USD 2.7503
EUR 3.1249
RUB 3.3429
თბილისი
რომელ ადგილს იკავებს საქართველო “პასპორტის გლობალურ ინდექსში”?
თარიღი:  288
 
ეკონომიკასა და ფინანსებში ქვეყნის სიძლიერის გაზომვის სხვადასხვა გზები არსებობს, მაგრამ ტურიზმის კუთხით, ერთ-ერთი ყველაზე მნიშვნელოვან და საინტერესო ჩარჩოდ გლობალური საკონსულტაციო კომპანია Henley & Partners-ის მიერ შექმნილი “პასპორტის სიძლიერის ინდექსი” შეგვიძლია ჩავთვალოთ, რომელიც სხვადასხვა სახელმწიფოების პასპორტებს ერთმანეთს ადარებს. ამ ინდექსით ორი ძირითადი პარამეტრი იზომება, ესენია - პასპორტის სიძლიერე და მობილობის ინდექსი. პირველი შედარებითი მაჩვენებელია, რომელიც კონკრეტული ქვეყნის მოქალაქის მთავარ დოკუმენტს სხვა პასპორტებს ადარებს. მეორე იმ ქვეყნების თანაფარდობას ითვლის, სადაც კონკრეტული პასპორტის მფლობელს უვიზოდ, საზღვარზე გაცემული ვიზით ან ჩვეულებრივი ვიზით შეუძლია.

“პასპორტის სიძლიერის ინდექსში” ქართული პასპორტი 50-ე ადგილს იკავებს, რაც ერთ-ერთი საუკეთესო პოზიციაა, რომელიც საქართველოს ოდესმე დაუფიქსირებია. ამ მაჩვენებლით, საქართველო მსოფლიოს უმეტეს ქვეყნებს უსწრებს, მათ შორის ჩინეთს, საუდის არაბეთს, კატარს, სამხრეთ აფრიკას და ფილიპინებს. საქართველოსთან ერთად, 50-ე ადგილას ვხვდებით ბოსნია და ჰერცეგოვინას, რომლის მობილობის ინდექსი ასევე 121 ქულას, ანუ ბოსნიელებს, ისევე, როგორც ქართველებს, უვიზოდ ან გამარტივებული სავიზო პროცედურებით 121 ქვეყნის მონახულება შეუძლიათ.

“პასპორტის სიძლიერის ინდექსში” დაკავებული მაღალი პოზიციის გამო, ქართული პასპორტი რეგიონში ყველაზე ძლიერ დოკუმენტად ითვლება. ამ მხრივ, მეორე ადგილს რუსეთის ფედერაცია იკავებს, მესამეს კი - თურქეთი. საქართველოს მეზობელ სახელმწიფოებს შორის ყველაზე ცუდი შედეგი სომხეთს აქვს, რომლის მოქალაქეებს უვიზოდ ან გამარტივებული სავიზო პროცედურებით 68 ქვეყნის მონახულება შეუძლიათ, მაგრამ არც აზერბაიჯანი არის, მაინც და მაინც წინ, რადგან გლობალურ რეიტინგში ის 70-ე ადგილს დასჯერდა. გაცილებით უკანაა ცენტრალური აზიის ამომავალი ვარსკვლავი, რომელიც, ბოლო წლებში, ქართული ბიზნესის ერთ-ერთ საყვარელ დანიშნულებად იქცა - უზბეკეთი, ამ რეიტინგში, მხოლოდ 80-ე ადგილს დასჯერდა.

პასპორტის სიძლიერის 2023 წლის ინდექსში პირველ ადგილს ერთბაშად ექვსი ქვეყანა იკავებს, ესენია სინგაპური, იაპონია, საფრანგეთი, გერმანია, იტალია და ესპანეთი, რომელთა მოქალაქეებს უვიზოდ ან გამარტივებული სავიზო პროცედურებით 194 ქვეყნის მონახულება შეუძლიათ, ანუ ლამის ყველასი, რომელიც დედამიწაზე არსებობს. მეორე ადგილზე ქვეყანათა ტრიუმვირატს ვხვდებით, რომელშიც ფინეთი, შვედეთი და სამხრეთ კორეა მოხვდნენ, 193 ტურისტული დანიშნულებით. მესამე ადგილს კი ავსტრია, დანია, ირლანდია და ნიდერლანდები დასჯერდნენ, რომელთა მოქალაქეები უვიზოდ 192 ქვეყანაში გადაადგილდებიან.

რეიტინგის ბოლო, ანუ 104-ე ადგილზე ავღანეთი აღმოჩნდა, რომლის მოქალაქეებს უვიზოდ მოგზაურობა მხოლოდ 28 ქვეყანაში შეუძლიათ. პასპორტის სისუსტით ავღანეთთან ახლოს არის სირია, ერაყი, სომალია, იემენი და პაკისტანი.

