USD 2.7139
EUR 3.1514
RUB 3.3656
თბილისი
რუსეთ-უკრაინის ომის შეჯამება 20 სექტემბრის დილის მდგომარეობით - გიორგი კობერიძე
თარიღი:  810
- პუტინს სამხედრო ძალების გაზრდა 180 ათასი ადამიანით სურს. ომის დაწყებიდან დღემდე მან 130 ათასითა და 170 ათასი პერსონალით გაზარდა სამხედრო ძალების შემადგენლობა. ბოლო ზრდა კი ცოცხალი ძალის სერიოზულ დეფიციტს უკავშირდება, რომელიც ერთდროული, სინქრონიზებული და მრავალმიმართულებიანი იერიშების საშუალებას არ აძლევს რუსეთს.
- The Wall Street Journal-ის ინფორმაციით რუსეთის რიგებში 200 ათასი მოკლული და 500 ათასი დაჭრილი სამხედროა. ამ ციფრებში არაა შეყვანილი 60-70 ათასი მოკლული სეპარატისტი უკრაინის ოკუპირებული ტერიტორიებიდან, ისევე როგორც კერძო სამხედრო ორგანიზაციების (მაგ. "ვაგნერი") გამოყენებული პატიმრები ან კონტრაქტორები. მათი დამატებით რუსებს 270 ათასამდე მოკლული ჰყავთ.
უკრაინელთა დანაკარგებზე საუბრისას წყარო აღნიშნავს, რომ 80 ათას მოკლულსა და 400 ათას დაჭრილსა და დაშავებულზე. ზოგადად, ვარაუდი, რომ უკრაინელებს სამჯერ ნაკლები ექნებოდათ დანაკარგი, ამ მონაცემებიდანაც ჩანს. მაგრამ არის აქ ერთი ცვლადიც: რუსული ინფორმაცია დაღუპულებისა და დაშავებულების სახით ბევრად ბუნდოვანი და აღურიცხავია. თუმცა The Wall Street Journal-ის ინფორმაციაზე გვაქვს საუბარი, რაც ცხადია არც უკრაინელთა მხრიდანაა დადასტურებული და არც რუსების მხრიდან.
საინტერესოა კიდევ ორი დეტალი:
1. უკრაინელები 25 წლამდე ასაკის მამაკაცების მობილიზაციას ერიდებიან, რადგან მათ ჯერ კიდევ არ გაუჩენიათ ბავშვები. შესაბამისად, მათი დაღუპვა ერისთვის ორმაგი მსხვერპლი იქნებოდა. სწორედ ამიტომ, დაღუპულების ასაკი შუახნის მამაკაცებზე მოდის.
2. რუსეთში სანახევრო მობილიზაცია 2022 წლიდან მიმდინარეობს. მოკლული რუსი სამხედროების ასაკი განსხვავებულია, რადგან პუტინი ამ მხრივ არ ერიდება საკუთარი მოსახლეობის ცოცხალ მასად გამოყენებას. მაგრამ არის ერთი საინტერესო ამბავიც: არის ვერსია, რომ პუტინს ამ წლის გაზაფხულზე შესთავაზეს საყოველთაო მობილიზაცია ცოცხალი ძალის დეფიციტის გამო, მაგრამ მან ამაზე უარი განაცხადა. ამის მიზეზი კი არა შობადობის საკითხი, არამედ ეკონომიკური კრიზისია - შრომისუნარიანი ცოცხალი ძალის დეფიციტი რუსეთზე უკვე მძიმედ მოქმედებს, ომმა და სანახევრო მობილიზაციამ კი ქვეყნიდან კატასტროფულ მიგრაციას შეუწყო ხელი (ახალგაზრდა, შრომისუნარიანი მოქალაქეების). საყოველთაო მობილიზაციამ კი სრულიად შეიძლება გამოფიტოს ქვეყნის ეკონომიკა. ეკონომიკური მხარდაჭერის გარეშე კი ისედაც დემოტივირებული ჯარი სრულიად უპერსპექტივოა.
