,
რუსეთი იმედოვნებს, რომ თურქეთი ჩრდილოეთ სირიაში შეტევის განხორციელებისგან თავს შეიკავებს.
როგორც მედია წერს, აღნიშნული განცხადება ოფიციალურმა მოსკოვმა მას შემდეგ გააკეთა, რაც თურქეთის პრეზიდენტმა რეჯეფ თაიფ ერდოღანმა ქურთი „ტერორისტების“ წინააღმდეგ სამხედრო კამპანიის შესახებ მუქარა განაახლა.
„ჩვენ ვიმედოვნებთ, რომ ანკარა თავს შეიკავებს ქმედებებისგან, რომლებმაც შეიძლება სირიაში ისედაც რთული სიტუაციის სახიფათო გაუარესება გამოიწვიოს“, - განაცხადა რუსეთის საგარეო საქმეთა სამინისტროს პრესსპიკერმა მარია ზახაროვამ.
რუსეთის საგარეო უწყების წარმომადგენლის თქმით, ასეთი ნაბიჯი, სირიის არაბთა რესპუბლიკის ლეგიტიმური მთავრობის შეთანხმების არარსებობის შემთხვევაში, სირიის სუვერენიტეტისა და ტერიტორიული მთლიანობის პირდაპირი დარღვევა იქნება და გამოიწვევს სირიაში დაძაბულობის შემდგომ ესკალაციას.
ამერიკის შეერთებული შტატების გარეშე ნატო ქაღალდის ვეფხვია, - ამის შესახებ აშშ-ის პრეზიდენტი, დონალდ ტრამპი სოციალურ ქსელში წერს.
„შეერთებული შტატების გარეშე ნატო ქაღალდის ვეფხვია! მათ არ უნდოდათ ბრძოლაში ჩართვა ბირთვულად შეიარაღებული ირანის შესაჩერებლად. ახლა, როდესაც ბრძოლა სამხედრო ძალებით მოგებულია, მათთვის ძალიან მცირე საფრთხით, ისინი ნავთობის მაღალ ფასებზე წუწუნებენ, რომლის გადახდაც უწევთ, მაგრამ არ სურთ ჰორმუზის სრუტის გახსნაში დახმარება, მარტივ სამხედრო მანევრში, რაც ნავთობზე მაღალი ფასების ერთადერთი მიზეზია.
რამდენად მარტივია მათთვის ამის გაკეთება, ასეთი მცირე რისკით. ლაჩრები, და ჩვენ დავიმახსოვრებთ!” - წერს ტრამპი.
