,
"რუსეთი და აფხაზეთი საინვესტიციო ხელშეკრულების გადახედვას აპირებენ", - ამის შესახებ რუსეთის ვიცე-პრემიერმა, ალექსანდრ ნოვაკმა დროებით აფხაზეთის ე.წ. პრეზიდენტობის კანდიდატ, ბადრა გუნბასთან შეხვედრაზე განაცხადა.
"ჩვენ დავუბრუნდებით მის განხილვას. რა თქმა უნდა, ორმხრივი ინტერესების ბალანსს უზრუნველვყოფთ, მათ შორის აფხაზეთის მოსახლეობისა და ბიზნესის ჩათვლით. ეს იქნება დოკუმენტი, რომელიც ითვალისწინებს ყველა მხარის ინტერესებს", - განაცხადა მან.
ბადრა გუნბამ, რომელიც კრემლის ფავორიტი კანდიდატია, თავის მხრივ, განაცხადა, რომ აფხაზეთი რუსეთიდან ინვესტიციების მოზიდვას გააგრძელებს.
"აფხაზეთის ეკონომიკაში ინვესტიციების სახით, ბოლო წლებში 25 მილიარდ რუბლზე მეტი მოზიდულია. ჩვენ დამატებით ხელსაყრელ პირობებს შევქმნით", - თქვა მან.
ქვეყნის მასშტაბით, სეზონური გრიპის საწინააღმდეგო ვაქცინაცია დაიწყო - აცრა, ყველა მოქალაქისთვის, უფასოდ იქნება ხელმისაწვდომი.
ჯანდაცვის სამინისტროს ცნობით, იმუნიზაციის სახელმწიფო პროგრამის ფარგლებში, საქართველომ, 200 000 დოზა ფრანგული წარმოების, ოთხკომპონენტიანი, (SANOFI WINTHROP INDUSTRIE-ის VaxigripTetra™) სეზონური გრიპის საწინააღმდეგო ვაქცინა შეიძინა, რომელიც ერთ-ერთია ჯანმოს მიერ რეკომენდებულ ვაქცინებს შორის.
„ვაქცინა მორგებულია იმ შტამებზე, რომელთა ცირკულაცია მოსალოდნელია გრიპის სეზონზე.
განსაკუთრებით მნიშვნელოვანია ვაქცინაცია მაღალი რისკის / ქრონიკული დაავადების მქონე პირებისთვის, რადგან ზოგიერთი ადამიანისთვის გრიპი შესაძლოა სახიფათო დაავადებად იქცეს.
აცრა ვაქცინაციის სერვისის მიმწოდებელ სამედიცინო დაწესებულებებსა და პოლიკლინიკებში 6 თვის ასაკიდანაა შესაძლებელი და ბენეფიციარებისთვის სრულად უფასოა”,- აღნიშნულია ინფორმაციაში.
დაწესებულებები იხილეთ ბმულზე: https://ncdc.ge/#/pages/file/87a090e3-e8de-4d08-adaf-aaf0cb8b7128