სხვა დეტალი კი კიდევ ისაა, რომ უკრაინელებს ტექნიკური უპირატესობა არ აქვთ. ამ მხრივ თუკი ისინი შესამჩნევ ტექნიკურ უპირატესობასა და მასშტაბურ დასავლურ შეიარაღებას მიიღებენ, მაშინ დაღუპულების შეფარდება 1/5-ზეც შეიძლება გახდეს.
- დონეცკის ოლქში, ქალაქი დონეცკის დასავლეთით და სამხრეთ-დასავლეთით, ვუჰლედარის მიმართულებაზე რუსები მასირებული იერიშით ცდილობენ წინ წაწევას. თუკი პოკროვსკის მიმართულება უკრაინელებმა შედარებით დაასტაბილურეს, სამხრეთ ნაწილში სიტუაცია დამძიმდა. ნათელია რომ რუსები 2023 წლიდან განმეორებადი შტურმების სამიზნე ვუჰლედარს უმიზნებენ, ისევე როგორც კურახოვესა და კურახივკას.
რუსები ჩქარობენ და არ ერიდებიან ცოცხალი ძალის მასობრივ შეწირვას. თავად ხუმრობენ, რომ ამ მიმართულებაზე ადამიანთა ხორცსაკეპია მოწყობილი, მაგრამ პრაქტიკულად უწყვეტი, მცირე დაჯგუფებებისაგან შემდგარი ტალღებით ცდილობენ თავდაცვის პოზიციების გარღვევას.
- უკრაინელებმა შეძლეს და ხარკივის ოლქში, ხარკივი-ლუგანსკის ოლქების მიმართულებაზე კუპიანსკის აღმოსავლეთით დაიბრუნეს ტერიტორიები. რუსეთი მდინარე ოსკილამდე - ერთგვარ ბუნებრივ ბარიერამდე - ცდილობს მიღწევას. მაგრამ ბოლო ერთ თვეში უკრაინელთა მხრიდან ეს უკვე მესამე წარმატებული ლოკალური შეტევაა ამ მიმართულებით. საინტერესოა, რომ რუსებს ამ სექტორში იერიშები არასდროს შეუწყვეტიათ და 2022 წლის შემოდგომიდან მოყოლებული პრაქტიკულად უწყვეტი საბრძოლო მოქმედების არენადაა ქცეული.
- დონეცკის ოლქში, უკრაინელებმა მარიუპოლში რუსულ იარაღის საწყობზე მიიტანეს იერიში და გაანადგურეს ის. ასეთი საველე ან დროებითი საწყობები ბევრი აქვთ რუსებს მოწყობილი, რაც პერიოდულად ხდება უკრაინული სამიზნე.
- უკრაინელებმა რუსეთის ბრიანსკის ოლქში, პოჩეპში 856-ე საარტილერიო ბრიგადის ბაზა დაბომბეს. არის ვერსია რომ გამოყენებული იყო უკრაინული ახალი დრონი/ფრთოსანი რაკეტა "პალიანიცა".
- უკრაინელები რუსეთის კურსკის ოლქში აგრძელებენ შეტევას ვესელოეს მიმართულებით, გლუშკოვოს რაიონში. ამ მიმართულებაზე სიახლე მხოლოდ ისაა, რომ შეტევის არა სიღრმე, არამედ ჰორიზონტალური გაფართოება მოხდა. შეტაკებები უშუალოდ ვესელოეში მიმდინარეობს. ტყვეებს შორის კვლავ გაწვეული რუსი წვევამდელები არიან.
- უკრაინელი ანალიტიკოსები ამბობენ, რომ უკრაინის მთავარი სუსტი წერტილი როტაციაა - როდესაც ერთი დანაყოფის მეორე დანაყოფით ჩანაცვლება ხდება. ამ დროს რუსები იწყებენ ორგანიზებულ თავდასხმას უკრაინელებზე, რაც ახალმოსულ დანაყოფებს ურთულებს პოზიციებზე განლაგებასა და მათ შენარჩუნებას. არადა როტაციის გარეშე გამოფიტული ძალების დასვენება და გადახალისება ვერ მოხდება.