საერთო ჯამში, აღნიშნული სტატისტიკა გლობალიზაციის წარმატებაზე მიუთითებს, რადგან 2006 წლის შემდეგ თითქმის გაორმაგდა იმ ქვეყანათა საშუალო რაოდენობა, სადაც ადამიანებს მოგზაურობა შეუძლიათ - თუ 2006 წელს, ეს რიცხვი 58 იყო, 2024 წელს ის 111-ს შეადგენს. თუმცა პარალელურად ამისა, ისტორიულად დიდია ნაპრალი, რომელიც რეიტინგის სათავეში და რეიტინგის ბოლოში მყოფ ქვეყნებს შორის შეინიშნება.

ავტორი: გიორგი არონია

წყარო: https://bm.ge/

კულტურა
კულტურის სამინისტრომ დათო დოიაშვილი თეატრის ხელმძღვანელის თანამდებობიდან გაათავისუფლა

კულტურის სამინისტრომ დავით დოიაშვილი “ვასო აბაშიძის სახელობის მუსიკისა და დრამის თეატრის” ხელმძღვანელის თანამდებობიდან გაათავისუფლა. შესაბამის განცხადებას საქართველოს კულტურის სამინისტრო ავრცელებს.

კულტურის სამინისტრო გადაწყვეტილების მიზეზებს განმარტავს და აცხადებს, რომ სამინისტროს მხრიდან "არაერთგზის გაფრთხილების" მიუხედავად, “ვასო აბაშიძის სახელობის მუსიკალური კომედიისა და დრამის პროფესიული სახელმწიფო თეატრის” ხელმძღვანელობა სადამფუძნებლო მიზნებით გათვალისწინებულ "ვალდებულებას არ ასრულებდა", ხოლო თეატრში შემოქმედებითი პროცესი თვეების მანძილზე შეჩერებული იყო.

“ვასო აბაშიძის სახელობის მუსიკალური კომედიისა და დრამის პროფესიული სახელმწიფო თეატრი” არის სახელმწიფოს მიერ დაფუძნებული საჯარო სამართლის იურიდიული პირი.

სახელმწიფო პროფესიული თეატრი, ისევე, როგორც ნებისმიერი სხვა სსიპ-ი ანგარიშვალდებულია და აქვს კანონით დაკისრებული მოვალეობა, აღასრულოს მიზნები, რისთვისაც სახელმწიფომ დააფუძნა.

კერძოდ, თეატრში შემოქმედებითი საქმიანობა უნდა ხორციელდებოდეს ისევე უწყვეტად, როგორც სახელმწიფო ბიუჯეტიდან მისი დაფინანსება ხორციელდება.

საქართველოს კულტურის სამინისტროს მხრიდან არაერთგზის გაფრთხილების მიუხედავად, სამწუხაროდ, “ვასო აბაშიძის სახელობის მუსიკალური კომედიისა და დრამის პროფესიული სახელმწიფო თეატრის” ხელმძღვანელობა სადამფუძნებლო მიზნებით გათვალისწინებულ ამ ვალდებულებას არ ასრულებდა. სახელმწიფო ბიუჯეტიდან მიღებული უწყვეტი დაფინანსების პირობებში, თეატრში შემოქმედებითი პროცესი თვეების მანძილზე შეჩერებული იყო.

აქედან გამომდინარე, კულტურის სამინისტრომ, როგორც სსიპ “ვასო აბაშიძის სახელობის მუსიკისა და დრამის თეატრის” დამფუძნებელმა უწყებამ, მიიღო კანონისმიერი გადაწყვეტილება, სსიპ-ის უწყვეტ და გამართულ ფუნქციონირებაზე პასუხისმგებელი პირის, თეატრის ხელმძღვანელის, დავით დოიაშვილის თანამდებობიდან გათავისუფლების შესახებ”, - აღნიშნულია განცხადებაში.

სრულად
გამოკითხვა
ვინ გაიმარჯვებს რუსეთ - უკრაინის ომში?
ხმის მიცემა
სხვათა შორის

მსოფლიოს ისტორიაში, უდიდესი იმპერიები ტერიტორიით(მლნ კვ. კმ): ბრიტანეთი - 35.5 მონღოლეთი - 24.0 რუსეთი - 22.8 ქინგის დინასტია (ჩინეთი) - 14.7 ესპანეთი - 13.7 ხანის დინასტია (ჩინეთი) - 12.5 საფრანგეთი - 11.5 არაბეთი - 11.1 იუანების დინასტია (ჩინეთი) - 11.0 ხიონგნუ - 9.0 ბრაზილია - 8.337 იაპონია - ~8.0 იბერიული კავშირი - 7.1 მინგის დინასტია (ჩინეთი) - 6.5 რაშიდუნების ხალიფატი (არაბეთი) - 6.4 პირველი თურქული სახანო - 6.0 ოქროს ურდო - 6.0 აქემენიანთა ირანი - 5.5 პორტუგალია - 5.5 ტანგის დინასტია (ჩინეთი) - 5.4 მაკედონია - 5.2 ოსმალეთი - 5.2 ჩრდილო იუანის დინასტია (მონღოლეთი) - 5.0 რომის იმპერია - 5.0

