,
რუსეთის დუმის კომისიის თავმჯდომარე დუმას უცხოური მედიის წინააღმდეგ კანონპროექტს სთავაზობს.
რუსეთის დუმის რუსეთის საშინაო საქმეებში უცხო ქვეყნების ჩარევის გამოძიების საკითხთა კომისიის თავმჯდომარე ვასილი პისკარიოვი დარწმუნებულია, რომ რუსული მედიის დისკრიმინაციისთვის სარკისებული ზომების შესახებ კანონპროექტი გახდება პასუხი რუსი ჟურნალისტების წინააღმდეგ მტრულ ქმედებებზე. ამის შესახებ dumatv-ი იუწყება.
მისივე თქმით, უკანასკნელი ხუთი წლის ანალიზმა აჩვენა, რომ გაცილებით აგრესიულად რუსეთის მედიის წინააღმდეგ იქცევიან ლატვია, საფრანგეთი, მოლდოვა, პოლონეთი, ლიეტუვა, უკრაინა, აშშ, დიდი ბრიტანეთი, საქართველო, გერმანია, კანადა, ესტონეთი და რუმინეთი. მათ შორის, კი ლიდერები არიან ლატვია, უკრაინა და საფრანგეთი.
პისკარიოვის თქმით, კანონპროექტი სარკისებური ზომების შესახებ, რუსულ მედიის დისკრიმინაციაზე, იქნება ადეკვატური პასუხი რუსი ჟურნალისტების წინააღმდეგ მტრული ქმედებებისთვის.
მანვე აღნიშნა, რომ საუბარი ეხება უარს აკრედიტაციაზე ოფიციალური ღონისძიებების დროს და დაბრკოლების შექმნას საბანკო მომსახურებისას, ასევე მაუწყებლობის შეწყვეტას, საზღვარზე დაკავებას და მათი პროფესიული მოვალეობის შესრულებისთვის დაკავებას და დაპატიმრებას.
„ჩვენ მიერ შემოთავაზებული ზომები, რომელიც მოიცავს შესაძლებლობას, რომ მოხდეს უცხოური მედიის ლიცენზიისა და რეგისტრაციის გაწვევა იმ შემთხვევაში, თუკი ისინი გაავრცელებენ მართლსაწინააღმდეგო ინფორმაციას, ეს ადეკვატური და მკაცრი პასუხია, მაგრამ გაცილებით ჰუმანურად და ცივილურად გამოიყურება, ვიდრე ის საინფორმაციო ომი, რომელიც ჩვენ წინააღმდეგ მიმდინარეობს“ , - განაცხადა პისკარიოვმა.
დონალდ ტრამპმა რუსეთსა და უკრაინას შორის „სამშვიდობო გეგმას“ მხარი დაუჭირა, - ინფორმაციას NBC News-ი აშშ-ის პრეზიდენტის ადმინისტრაციის მაღალჩინოსანზე დაყრდნობით ავრცელებს.
გამოცემის ცნობით, აშშ-ის პრეზიდენტმა, დონალდ ტრამპმა მხარი დაუჭირა რუსეთსა და უკრაინას შორის ომის დასრულების მიზნით შემუშავებულ 28-პუნქტიან „სამშვიდობო გეგმას“, რომელზეც ამერიკელი მაღალჩინოსნები რუსეთის პრეზიდენტის სპეციალურ წარმომადგენელთან, კირილ დმიტრიევთან და უკრაინელ ოფიციალურ პირებთან ბოლო რამდენიმე კვირის განმავლობაში ფარულად მუშაობდნენ.
როგორც გამოცემა წერს, აშშ-ის მხრიდან გეგმაზე პრეზიდენტის სპეციალური წარმომადგენელი სტივ უიტკოფი, ვიცე-პრეზიდენტი ჯეი დი ვენსი, სახელმწიფო მდივანი მარკო რუბიო და დონალდ ტრამპის სიძე ჯარედ კუშნერი მუშაობდნენ.
„გეგმა მდგრადი მშვიდობის მიღწევის მიზნით ორივე მხარისთვის უსაფრთხოების გარანტიებს ითვალისწინებს. გეგმა იმას შეიცავს, რაც უკრაინას სურს და მდგრადი მშვიდობისთვის სჭირდება“, - განუცხადა გამოცემას ამერიკელმა მაღალჩინოსანმა.
ამერიკელმა ოფიციალურმა პირმა გამოცემასთან გეგმის დეტალებზე არ ისაუბრა და აღნიშნა, რომ პროცესში ჩართულ მხარეებთან გეგმასთან დაკავშირებით მოლაპარაკებები ჯერ კიდევ აუცილებელია.
ამასთან, გამოცემის ინფორმაციით, გეგმის ჩარჩო უკრაინულ მხარეს უნდა წარუდგინონ და პროექტის შესახებ საბოლოო შეთანხმების ვადა უკრაინაში პენტაგონის დელეგაციის ვიზიტს ემთხვევა.
გამოცემის წყაროს თქმით, უკრაინაში პენტაგონის დელეგაციის ვიზიტი „სამშვიდობო მოლაპარაკებების განახლების“ მიზნით თეთრი სახლის გეგმის ნაწილია.