- რუსეთში 5.5 წელი მიუსაჯეს იური კოხოვეცს, ადამიანს, რომელმა რადიო თავისუფლებას ქუჩაში ინტერვიუ მისცა და აღნიშნა, რომ ომი ცუდი იყო. რუსეთი სრულფასოვან ტოტალიტარულ სახელმწიფოდ ჩამოყალიბდა, რომელშიც აზრის გამოთქმის საშუალება აღარ აქვს უბრალო მოქალაქეს. მას მხოლოდ სიკვდილი შეუძლია მითიური იმპერიისათვის.
საზოგადოება
ქონების გადასახადის დეკლარაციის წარდგენის ბოლო ვადაა 1 ნოემბერი. რა უნდა ვიცოდეთ და რა უნდა გავითვალისწინოთ?
თუ თქვენი და თქვენი ოჯახის წლიური შემოსავალი ჯამურად 40 000 ლარს აღემატება და ამასთანავე, გაქვთ სახლი ან მიწა ან ავტომობილი, თქვენ ვალდებული ხართ ბიუჯეტში ქონების გადასახადი გადაიხადოთ.
დაინტერესებული ფიზიკური პირებს, რომელთაც ქონების გადასახადის დეკლარაციის წარდგენა უწევთ, შემდეგი პროცედურები უნდა იცოდნენ:
"1. დეკლარაციის წარდგენის ბოლო ვადაა 2025 წლის 1 ნოემბერი.
2. დეკლარაცია საგადასახადო ორგანოს წარედგინება მხოლოდ ელექტრონული ფორმით (ge), გადასახადის გადამხდელის ავტორიზებული მომხმარებლის გვერდიდან.
3. წელს, უნდა წარადგინოთ 2025 წლის წლიური დეკლარაცია, ამიტომ არ შეუცვალოთ დეკლარაციას პერიოდი პორტალზე.
4. წლევანდელ დეკლარაციაში აისახება:
ა) 2025 წლის 1 აპრილის მდგომარეობით საკუთრებაში არსებული მიწა, ასევე სახელმწიფოს/მუნიციპალიტეტის საკუთრებაში არსებული ის მიწა, რომლითაც სარგებლობთ ან რომელსაც ფლობთ ამავე თარიღის მდგომარეობით;
ბ) 2024 სრული/არასრული წლის განმავლობაში საკუთრებაში არსებული უძრავი ქონება (სახლი, ბინა, ავტოფარეხი, კომერციული ფართი), მსუბუქი ავტომობილები, იახტები (კატარღები), შვეულმფრენები, თვითმფრინავები.
5. თუ ქონება (გარდა მიწისა) 2024 წელს თქვენს საკუთრებაში იყო არასრული წლის განმავლობაში, მასზე ქონების გადასახადის გაანგარიშება ხდება 2024 წლის განმავლობაში ამ ქონების თქვენს საკუთრებაში არსებობის დროის პროპორციულად (თვეების რაოდენობას უთითებთ პორტალზე).
6. დასაბეგრ ქონებაზე საგადასახადო ვალდებულება განისაზღვრება 2024 წლის ბოლოსთვის მისი საბაზრო ღირებულების მიხედვით, ხოლო მიწაზე - 2025 წლის 1 აპრილისთვის მისი ფართობის მიხედვით (არასასოფლო მიწაზე - კვ/მ; სასოფლო მიწაზე - ჰა).
7. გადასახადის განაკვეთებს თქვენ არ წერთ დეკლარაციაში, მას თვითონ პორტალი შეგირჩევთ.
