,
რუსეთის სასამართლომ ქვეყანაში „ფეისბუქი“ და „ინსტაგრამი“ „ექსტრემიზმის“ მოტივით აკრძალა. ამის შესახებ ინფორმაციას "რია ნოვოსტი" ავრცელებს.
გადაწყვეტილება დაუყოვნებლივ უნდა აღსრულდეს.
სერვისების მფლობელი კომპანია "მეტას" ექსტრემისტულად ცნობის თაობაზე სარჩელი გენერალურმა პროკურატურამ მოამზადა.
„რია ნოვოსტის“ ინფორმაციით, რუსეთის პროკურატურაში განაცხადეს, რომ შემდგომში მოქალაქეებს მათი უფლებების შესაძლო დარღვევისგან დაიცავენ.
პროკურორების თქმით, „ექსტრემისტული ინფორმაცია“ ემუქრება როგორც ცალკეულ ადამიანებს, ისე მთლიან საზოგადოებას. ისინი ასევე ამტკიცებენ, რომ „ფეისბუქმა“ თავისი წესები დაარღვია, რადგან მომხმარებლებს იმის ნებართვა მისცა, რომ რუსი ჯარისკაცების მკვლელობის მოწოდებები გაევრცელებინათ.
რუსული მედიის ცნობით, აკრძალვა არ შეეხება WhatsApp-ის აპლიკაციას, რომელიც ასევე „მეტას“ ეკუთვნის.
ამერიკის შეერთებული შტატების გარეშე ნატო ქაღალდის ვეფხვია, - ამის შესახებ აშშ-ის პრეზიდენტი, დონალდ ტრამპი სოციალურ ქსელში წერს.
„შეერთებული შტატების გარეშე ნატო ქაღალდის ვეფხვია! მათ არ უნდოდათ ბრძოლაში ჩართვა ბირთვულად შეიარაღებული ირანის შესაჩერებლად. ახლა, როდესაც ბრძოლა სამხედრო ძალებით მოგებულია, მათთვის ძალიან მცირე საფრთხით, ისინი ნავთობის მაღალ ფასებზე წუწუნებენ, რომლის გადახდაც უწევთ, მაგრამ არ სურთ ჰორმუზის სრუტის გახსნაში დახმარება, მარტივ სამხედრო მანევრში, რაც ნავთობზე მაღალი ფასების ერთადერთი მიზეზია.
რამდენად მარტივია მათთვის ამის გაკეთება, ასეთი მცირე რისკით. ლაჩრები, და ჩვენ დავიმახსოვრებთ!” - წერს ტრამპი.
