,
რუსეთის კონსტიტუციაში შესატანი ცვლილებების კამპანიის ფარგლებში, მოსკოვისა და სრულიად რუსეთის პატრიარქმა კირილემ მორწმუნეებს მიმართა, რომ "ილოცონ და იმუშაონ" იმისთვის, რომ კონსტიტუციის პრეამბულაში შესაძლებელი გახდეს ღმერთის ხსენება. მისი თქმით, რუსების "უმრავლესობას" სწამთ ღმერთი, იმისდა მიუხედავად ისინი ქრისტიანები არიან, მაჰმადიანები თუ სხვა სარწმუნოების მიმდევრები.
მოსკოვის მაცხოვრის საკათედრო ტაძარში წირვის დროს, პატრიარქმა გაიხსენა, რომ უფლის სახელი მოხსენიებული არის რუსეთის ჰიმნში ("ღვთის მიერ დაცული მშობლიური მიწა“). "რატომ არ შეიძლება ითქვას ამის შესახებ ჩვენს კონსტიტუციაში?" - ჰკითხა მან მრევლს.
კირილემ დასძინა, რომ ღმერთისადმი რწმენა გავლენას ახდენს ზნეობის ფორმირებაზე, ამიტომ ის ასახული უნდა იყოს ძირითადი კანონში.
პატრიარქ კირილის ამ განცხადების შემდეგ, სოციალური ქსელების მომხმარებლებმა შეადგინეს თავიანთი სია იმ შესწორებებისა, რომლების დამატება მათი აზრით შესაძლებელი იყო კონსტიტუციაში.
მაგალითად, „მივესალმებით უცხოპლანეტელებს“, „გახეხილი ვაშლი“, კეიტ ბლანშეტი, დაფნის ფოთოლი, სმოლენკის ოლქში თოვლის აღების ვალდებულება და სხვ.