8. ოჯახად ითვლება – პირი, მისი მეუღლე, არასრულწლოვანი შვილი და გერი, აგრეთვე პირთან მუდმივად მცხოვრები მშობელი, შვილი და გერი, და, ძმა, ბებია, პაპა, შვილიშვილი, რომლებიც საერთო მეურნეობას ეწევიან.
9. ოჯახის შემოსავლებში შეიტანება ყველა შემოსავალი (დარიცხული ხელფასიც), მათ შორის, სარგებელი, საგადასახადო შეღავათების გაუთვალისწინებლად.
10. თუ ოჯახში ერთზე მეტ წევრს უწევს დეკლარაციის წარდგენა, მათ შეუძლიათ ცალ-ცალკე წარადგინონ დეკლარაციები ან ერთ-ერთმა წარადგინოს საოჯახო დეკლარაცია.
11. ქონების გადასახადს თვითონ გამოიანგარიშებს პორტალი თქვენ მიერ წარდგენილი დეკლარაციის საფუძველზე. ამიტომ, დეკლარაციის გაგზავნის შემდეგ, ავტორიზებული მომხმარებლის გვერდზე მყისიერად მიიღებთ „საგადასახადო მოთხოვნას“, რომელშიც ასახული იქნება გადასახადის ოდენობა.
12. ქონების გადასახადს იხდით ბიუჯეტში, ნებისმიერი ბანკიდან, ერთიან სახაზინო კოდზე 101001000.
13. ქონების გადასახადის გადახდის ბოლო ვადაა 2025 წლის 15 ნოემბერი"
სრულად
გამოკითხვა
ვინ გაიმარჯვებს რუსეთ - უკრაინის ომში?
ხმის მიცემა
სხვათა შორის
მსოფლიოს ისტორიაში, უდიდესი იმპერიები ტერიტორიით(მლნ კვ. კმ): ბრიტანეთი - 35.5 მონღოლეთი - 24.0 რუსეთი - 22.8 ქინგის დინასტია (ჩინეთი) - 14.7 ესპანეთი - 13.7 ხანის დინასტია (ჩინეთი) - 12.5 საფრანგეთი - 11.5 არაბეთი - 11.1 იუანების დინასტია (ჩინეთი) - 11.0 ხიონგნუ - 9.0 ბრაზილია - 8.337 იაპონია - ~8.0 იბერიული კავშირი - 7.1 მინგის დინასტია (ჩინეთი) - 6.5 რაშიდუნების ხალიფატი (არაბეთი) - 6.4 პირველი თურქული სახანო - 6.0 ოქროს ურდო - 6.0 აქემენიანთა ირანი - 5.5 პორტუგალია - 5.5 ტანგის დინასტია (ჩინეთი) - 5.4 მაკედონია - 5.2 ოსმალეთი - 5.2 ჩრდილო იუანის დინასტია (მონღოლეთი) - 5.0 რომის იმპერია - 5.0
Ford, საავტომობილო ბაზრის დომინანტი მაშინ, როდესაც საავტომობილო ბაზარი ჯერ კიდევ ჩამოყალიბების პროცესში იყო, Ford Model T იყო დომინანტი მანქანა. 1916 წლის მონაცემებით, ის მსოფლიოში ყველა ავტომობილის 55%-ს შეადგენდა.
