,
რუსეთის ტურ-ოპერატორთა ასოციაციის განცხადებით, სექტემბრის მეორე ნახევარში რუსეთის შავი ზღვის კურორტებზე დასვენება საგრძნობლად გაიაფდა.
მათივე განცხადებიტ, ყველაზე ხელმისაწვდომი მიმართულებების ხუთეულს აფხაზეთი ლიდერობს: ოკუპირებულ 10 დღიანი დასვენება ბილეთების ჩათვლით, რუსს ტურისტებს 50,8 ათასი რუბლი დაუჯდებათტ, რაც სექტემბრის დასაწყისთან შედარებით 19%-ით იაფია.
მეორე ადგილზეა იაფი ტურები გელენჯიკში: ტურისტებს იქ 10 დღიანი დასვენება დაახლოებით 55,6 ათასი რუბლი დაუჯდებათ, რაც თითქმის მეოთხედით იაფი, ვიდრე თვის დასაწყისში.
შემდეგი მოდის ანაპა (62,5 ათასი რუბლი), სოჭი (67,9 ათასი რუბლი) და არაბეთის გაერთიანებული საემიროები (92,2 ათასი რუბლი).
თუმცა, თურქეთი რჩება ყველაზე პოპულარულ მიმართულებად რუს ტურისტებს შორის - მას უკავია ტურისტული პაკეტის გაყიდვების 61%, ხოლო 10-დღიანი ტურის ფასი დაახლოებით 100 ათასი რუბლიდან იწყება. ბაზრის 15% მოდის ეგვიპტეზე, 11% რუსეთის კურორტებზე, 8% არაბეთის გაერთიანებულ საემიროებზე და 5% ტაილანდზე.
შშ-ის პრეზიდენტმა, დონალდ ტრამპთან ვენესუელას პრეზიდენტ ნიკოლას მადუროს გასულ თვეში გამართული სატელეფონო საუბრის დროს გადადგომის და ქვეყნის უსაფრთხოდ დატოვებისთვის ვადა გასული კვირის პარასკევამდე მისცა, - ინფორმაციას Reuters-ი ავრცელებს.
გამოცემა წერს, რომ 21 ნოემბრის საუბარს წინ უძღოდა აშშ-ის მიერ ვენესუელაზე ზეწოლის გაზრდა თვეების განმავლობაში, მათ შორის კარიბის ზღვის აუზში ნარკოტიკების კონტრაბანდაში სავარაუდოდ ჩართულ გემებზე დარტყმები, ტრამპის მუქარა ხმელეთზე სამხედრო ოპერაციების გაფართოების შესახებ და Cartel de los Soles-ის, ჯგუფის, რომლის წევრიც ტრამპის ადმინისტრაციის განცხადებით, მადუროა, უცხოურ ტერორისტულ ორგანიზაციად გამოცხადება.
Reuters-ის წყაროების ცნობით, სატელეფონო საუბრისას მადურომ ტრამპს განუცხადა, რომ მზად იყო დაეტოვებინა ვენესუელა იმ პირობით, რომ მას და მის ოჯახის წევრებს სრული სამართლებრივი ამნისტია ექნებოდათ, მათ შორის აშშ-ის ყველა სანქციის მოხსნა და სისხლის სამართლის საერთაშორისო სასამართლოში მისი საქმის შეწყვეტა.
მან ასევე მოითხოვა სანქციების მოხსნა 100-ზე მეტი ვენესუელელი ჩინოვნიკისთვის, რომელთაგან ბევრს აშშ ადამიანის უფლებების დარღვევაში, ნარკოტიკებით ვაჭრობაში ან კორუფციაში ადანაშაულებს,
მადურომ ასევე ითხოვა, რომ ახალი არჩევნების ჩატარებამდე დროებითი მთავრობის ხელმძღვანელი ვიცე-პრეზიდენტ დელსი როდრიგესი ყოფილიყო.
სატელეფონო საუბარის დრომ ტრამპმა მისი მოთხოვნების უმეტესობა უარყო, თუმცა მადუროს უთხრა, რომ მას ერთი კვირა ჰქონდა ოჯახის წევრებთან ერთად ვენესუელას დასატოვებლად.
წყაროების ცნობით, უსაფრთხო გასვლის ვადა პარასკევს ამოიწურა, რის გამოც ტრამპმა შაბათს ვენესუელას საჰაერო სივრცის დახურვის შესახებ განაცხადა.
მადურო და მისი მთავრობა აშშ-ის ადმინისტრაციის ყველა ბრალდებას უარყოფენ და აცხადებენ, რომ შეერთებულ შტატებს ვენესუელაში რეჟიმის შეცვლა სურს, რათა ქვეყნის უზარმაზარი ბუნებრივი რესურსები, მათ შორის ნავთობი, გააკონტროლოს.
