,
რუსეთმა მის მიერ ოკუპირებულ აფხაზეთს დე ფაქტო არჩევნების მეორე ტურამდე, ტრანშის სახით 72 მლნ რუბლი (814 300 დოლარი) გადაურიცხა. ამის შესახებ ოკუპირებული აფხაზეთის ე.წ. ფინანსთა მინისტრობის მოვალეობის შემსრულებელმა, ვლადიმერ დელბამ განაცხადა.
რუსეთში, ანტონ სილუანოვისა და ბადრა გუნბას შორის 6 თებერვალს გამართული შეხვედრის შემდეგ, მოსკოვმა გადაწყვიტა, აფხაზეთისთვის 344 მილიონი რუბლი (4 მილიონი დოლარი) გადაერიცხა. პირველი ტრანში 7 თებერვალს შესრულდა. დელბას თქმით, პირველი ტრანშის ფარგლებში 344 მლნ რუბლი (3,9 მლნ დოლარი) განათლების, ჯანდაცვის, კულტურისა და სპორტის მუშაკების ხელფასებისთვის გამოიყო.
"იანვრის სახელფასო ფონდი სრულად დაფინანსდა. აფხაზეთი თანადაფინანსების რეჟიმის უზრუნველყოფას განაგრძობს", - განაცხადა დელბამ.
ქვეყნის მასშტაბით, სეზონური გრიპის საწინააღმდეგო ვაქცინაცია დაიწყო - აცრა, ყველა მოქალაქისთვის, უფასოდ იქნება ხელმისაწვდომი.
ჯანდაცვის სამინისტროს ცნობით, იმუნიზაციის სახელმწიფო პროგრამის ფარგლებში, საქართველომ, 200 000 დოზა ფრანგული წარმოების, ოთხკომპონენტიანი, (SANOFI WINTHROP INDUSTRIE-ის VaxigripTetra™) სეზონური გრიპის საწინააღმდეგო ვაქცინა შეიძინა, რომელიც ერთ-ერთია ჯანმოს მიერ რეკომენდებულ ვაქცინებს შორის.
„ვაქცინა მორგებულია იმ შტამებზე, რომელთა ცირკულაცია მოსალოდნელია გრიპის სეზონზე.
განსაკუთრებით მნიშვნელოვანია ვაქცინაცია მაღალი რისკის / ქრონიკული დაავადების მქონე პირებისთვის, რადგან ზოგიერთი ადამიანისთვის გრიპი შესაძლოა სახიფათო დაავადებად იქცეს.
აცრა ვაქცინაციის სერვისის მიმწოდებელ სამედიცინო დაწესებულებებსა და პოლიკლინიკებში 6 თვის ასაკიდანაა შესაძლებელი და ბენეფიციარებისთვის სრულად უფასოა”,- აღნიშნულია ინფორმაციაში.
დაწესებულებები იხილეთ ბმულზე: https://ncdc.ge/#/pages/file/87a090e3-e8de-4d08-adaf-aaf0cb8b7128