ილია ჭავჭავაძე: "როცა პრუსიამ წაართვა საფრანგეთს ელზასი და ლოტარინგია და პარლამენტში ჩამოვარდა საუბარი მასზედ, თუ რაგვარი მმართველობა მივცეთო ამ ახლად დაჭერილს ქვეყნებს, ბისმარკმა აი, რა სთქვა: ,,ჩვენი საქმე ელზასსა და ლოტარინგიაში თვითმმართველობის განძლიერება უნდა იყოსო. ადგილობრივნი საზოგადოების კრებანი უნდა დავაწყოთო ადგილობრივის მმართველობისთვისაო. ამ კრებათაგან უფრო უკეთ გვეცოდინება იმ ქვეყნების საჭიროება, ვიდრე პრუსიის მოხელეთაგანა. ადგილობრივთა მცხოვრებთაგან ამორჩეულნი და დაყენებულნი მოხელენი ჩვენთვის არავითარს შიშს არ მოასწავებენ. ჩვენგან დანიშნული მოხელე კი მათთვის უცხო კაცი იქნება და ერთი ურიგო რამ ქცევა უცხო კაცისა უკმაყოფილებას ჩამოაგდებს და ეგ მთავრობის განზრახვასა და სურვილს არ ეთანხმება. მე უფრო ისა მგონია, რომ მათგან ამორჩეულნი მოხელენი უფრო ცოტას გვავნებენ, ვიდრე ჩვენივე პრუსიის მოხელენი”. თუ იმისთანა კაცი, როგორც ბისმარკი, რომელიც თავისუფლების დიდი მომხრე მაინდამაინც არ არის, ისე იღვწოდა თვითმმართველობისათვის, მერე იმ ქვეყნების შესახებ, რომელთაც გერმანიის მორჩილება არამც თუ უნდოდათ, არამედ ეთაკილებოდათ, თუ ამისთანა რკინის გულისა და მარჯვენის კაცი, როგორც ბისმარკი, სხვა გზით ვერ ახერხებდა ურჩის ხალხის გულის მოგებას, თუ არ თვითმმართველობის მინიჭებითა, სხვას რაღა ეთქმის."
დედამიწაზე არსებული ცოცხალი არსებებიდან მხოლოდ ადამიანს და კოალას აქვთ თითის ანაბეჭდი
ინდოელი დიასახლისები მსოფლიო ოქროს მარაგის 11% ფლობენ. ეს უფრო მეტია, ვიდრე აშშ-ს, სავალუტო ფონდის, შვეიცარიის და გერმანიის მფლობელობაში არსებული ოქრო, ერთად აღებული.
დადგენილია, რომ სასოფლო-სამეურნეო კულტურათა მოსავლიანობის განმსაზღვრელ კომპლექსურ პირობათა შორის, ერთ-ერთი თესლის ხარისხია. მაღალხარისხოვანი ჯიშიანი თესლი ერთ-ერთი მნიშვნელოვანი ფაქტორია მოსავლიანობის გასადიდებლად, რაც აგრეთვე დასაბუთებულია ხალხური სიბრძნით "რასაც დასთეს, იმას მოიმკი". - ქართული გენეტიკისა და სელექცია–მეთესლეობის სკოლის ერთ-ერთი ფუძემდებელი, მეცნიერებათა დოქტორი, აკადემიკოსი პეტრე ნასყიდაშვილი
ებოლა, SARS-ი, ცოფი, MERS-ი, დიდი ალბათობით ახალი კორონავირუსი COVID-19-იც, ყველა ამ ვირუსული დაავადების გავრცელება ღამურას უკავშირდება.
ყველაზე დიდი ეპიდემია კაცობრიობის ისტორიაში იყო ე.წ. "ესპანკა" (H1N1), რომელსაც 1918-1919 წლებში მიახლოებით 100 მილიონი ადამიანის სიცოცხლე შეეწირა, ანუ დედამიწის მოსახლეობის 5,3 %.
იცით თუ არა, რომ მონაკოს ნაციონალური ორკესტრი უფრო დიდია, ვიდრე ქვეყნის არმია.
მსოფლიო
დონალდ ტრამპმა სი ძინპინთან შეხვედრის დასრულების შემდეგ საუბრის დეტალებზე ისაუბრა
სრულად
რიო-დე-ჟანეიროში, დანაშაულებრივი დაჯგუფება Comando Vermelho-ს წინააღმდეგ ჩატარებულ მასშტაბურ ოპერაციაში დაღუპულთა რიცხვი 119-მდე გაიზარდა
სრულად
დონალდ ტრამპსა და სი ძინპინს შორის შეხვედრა დასრულდა
სრულად