,
2022 წლისთვის გლობალური საოჯახო ქონება $454 ტრილიონს აღწევდა, საიდანაც ნახევარზე მეტს მილიონერები ფლობენ, თუმცა საინტერესოა, რომელ ქვეყნებში ცხოვრობენ პლანეტის ყველაზე მდიდარი ადამიანები?
გამოცემა Visual Capitalist, Credit Suisse-სა და UBS-ის გლობალური სიმდიდრის 2023 წლის კვლევაზე დაყრდნობით იმ ქვეყანათა რეიტინგს აქვეყნებს, სადაც ყველაზე მეტი მილიონერი ცხოვრობს. ანგარიშში განხილულია როგორც მსოფლიო ბანკის, ისე სხვადასხვა ფინანსური ინსტიტუტებისა და Forbes-ის მოკვლევები.
UBS-ი მილიონერებად იმ ინდივიდებს მიიჩნევს, რომელთა სრული ქონება, როგორც ფინანსური, ისე არაფინანსური აქტივების ღირებულება, $1 მილიონს აღემატება. ბოლო ინფორმაციით დედამიწაზე 60 მილიონამდე მილიონერი ცხოვრობს, მათ 42%-ს კი ჩრდილოეთ ამერიკაში ვხვდებით.
მილიონერების გადანაწილება რეგიონების მიხედვით:
მილიონერების გადანაწილება ქვეყნების მიხედვით:
UBS-ის ანგარიშში ასევე ნათქვამია, რომ ყველაზე მეტი მილიონერი ნიუ-იორკში ცხოვრობს. რაც შეეხება ფინანსურ განაწილებას, მილიონერთა 87%-ის ქონება $1-5 მილიონს არ აღემატება, 8.6%-ის ქონება - $10 მილიონს, 4.6%-ის აქტივების ღირებულება კი $10 მილიონზე მეტია.
ირანის ხელისუფლებამ შუამავლებისგან აშშ-ის სამშვიდობო შეთანხმების პუნქტების ჩამონათვალი მიიღო, რომელთა განხილვას იწყებს. ინფორმაციას BBC ავრცელებს.
„ჩვენ შუამავლების მეშვეობით აშშ-გან მივიღეთ პუნქტები და მათ განვიხილავთ“, - ციტირებს BBC ირანის საგარეო საქმეთა სამინისტროს ერთ-ერთ მაღალჩინოსანს.
როგორც ბრიტანული ტელეარხის CBS-ზე დაყრდნობით წერს, აღნიშნული წარმოადგენს მოლაპარაკებების წინა ეტაპს და ამ მომენტისთვის დიალოგი მხარეებს შორის ჯერ არ იმართება.
ცნობისთვის, გუშინ აშშ-ის პრეზიდენტმა, დონალდ ტრამპმა განაცხადა, რომ აშშ-მა და ირანმა ომის დასრულების შესახებ მოლაპარაკებები გამართეს, თუმცა ირანული მხარე ამას უარყოფს.
