,
რუსეთთან, ჩინეთთან და ირანთან დაკავშირებული ჰაკერები სულ უფრო ხშირად უტევენ დონალდ ტრამპისა და მისი მოწინააღმდეგის, ჯო ბაიდენის წინასაარჩენო გუნდებს. კიბერთავდასხმის მიზანი ორივე კანდიდატთან დაახლოებული ადამიანებისა და სტრუქტურების მაკომპრომატირებელი ინფორმაციის მოპოვებაა. ამის შესახებ კომპანია Microsoft-ის ექსპერტების ანგარიშში წერია.
მომხმარებლების უსაფრთხოების საკითხებში Microsoft-ის ვიცე-პრეზიდენტის ტომ ბერტის განცხადებით, კიბერთავდასხმების რაოდენობა აშშ-ის საპრეზიდენტო არჩევენების მოახლოებასთან ერთად იმატებს.
მან განსაკუთრებული ყურადღება გაამახვილა რუსი ჰაკერების ჯგუფებზე, რომლებსაც კავშირი აქვთ სამხედრო დაზვერვასთან და რომლებიც 2016 წლის არცევნებში ჩარევას უკვე შეეცადნენ.
2016 წლის ივლისში აშშ-ის საპრეზიდენტო არჩევნების წინ, დემოკრატიული პარტიის ნაციონალური კომიტეტის სერვერები გატეხეს და დაახლოებით 20 000 ელექტრონული წერილი WikiLeaks-ზე გამოქვეყნდა. ჰაკერული შეტევა განხორციელდა აგრეთვე კონგრესში დემოკრატიული პარტიის კომიტეტზე. მაშინ ამ თავდასხმებში რუსი ჰაკერები დაადანაშაულეს, რომლებიც Cozy Be-სა და Fancy Bear-ის წარმომადგენლები არიან.
პრეზიდენტმა ვლადიმირ პუტინმა განაცხადა, რომ 2025 წელს რუსეთის ეკონომიკური ზრდის ტემპი 1%-მდე შენელდა.
მთავრობის სხდომაზე გამოსვლისას მან აღნიშნა, რომ ეს მაჩვენებელი საგრძნობლად ჩამორჩება წინა წლების დინამიკას. კერძოდ, 2023 წელს 4.1%-იანი და 2024 წელს 4.3%-იანი ზრდა დაფიქსირდა, რაც სამხედრო ხარჯების ზრდის ეფექტით იყო განპირობებული.
პრეზიდენტის თქმით, ეკონომიკური აქტივობის ასეთი შენელება მთავრობისთვის მოსალოდნელი იყო და ის დიდწილად ინფლაციის წინააღმდეგ მიმართულმა ხელოვნურმა ზომებმა განაპირობა. ამ შემთხვევაში, პუტინი ცენტრალური ბანკის მიერ განსაზღვრულ რეფინანსირების განაკვეთზე მიუთითებს, რომელიც 16%-იან ნიშნულზეა.
პუტინმა ხაზი გაუსვა, რომ ცენტრალური ბანკის მიზანმიმართულმა პოლიტიკამ შედეგი გამოიღო და ინფლაცია, რომელიც 2024 წელს 9.5%-ს შეადგენდა, წელს 5.6%-მდე შემცირდა. მისივე პროგნოზით, 2026 წლის ბოლოსთვის ეს მაჩვენებელი 5%-იან ნიშნულამდე დაიწევს.
ეკონომიკური ზრდის შენელების მიუხედავად, კრემლი ამტკიცებს, რომ სახელმწიფო ბიუჯეტი სრულად ფარავს სოციალურ ვალდებულებებსა და სამხედრო საჭიროებებს, მიუხედავად იმისა, რომ რეკორდულად მზარდი ბიუჯეტის დეფიციტი სხვა რეალობაზე მიუთითებს.
ექსპერტთა ნაწილი მიიჩნევს, რომ რუსეთის ეკონომიკურ სტაგნაციას სამუშაო ძალის დეფიციტი, მაღალი საპროცენტო განაკვეთები და დასავლური სანქციების კუმულაციური ეფექტი იწვევს, რომლის სრულ მასშტაბებს უფრო მეტად 2026-27 წლებში ვიხილავთ.
ცნობისთვის, 2026 წლისთვის რუსეთის მთავრობა მშპ-ის 1%-1.3%-იან ზრდას პროგნოზირებს, თუმცა საერთაშორისო სავალუტო ფონდი უფრო პესიმისტურ, 0.8%-იან ზრდის მაჩვენებელს ვარაუდობს.
წყარო: https://bm.ge/
