როტშილდის შთამომავლებმა ვენის მუნიციპალიტეტს სასამართლოში უჩივლეს, იმ ქონების გამო, რომელიც მათ ჩამოერთვათ ნაცისტური რეჟიმის დროს. სარჩელის ოდენობაა 110 მილიონი ევრო.

საქმე ეხება ადრეული ბაროკოს სტილის სასახლეს, რომელშიც  1905 წელს განთავსდა, ბარონ ალბერტ ფონ როტშილდის მიერ შექმნილი ფსიქიური დაავადებების მკურნალობის ფონდი, ეს გახლდათ ამ ტიპის ერთ-ერთი პირველი სამკურნალო დაწესებულება მსოფლიოში, იუწყება გაზეთი The Financial Times.

როგორც გაზეთი აღნიშნავს ეს არის ერთ-ერთი უდიდესი სარჩელი ავსტრიული სასამართლოს ისტორიაში.

ფონდს მართავდა სამეურვეო საბჭო, ხოლო 1938 წელს ნაცისტების მიერ ავსტრიის დაპყრობის შემდეგ, მმართველობა მთლიანად მათ ხელში გადავიდა. ნაცისტებმა ფონდის ქონება დაბალ ფასებში გაყიდეს და მისი ნაწილი მიითვისეს, ხოლო ნაწილი ვენის მუნიციპალიტეტს გადასცეს.

1956 წელს ფონდმა განაახლა მუშაობა, თუმცა ეს ამბავი როტშილდის მემკვიდრეებისთვის არავის შეუტყობინებია და ფონდის მუშაობაზე მთლიან კონტროლს ვენის მუნიციპალიტეტი ახორციელებდა.

როტშილდები ებრაული წარმოშობის ბანკირების ევროპული დინასტიაა. ითვლება, რომ XIX საუკუნიდან, მას მერე რაც ფედერალური სარეზერვო ფონდი შეიქმნა, როტშილდების ოჯახი ყველაზე მდიდარი ოჯახია მსოფლიოში.