,
ვროპა მოლდოვის ოკუპაციისთვის ემზადება, - ამის შესახებ განცხადებას რუსეთის საგარეო დაზვერვის სამსახური ავრცელებს.
„ბრიუსელი მოლდოვის ოკუპაციის გეგმებზე უარის თქმას არ აპირებს, იმ შემთხვევაშიც კი, თუ არჩევნების შემდეგ შექმნილი ვითარება საგარეო ჩარევას არ მოითხოვს. ჯარების განლაგება მოგვიანებით იგეგმება. საბაბის მოძებნის მიზნით დნესტრისპირეთისა და რეგიონში განთავსებული რუსეთის ჯარების წინააღმდეგ შეიარაღებული პროვოკაციების მოწყობა იგეგმება. შესაძლო ვადად 30 ნოემბერი განიხილება, როდესაც დნესტრისპირეთის მოლდოვური რესპუბლიკის უზენაეს საბჭოში არჩევნები ტარდება“, - ნათქვამია განცხადებაში.
რუსეთის საგარეო დაზვერვის სამსახურის განცხადებით, „ამ ეტაპზე მოლდოვის ოკუპაციის მიზნით ნატო-ს ჯარების თავმოყრა რუმინეთში, მოლდოვის საზღვართან ახლოს მიმდინარეობს“.
„დნესტრისპირეთის დაშინების მიზნით ნატო-ს დესანტის გადასხმა უკრაინის ოდესის ოლქში იგეგმება. არსებული მონაცემებით, საფრანგეთიდან და დიდი ბრიტანეთიდან პროფესიონალი სამხედრო მოსამსახურეების პირველი ჯგუფი უკვე ჩავიდა. სცენარი რუმინეთში ნატო-ს სამხედრო წვრთნების დროს არაერთხელ დამუშავდა და შესაძლოა, მოლდოვაში 28 სექტემბერს დაგეგმილი საპარლამენტო არჩევნების შემდეგ განხორციელდეს“, - აღნიშნულია განცხადებაში.
განცხადების თანახმად, „ევროპელებს რუსეთთან პირდაპირი დაპირისპირების ეშინიათ და პატარა მოლდოვაზე შურისძიება სურთ“.
„ევროპელ მაღალჩინოსნებს ეშინიათ, რომ ბრიუსელისა და კიშინიოვის მიერ მომზადებული არჩევნების შედეგების გაყალბების გამო, მოლდოვის მოქალაქეები საკუთარი უფლებების დასაცავად ქუჩებში გამოვლენ. შედეგად, პრეზიდენტ სანდუს თხოვნით, ევროპული სახელმწიფოების შეიარაღებული ძალები მოლდოველებს აიძულებენ, რომ ევროპული დემოკრატიის საფარქვეშ ამოფარებული დიქტატურა მიიღონ“, - აცხადებს რუსეთის საგარეო დაზვერვა.
დიდი შვიდეულის“ ქვეყნებისა და ევროკავშირის ლიდერებმა, ურსულა ფონ დერ ლაიენმა და ანტონიო კოშტამ იოჰანესბურგში „დიდი ოცეულის“ სამიტის ფარგლებში გამართულ შეხვედრაზე ვაშინგტონის მიერ უკრაინისთვის შეთავაზებული სამშვიდობო გეგმა განიხილეს, - ინფორმაციას Reuters-ი ავრცელებს.
გამოცემის ცნობით, შეხვედრას ასევე ესწრებოდნენ ფინეთის, ნორვეგიის, ესპანეთისა და ნიდერლანდების ლიდერები.
დისკუსიის დაწყებამდე საფრანგეთის, გაერთიანებული სამეფოსა და გერმანიის არაფორმალური უსაფრთხოების ალიანსის შეხვედრა გაიმართა.
შეერთებული შტატები და რუსეთი უკრაინაში მიმდინარე ომის დასრულების შესახებ 28-პუნქტიან გეგმაზე მოლაპარაკებებს აწარმოებენ, თუმცა ბრიუსელი მოლაპარაკებებში არ არის ჩართული. ევროკომისიის პრეზიდენტმა, ფონ დერ ლაიენმა გუშინ განაცხადა, რომ უკრაინის პრეზიდენტ ვოლოდიმირ ზელენსკის დაუკავშირდება.
ზელენსკიმ განაცხადა, რომ მზადაა ვაშინგტონთან „კონსტრუქციული და პატიოსანი თანამშრომლობისთვის“. უკრაინის ეროვნული უსაფრთხოებისა და თავდაცვის საბჭოს მდივანმა, რუსტემ უმეროვმა, დღეს გაავრცელა ინფორმაცია, რომ კიევი, აშშ-სთან კონსულტაციებს მომავალ კვირას შვეიცარიაში იწყებს.
