,
ბევრი ობიექტია ნამდვილად რუსთაველის გამზირზე და ყველა გაფრთხილებულია, გამგეობის თანამშრომლების მიერ ინფორმირებულია, რომ იწყება გამზირის რეაბილიტაცია, - განაცხადა თბილისის მერიის ინფრასტრუქტურის განვითარების საქალაქო სამსახურის უფროსმა გიორგი აბუთიძემ.
მისივე თქმით, ფეხით მისასვლელი ყველგან დარჩება.
„რა თქმა უნდა, ხმაური, ცოტა მტვერი შეაწუხებს მოსახლეობასაც და თვითონ კომერციული ობიექტების მფლობელებსაც, თუმცა ამხელა პროექტი სხვანაირად ვერ გამოვა. ბოდიში გვინდა მოსახლეობას მოვუხადოთ, დისკომფორტი იქნება ეს ოთხი თვე, თუმცა საბოლოოდ ალბათ ყველა კმაყოფილი იქნება. ეს ოთხი თვე ყველამ უნდა გავიჭირვოთ ცოტ-ცოტა, რათა შედეგი დაიდოს და რუსთაველის გამზირი კიდევ უფრო მიმზიდველი იყოს მომავალში.
წელს მხოლოდ საგზაო ინფრასტრუქტურის მოწესრიგებაა გათვალისწინებული, შენობების განახლება შემდგომი ეტაპია, რომელსაც თბილისის განვითარების ფონდი განახორციელებს. მაქსიმალურად იქნება შენარჩუნებული შენობების ავთენტურობა. ზოგიერთ შენობას გამაგრება სჭირდება, ზოგს ფასადების შეკეთება და ამ მიმართულებით განხორციელდება შემდგომ ეტაპზე სამუშაოები“, - აღნიშნა გიორგი აბუთიძემ.
დონალდ ტრამპის განცხადებით, აშშ ირანში ხიდებსა და ელექტროსადგურებს გაანადგურებს, თუ ირანი ჰორმუზის სრუტეში გემებს თავს დაესხმება.
„ამ მომენტიდან ყოველ ჯერზე, როდესაც ირანის ისლამური რესპუბლიკა რაკეტით, დრონით ან სხვა იარაღით ჰორმუზის სრუტეში გემს დაარტყამს, ამერიკის შეერთებული შტატები დაბომბავს და გაანადგურებს ერთ ხიდს ან ელექტროსადგურს“, - წერს ტრამპი Truth Social-ზე.
ტრამპის თქმით, აშშ ირანის დედაქალაქ თეირანში და მის სიახლოვეს მდებარე ხიდებსა და ელექტროსადგურებსაც დაარტყამს.
