2023 წლის იანვარ-თებერვალში საქართველოდან უცხოეთში რეკორდული მოცულობის 236 მილიონი დოლარის ღირებულების 13.5 ათასი ავტომობილი გავიდა ექსპორტზე. ეს მოცულობა წინა წელთან შედარებით 226%-ით მეტი იყო. რეექსპორტზე გასული მანქანების უდიდესი ნაწილი მეორადია, ხოლო ერთეულის საშუალო ფასი $17 ათასი დოლარი იყო.

ქვეყნების მიხედვით რეექსპორტში პირველ ადგილზე აზერბაიჯანია, სადაც 62 მილიონი დოლარის ღირებულების 4.8 ათასი მსუბუქი ავტომობილი გავიდა რეექსპორტზე. მეორე ადგილზეა ყაზახეთი 51.5 მილიონი დოლარის რეექსპორტით, მესამეზე კი სომხეთი 50.1 მილიონის რეექსპორტით.

ავტოექსპორტის სტატისტიკა ქვეყნების მიხედვით:

1. აზერბაიჯანი - $62.1 მილიონი, ზრდა წინა წელთან 53% ; 4,820 ავტომობილი, ერთის საშუალო ფასი $12.9 ათასი;
2. ყაზახეთი - $51.5 მილიონი, ზრდა წინა წელთან 593% ; 2,589 ავტომობილი, ერთის საშუალო ფასი $19.9 ათასი;
3. სომხეთი - $50.2 მილიონი, ზრდა წინა წელთან 2253% ; 2,834 ავტომობილი, ერთის საშუალო ფასი $17.7 ათასი;
4. ყირგიზეთი - $43.2 მილიონი, ზრდა წინა წელთან 1525% ; 1,338 ავტომობილი, ერთის საშუალო ფასი $32.3 ათასი;
5. რუსეთი - $13.5 მილიონი, ზრდა წინა წელთან 680% ; 978 ავტომობილი, ერთის საშუალო ფასი $13.8 ათასი;
6. ტაჯიკეთი - $5.7 მილიონი, ზრდა წინა წელთან 314% ; 580 ავტომობილი, ერთის საშუალო ფასი $9.9 ათასი;
7. არაბთა გაერთიანებული საამიროები - $3.9 მილიონი, ზრდა წინა წელთან 162% ; 51 ავტომობილი, ერთის საშუალო ფასი $76.7 ათასი;
8. უკრაინა - $2.0 მილიონი, მატება წინა წელთან -71% ; 117 ავტომობილი, ერთის საშუალო ფასი $17.3 ათასი;
9. ჩინეთი - $1.5 მილიონი, ზრდა წინა წელთან 267% ; 33 ავტომობილი, ერთის საშუალო ფასი $44.3 ათასი;
10. ბელარუსი - $0.8 მილიონი, ზრდა წინა წელთან 6508% ; 37 ავტომობილი, ერთის საშუალო ფასი $21.3 ათასი.

სტატისტიკის თანახმად, ყველაზე მაღალი 77 ათასი დოლარის საშუალო ფასის მქონე ავტომობილები UAE-ში გადის.