Ford, საავტომობილო ბაზრის დომინანტი მაშინ, როდესაც საავტომობილო ბაზარი ჯერ კიდევ ჩამოყალიბების პროცესში იყო, Ford Model T იყო დომინანტი მანქანა. 1916 წლის მონაცემებით, ის მსოფლიოში ყველა ავტომობილის 55%-ს შეადგენდა.

ილია ჭავჭავაძე: "როცა პრუსიამ წაართვა საფრანგეთს ელზასი და ლოტარინგია და პარლამენტში ჩამოვარდა საუბარი მასზედ, თუ რაგვარი მმართველობა მივცეთო ამ ახლად დაჭერილს ქვეყნებს, ბისმარკმა აი, რა სთქვა: ,,ჩვენი საქმე ელზასსა და ლოტარინგიაში თვითმმართველობის განძლიერება უნდა იყოსო. ადგილობრივნი საზოგადოების კრებანი უნდა დავაწყოთო ადგილობრივის მმართველობისთვისაო. ამ კრებათაგან უფრო უკეთ გვეცოდინება იმ ქვეყნების საჭიროება, ვიდრე პრუსიის მოხელეთაგანა. ადგილობრივთა მცხოვრებთაგან ამორჩეულნი და დაყენებულნი მოხელენი ჩვენთვის არავითარს შიშს არ მოასწავებენ. ჩვენგან დანიშნული მოხელე კი მათთვის უცხო კაცი იქნება და ერთი ურიგო რამ ქცევა უცხო კაცისა უკმაყოფილებას ჩამოაგდებს და ეგ მთავრობის განზრახვასა და სურვილს არ ეთანხმება. მე უფრო ისა მგონია, რომ მათგან ამორჩეულნი მოხელენი უფრო ცოტას გვავნებენ, ვიდრე ჩვენივე პრუსიის მოხელენი”. თუ იმისთანა კაცი, როგორც ბისმარკი, რომელიც თავისუფლების დიდი მომხრე მაინდამაინც არ არის, ისე იღვწოდა თვითმმართველობისათვის, მერე იმ ქვეყნების შესახებ, რომელთაც გერმანიის მორჩილება არამც თუ უნდოდათ, არამედ ეთაკილებოდათ, თუ ამისთანა რკინის გულისა და მარჯვენის კაცი, როგორც ბისმარკი, სხვა გზით ვერ ახერხებდა ურჩის ხალხის გულის მოგებას, თუ არ თვითმმართველობის მინიჭებითა, სხვას რაღა ეთქმის."

დედამიწაზე არსებული ცოცხალი არსებებიდან მხოლოდ ადამიანს და კოალას აქვთ თითის ანაბეჭდი

ინდოელი დიასახლისები მსოფლიო ოქროს მარაგის 11% ფლობენ. ეს უფრო მეტია, ვიდრე აშშ-ს, სავალუტო ფონდის, შვეიცარიის და გერმანიის მფლობელობაში არსებული ოქრო, ერთად აღებული.

დადგენილია, რომ სასოფლო-სამეურნეო კულტურათა მოსავლიანობის განმსაზღვრელ კომპლექსურ პირობათა შორის, ერთ-ერთი თესლის ხარისხია. მაღალხარისხოვანი ჯიშიანი თესლი ერთ-ერთი მნიშვნელოვანი ფაქტორია მოსავლიანობის გასადიდებლად, რაც აგრეთვე დასაბუთებულია ხალხური სიბრძნით "რასაც დასთეს, იმას მოიმკი". - ქართული გენეტიკისა და სელექცია–მეთესლეობის სკოლის ერთ-ერთი ფუძემდებელი, მეცნიერებათა დოქტორი, აკადემიკოსი პეტრე ნასყიდაშვილი

ებოლა, SARS-ი, ცოფი, MERS-ი, დიდი ალბათობით ახალი კორონავირუსი COVID-19-იც, ყველა ამ ვირუსული დაავადების გავრცელება ღამურას უკავშირდება.

ყველაზე დიდი ეპიდემია კაცობრიობის ისტორიაში იყო ე.წ. "ესპანკა" (H1N1), რომელსაც 1918-1919 წლებში მიახლოებით 100 მილიონი ადამიანის სიცოცხლე შეეწირა, ანუ დედამიწის მოსახლეობის 5,3 %.

იცით თუ არა, რომ მონაკოს ნაციონალური ორკესტრი უფრო დიდია, ვიდრე ქვეყნის არმია.