელს, კიდევ უფრო მეტი ოქროს მედალოსანი გვეყოლება“, - განაცხადა რუსთავის მერმა ნინო ლაცაბიძემ ჟურნალისტებთან საუბარში.

ოქროს მედალოსნების წახალისების მიზნით შექმნილი პროგრამა, მიმდინარე წლიდან რუსთავის მერის ნინო ლაცაბიძის ინიციატივით ამოქმედდა. წარმატებული კურსდამთავრებულებისთვის სპეციალური მიღება, წელს პირველად გაიმართა და მომავალში ტრადიციულ სახეს მიიღებს.

,,რუსთავის მერიისგან 150 ოქროს მედალოსანს გადაეცა ფულადი ჯილდო, ასევე სხვადასხვა კომპანიებისგან მათ გადაეცათ საჩუქრები. განათლებაში ჩადებული ინვესტიცია ყველაზე გამართლებული და კარგი ინვესტიციაა“, - განაცხადა ქვემო ქართლში სახელმწიფო რწმუნებულმა გიორგი დოხტურიშვილმა.

ღონისძიებას საქართველოს პარლამენტში რუსთავის მაჟორიტარი დეპუტატი ირაკლი შატაკიშვილი, ქვემო ქართლში სახელმწიფო რწმუნებული გიორგი დოხტურიშვილი, რუსთავის საკრებულოს ფრაქცია ,,ქართული ოცნების" წარმომადგენლები, ქალაქის საჯარო და კერძო სკოლების დირექტორები, ოქროს მედალოსნები დაესწრნენ.

რუსთავის მერია განათლების ხელშეწყობის მიზნით, სტუდენტების სწავლის დაფინანსების პროგრამასაც ახორციელებს, მიმდინარე წლიდან, პროგრამა მაგისტრატურისა და დოქტორანტურის სტუდენტებსაც აფინანსებს. განათლების ხელშეწყობის პროგრამების დასაფინანსებლად წელს, რუსთავის ბიუჯეტში, 665 000 ლარია გათვალისწინებული.

სხვა
3 თვეში საქართველოში $25.7 ათასის ორგანოების იმპორტი განხორციელდა

მიმდინარე წლის 3 თვეში საქართველომ 25.7 ათასი დოლარის ღირებულების ორგანოთერაპიისთვის განკუთვნილი ჯირკვლები და სხვა ორგანოების იმპორტი განახორციელა. 2022 წლის დასაწყისში ქვეყანაში შემოტანილი ორგანოების მოცულობა გასული 4 წლის ანალოგიური პერიოდების იმპორტს აღემატება.

ოფიციალური სტატისტიკით ორგანოთერაპიისთვის შემოტანილი ამ დასახელების საქონლის მოცულობა იანვარ-მარტში 0.13 ტონა იყო.

რაც შეეხება ორგანოების იმპორტის წლიურ მონაცემებსა და იმ ქვეყნებს, სადაც საქართველო საქონელს ყიდულობს, საქსტატის მიხედვით, ბოლო ათი წლის განმავლობაში იმპორტის ყველაზე მაღალი მაჩვენებელი 2012 წელს გვქონდა (183 ათასი დოლარი, 0.74 ტონა). აღსანიშნია, რომ პანდემიის დაწყების პირველ წელს საქართველოდან 0.23 ტონა ორგანოების შესაძენად 155 ათასი დოლარი გავიდა. გასულ წელს კი 0.44 ტონა იმპორტირებული საქონლის ღირებულებამ 89.9 ათასი დოლარი შეადგინა.

ოფიციალური სტატისტიკიდან ჩანს, რომ ორგანოთერაპიისთვის განკუთვნილი ჯირკვლებისა და სხვა ორგანოების ყველაზე დიდი მომწოდებელი საქართველოსთვის აშშ-ია - 77.9 ათასი დოლარი, მას მოსდევს გაერთიანებული სამეფო - 3.8 ათასი დოლარი, ჰონ-კონგი - 3.3 ათასი დოლარი, გერმანია - 2.1 ათასი დოლარი, ავსტრალია - 0.9 ათასი დოლარით. საიმპორტო ქვეყნებს შორისაა: კანადა, იტალია, ახალი ზელანდია, ისრაელი, ბელგია და შვეიცარია.

