,
რომის პაპი ფრანცისკე ვიდეომიმართვას ავრცელებს, რომელშიც ყველას კორონავირუსის საწინააღმდეგო ვაქცინაციისკენ მოუწოდებს და აღნიშნავს, რომ ვაქცინებმა ბოლო შეიძლება მოუღოს პანდემიას, თუმცა საჭიროა, რომ ყველა აიცრას.
„ღვთის წყალობით და მრავალი ადამიანის შრომის შედეგად, ჩვენ ახლა ვაქცინები გვაქვს, რომელიც კორონავირუსისგან გვიცავს. ვაქცინები პანდემიის დასრულების იმედს გვაძლევენ, მაგრამ მხოლოდ იმ შემთხვევაში, თუ ვაქცინები ყველასთვის ხელმისაწვდომი იქნება და თუ ერთად ვიმუშავებთ“, - განაცხადა რომის პაპმა.
რომის პაპმა ასევე აღნიშნა, რომ შესაბამისი ორგანოების მიერ ავტორიზებული ვაქცინებით აცრა სიყვარულის აქტია.
„ვაქცინაცია მარტივი, მაგრამ ეფექტური გზაა ერთმანეთზე ზრუნვისთვის, ეს განსაკუთრებით ყველაზე დაუცველებს ეხება“, - აღნიშნა რომის პაპმა.
