მობილიზებულია ტექნიკა და შექმნილია სამუშაო ჯგუფები, რომლებიც შესაძლებლობის ფარგლებში მაქსიმალურად უზრუნველყოფენ თოვლწმენდით სამუშაოებს.
ამ ეტაპზე შესაბამისი ტექნიკით იწმინდება ქალაქის ცენტრალური და სოფლის ცენტრამდე მისასვლელი გზები. გაწმენდითი სამუშაოები მიმდინარეობს: კრიხის,სხვავის,ნიკორწმინდის,ჭელიაღელის,ბუგეულის და ზნაკვის ადმინისტრაციულ ერთეულებში, ასევე ინტენსიურ რეჟიმში იწმინდება შიდა სახელმწიფოებრივი მნიშვნელობის ქუთაისი-მოწამეთა-ტყიბული-ამბროლაურის საავტომობილო გზის ნაქერალას უღელტეხილი.
სამუშაოების მიმდინარეობის პროცესს ადგილზე რაჭა- ლეჩხუმ- ქვემო სვანეთის სახელმწიფო რწმუნებულის პირველი მოადგილე ქრისტინა კობახიძე,ამბროლაურის მუნიციპალიტეტის მერის პირველ მოადგილესთან დავით გოგლიძესთან ერთად გაეცნო.
ელექტოენერგიის მიმართულებით მიმდინარეობს აღდგენითი სამუშაოები,ამ დროისთვის მიეწოდება ქ.ამბროლაურს და სოფლების გარკვეულ ნაწილს.
სამუშაოები როგორც გზების წმენდის მიმართულებით ისე ელ.ენერგიის აღდგენის კუთხით მუნიციპალიტეტის მასშტაბით, ეტაპობრივად გაგრძელდება და ყველა პრობლემურ მონაკვეთს მოიცავს.
