რუმინეთის საკონსტიტუციო სასამართლომ საპრეზიდენტო არჩევნების პირველი ტურის შედეგები გაუქმებულად გამოაცხადა, რადგან სასამართლომ დაადგინა, რომ პირველ ტურში გამარჯვებული ულტრამემარჯვენე და პრორუსი კანდიდატის, კალიმ ჯორჯესკუს სასარგებლოდ ხმის მიცემის პროცესში ღიად ჩაერია რუსეთი, რომლის ფარგლებშიც გამოყენებულ იქნა ფსიქოლოგიურ-საინფორმაციო პროპაგანდისტული ოპერაციები და ჰაკერული თავდასხმები…
რამდენიმე დღის წინ რუმინეთის უსაფრთხოების სამსახურმა გრიფით საიდუმლო მოხსნა “ჯორჯესკუს წინასაარჩევნო კამპანიის შესახებ ინფორმაციას”, რის მიხედვითაც სასამართლომ შესაბამისი მტკიცებულებებისა და მასალების გაცნობის შემდეგ დადო დასკვნა, რომ ჯორჯესკუს პირველ ტურში გამარჯვებაში კრემლის სპეცსამსახურები დაეხმარა.
შეგახსენებთ, რომ საპრეზიდენტო წინასაარჩევნო კამპანიის ფარგლებში ჯორჯესკუ ეწინააღმდეგებოდა უკრაინისთვის გაწეულ სამხედრო-ფინანსურ დახმარებას და რუმინეთის ნატოს ჩრდილოატლანტიკურ ალიანსში წევრობას… გადაწყვეტილება გასაჩივრებას არ ექვემდებარება და უახლოეს დღეებში გამოცხადდება ახალი არჩევნების თარიღი….