წყარო:https://bm.ge/

სრულად
გამოკითხვა
ვინ გაიმარჯვებს რუსეთ - უკრაინის ომში?
ხმის მიცემა
სხვათა შორის

ილია ჭავჭავაძე: "როცა პრუსიამ წაართვა საფრანგეთს ელზასი და ლოტარინგია და პარლამენტში ჩამოვარდა საუბარი მასზედ, თუ რაგვარი მმართველობა მივცეთო ამ ახლად დაჭერილს ქვეყნებს, ბისმარკმა აი, რა სთქვა: ,,ჩვენი საქმე ელზასსა და ლოტარინგიაში თვითმმართველობის განძლიერება უნდა იყოსო. ადგილობრივნი საზოგადოების კრებანი უნდა დავაწყოთო ადგილობრივის მმართველობისთვისაო. ამ კრებათაგან უფრო უკეთ გვეცოდინება იმ ქვეყნების საჭიროება, ვიდრე პრუსიის მოხელეთაგანა. ადგილობრივთა მცხოვრებთაგან ამორჩეულნი და დაყენებულნი მოხელენი ჩვენთვის არავითარს შიშს არ მოასწავებენ. ჩვენგან დანიშნული მოხელე კი მათთვის უცხო კაცი იქნება და ერთი ურიგო რამ ქცევა უცხო კაცისა უკმაყოფილებას ჩამოაგდებს და ეგ მთავრობის განზრახვასა და სურვილს არ ეთანხმება. მე უფრო ისა მგონია, რომ მათგან ამორჩეულნი მოხელენი უფრო ცოტას გვავნებენ, ვიდრე ჩვენივე პრუსიის მოხელენი”. თუ იმისთანა კაცი, როგორც ბისმარკი, რომელიც თავისუფლების დიდი მომხრე მაინდამაინც არ არის, ისე იღვწოდა თვითმმართველობისათვის, მერე იმ ქვეყნების შესახებ, რომელთაც გერმანიის მორჩილება არამც თუ უნდოდათ, არამედ ეთაკილებოდათ, თუ ამისთანა რკინის გულისა და მარჯვენის კაცი, როგორც ბისმარკი, სხვა გზით ვერ ახერხებდა ურჩის ხალხის გულის მოგებას, თუ არ თვითმმართველობის მინიჭებითა, სხვას რაღა ეთქმის."

დედამიწაზე არსებული ცოცხალი არსებებიდან მხოლოდ ადამიანს და კოალას აქვთ თითის ანაბეჭდი

ინდოელი დიასახლისები მსოფლიო ოქროს მარაგის 11% ფლობენ. ეს უფრო მეტია, ვიდრე აშშ-ს, სავალუტო ფონდის, შვეიცარიის და გერმანიის მფლობელობაში არსებული ოქრო, ერთად აღებული.

დადგენილია, რომ სასოფლო-სამეურნეო კულტურათა მოსავლიანობის განმსაზღვრელ კომპლექსურ პირობათა შორის, ერთ-ერთი თესლის ხარისხია. მაღალხარისხოვანი ჯიშიანი თესლი ერთ-ერთი მნიშვნელოვანი ფაქტორია მოსავლიანობის გასადიდებლად, რაც აგრეთვე დასაბუთებულია ხალხური სიბრძნით "რასაც დასთეს, იმას მოიმკი". - ქართული გენეტიკისა და სელექცია–მეთესლეობის სკოლის ერთ-ერთი ფუძემდებელი, მეცნიერებათა დოქტორი, აკადემიკოსი პეტრე ნასყიდაშვილი

ებოლა, SARS-ი, ცოფი, MERS-ი, დიდი ალბათობით ახალი კორონავირუსი COVID-19-იც, ყველა ამ ვირუსული დაავადების გავრცელება ღამურას უკავშირდება.

ყველაზე დიდი ეპიდემია კაცობრიობის ისტორიაში იყო ე.წ. "ესპანკა" (H1N1), რომელსაც 1918-1919 წლებში მიახლოებით 100 მილიონი ადამიანის სიცოცხლე შეეწირა, ანუ დედამიწის მოსახლეობის 5,3 %.

იცით თუ არა, რომ მონაკოს ნაციონალური ორკესტრი უფრო დიდია, ვიდრე ქვეყნის არმია.