მთიანი ყარაბახის ომის დასრულების შემდეგ დაპირისპირებულ მხარეებს შორის დადებული შეთანხმება ყარაბახში დასახლებულ სომეხ სეპარატისტებს ავალდებულებს, სასწრაფოდ დატოვონ ტერიტორია და უკანონოდ მითვისებული ქონება მკვიდრ აზერბაიჯანელებს დაუტოვონ.  

ამგვარი ვითარების შექმნიდან ცოტა ხანში სოციალურ ქსელებში სოხუმის მაცხოვრებლების სტატუსები ჩნდება, სადაც ისინი ყვებიან, რომ აფხაზეთში და განსაკუთრებით სოხუმში ყარაბახიდან გამოდევნილი სომხების მასობრივი ჩასახლება მიმდინარეობს.მათი თქმით აფხაზეთში უკვე 4 ათასამდე სომეხია გადაყვანილი.   აღნიშნული ინფორმაცია არაერთგზის დასტურდება, მათ შორის თურქეთში აფხაზეთის საძმოსა და საინფორმაციო პორტალების(Day.az, Smi6.ru) მიერ.

დამატებით საინტერესო ცნობები ვრცელდება ვებ გვერდზე https://kavkazplus.com/.  მათი ინფორმაციით,  რუსეთის ხელისუფლება ყველაფერს აკეთებს იმისთვის, რომ სომხების აფხაზეთის ტერიტორიაზე ჩასახლების პროცესი მაქსიმალურად „კანონიერად“ წარიმართოს, რათა სამომავლოდ მათ მიერ დაკავებული მიწის ნაკვეთებისა და ქონების ლეგიტიმურობა ეჭვქვეშ არ დადგეს. 

ფორმალურად ამ პროცესებს სათავეში ქართველების მიმართ განსაკუთრებული "სიყვარულით" აღვსილი, რუსეთის საგარეო საქმეთა მინისტრი სერგეი ლავროვი (ქალანთაროვი) ჩაუყენეს. როგორც ჩანს, იგი იმდენად დაინტერესებულია აფხაზეთის „გასომხების “ წარმატებით დასრულებით, რომ არა მხოლოდ ქართველების, არამედ რუსი მოქალაქეების ქონებრივი უფლებების ხელყოფასაც არ ერიდება.  არაფორმალურად, ლავროვის პარტნიორი აფხაზეთში სომხური დიასპორის წევრი და ავტორიტეტი  რუბენ ტატულიანი -მეტსახელად რობსონია.  უნდა აღინიშნოს, რომ ტატულიანი დიდი ხანია აფხაზეთის ავტონომიური რესპუბლიკის ხელისუფლების ერთ-ერთი მთავარი დამფინანსებელია.  მის შესახებ სოციალურ ქსელებში ბოლო დღეების მანძილზე უამრავი პოსტი იწერება, სადაც ავტორები პირდაპირ ადანაშაულებენ ტატულიანს ხალხისთვის ქონების ძალადობრივად წართმევაში.

სერგეი ლავროვის პრესცენტრის მიერ გამართულ პრესკონფერენციაზე ქონების უკანონო მითვისებასთან დაკავშირებით კითხვა ჟურნალისტმა ვლადიმერ სუნგორკინმა დასვა.  მის კითხვაში აქცენტი კონკრეტულად ეთნიკურად რუსული წარმომავლობის მქონე პირებზე იყო, თუმცა ლავროვის პრეს-მდივანმა განმარტა, რომ მათთვის მნიშვნელოვანია ნებისმიერი ეთნიკური წარმომავლობის მოქალაქის უფლებების დაცვა და უახლოეს მომავალში მსგავსი პრობლემები აუცილებლად აღმოიფხვრება. რა თქმა უნდა, აღმოფხვრის კონკრეტული გზების შესახებ მას არ უსაუბრია.

კავკაზპლიუსზე გამოქვეყნებულ სტატიაში ვკითხულობთ, რომ ლავროვის ასეთი მკაცრი პოლიტიკა რუსეთის მიერ კარგად დაგეგმილი კიდევ ერთი ნაბიჯია. აფხაზეთის „გასომხებით“ ისინი საბოლოოდ აღკვეთავენ აფხაზ სეპარატისტებს და ამას სომხების ხელით გააკეთებენ. იმ ერის, რომლის წინააღმდეგაც უამრავი ბერკეტი აქვთ.

რაც შეეხება ქართული წარმომავლობის მქონე რუს მოქალაქეებს, მათი მისამართით განცხადება აფხაზეთის საგარეო საქმეთა მინისტრმა დაურ კოვემ გააკეთა: „ განურჩევლად  ეთნიკური წარმომავლობისა, მათ შორის ქართული წარმომავლობის მქონე პირების მიმართ სრულიად თანაბარი ღონისძიებები გატარდება.  ისინი აუცილებლად უზრუნველყოფილნი იქნებიან სახლებითა და ბინებით. გამონაკლისები იქნებიან მხოლოდ ის პირები, რომლებიც დაუფარავად იბრძოდნენ ან იბრძვიან ჩვენი რესპუბლიკის სუვერენიტეტის წინააღმდეგ“.

ცხადია, რომ თუ კი ქართული ეთნოსის რომელიმე წარმომადგენელი ზედმეტ პრეტენზიებს წამოაყენებს შექმნილ ვითარებასთან დაკავშირებით, საჭიროების შემთხვევაში უმალ მოიძიებენ მოწმეებს, რომლებიც სიამოვნებით დაადასტურებენ, რომ აღნიშნული პიროვნება თავისი ქმედებებით აფხაზეთის სუვერენიტეტს უქმნიდა საფრთხეს. ამის შემდგომ კი მას უკვე საბოლოოდ ჩამოერთმევა ქონებრივი უფლებები.

 მასალა მომზადებულია https://kavkazplus.com/, https://www.day.az/ და https://smi6.ru/ -ზე დაყრდნობით