როგორი ამინდია დღეს საქართველოში

როგორი ამინდია დღეს საქართველოში

дата: 459

21 ივლისს თბილისში ჰაერის ტემპერატურა დღისით +38 გრადუსს მიაღწევს, ღამით კი +21 გრადუსია მოსალოდნელი.

რუსთავში დღისით ჰაერი +39 გრადუსამდე გათბება, ღამით კი +23 გრადუსი დაფიქსირდება.

ქუთაისში უნალექო დღე და +35 გრადუსია მოსალოდნელი, ღამით კი +19 გრადუსი იქნება. ოზურგეთში დღე უმეტესად ნალექიანი იქნება. ჰაერის ტემპერატურა დღისით +28 გრადუსი იქნება, ღამით კი +17 გრადუსია ნავარაუდევი. ბათუმში დღისით ჰაერი +29 გრადუსამდე გათბება, მოსალოდნელია წვიმა, ღამით კი +22 გრადუსი დაფიქსირდება.

ფოთში დღისით ჰაერი +30 გრადუსამდე გათბება, უმეტესად უნალექოდ ჩაივლის დღე, ღამით კი +22 გრადუსია მოსალოდნელი. ზუგდიდშიც უნალექო დღეა ნავარაუდევი. დღისით +34 გრადუსი იქნება, ღამით კი +19 გრადუსია ნავარაუდევი. სოხუმში ჰაერის ტემპერატურა დღისით +32 გრადუსს მიაღწევს, ღამით კი +20 გრადუსი იქნება.

მესტიაში დღისით +23 გრადუსი იქნება, ღამით კი +9 გრადუსი დაფიქსირდება. მოსალოდნელია წვიმა. ამბროლაურში დღისით ჰაერი +33 გრადუსამდე გათბება, აქ უნალექო დღეა მოსალოდნელი, ღამით კი +15 გრადუსი დაფიქსირდება.

ჭიათურაში უნალექო დღეა მოსალოდნელი, ჰაერის ტემპერატურა დღის განმავლობაში +36 გრადუსია მოსალოდნელი, ღამით კი +18 გრადუსი დაფიქსირდება. უმეტესად უნალექო დღეა მოსალოდნელი ახალციხეში, სადაც დღისით +31 გრადუსია მოსალოდნელი, ღამის განმავლობაში კი ჰაერის ტემპერატურა +15 გრადუსამდე დაიწევს.

+32 გრადუსი და უმეტესად მზიანი დღეა მოსალოდნელი ბორჯომში, ღამის განმავლობაში +16 გრადუსი დაფიქსირდება. ბაკურიანში დღისით +23 გრადუსი დაფიქსირდება, ღამით კი +10 გრადუსი იქნება.

გორში +38 გრადუსია მოსალოდნელი, ღამის განმავლობაში +19 გრადუსი დაფიქსირდება. ცხინვალში დღისით ჰაერი +36 გრადუსამდე გათბება, ღამით კი +16 გრადუსი იქნება.

ნალექიანი დღეა მოსალოდნელი გუდაურში, დღისით +27 გრადუსია ნავარაუდევი, ღამით კი ჰაერის ტემპერატურა +18 გრადუსი იქნება. ომალოში დღისით ჰაერი +23 გრადუსამდე გათბება, ღამით კი +9 გრადუსი დაფიქსირდება. მოსალოდნელია წვიმა

ლაგოდეხში წბვიმაა ნავარაუდები. ჰაერის ტემპერატურა დღის განმავლობაში +34 გრადუსი იქნება, ღამით კი +21 გრადუსი დაფიქსირდება. თელავში, დღის განმავლობაში, +37 გრადუსი დაფიქსირდება, ღამით კი +20 გრადუსია მოსალოდნელი.

გურჯაანში დღისით ჰაერი +39 გრადუსამდე გათბება, ღამით კი +22 გრადუსი დაფიქსირდება. უმეტესად მზიანი დღე და +38 გრადუსია მოსალოდნელი სიღნაღში, ღამით კი +24 გრადუსი იქნება.

Тбилиси

კრწანისის რაიონის გამგებელმა, ლაშა ცაგურიამ მიმდინარე წელს განხორციელებული პროექტების შესახებ ანგარიში წარადგინა

კრწანისის რაიონის გამგებელმა, ლაშა ცაგურიამ მიმდინარე წელს განხორციელებული ინფრასტრუქტურული, სოციალური, საგანმანათლებლო, კულტურული და სპორტული პროექტების შესახებ ანგარიში წარადგინა.

წლიური ანგარიშის პრეზენტაციას თბილისის მერის მოადგილე კახა აბულაძე დაესწრო.

როგორც რაიონის გამგებელმა აღნიშნა, 2025 წელს კრწანისის რაიონში არაერთი მნიშვნელოვანი პროექტი დასრულდა, მათ შორის, სრულად განახლდა ზემო ფონიჭალის ცენტრალური ქუჩა, სადაც მოეწყო 1 372 გრძივი მეტრი დახურული სანიაღვრე ქსელი, გრუნტის დამჭერი კედელი, გასუფთავდა უკანონოდ შემოღობილი ტერიტორიები და მათ ნაცვლად გამწვანების თარგები მოეწყო. პროექტის განსახორციელებლად ადგილობრივი ბიუჯეტიდან 3 000 000 ლარზე მეტი დაიხარჯა.

სულ, საანგარიშო პერიოდში საგზაო ინფრასტრუქტურა 84 მისამართზე მოწესრიგდა.

რაც შეეხება მწვანე სივრცეებს, რაიონში 12 მისამართზე მოეწყო და რეაბილიტირდა სკვერები და მოსასვენებელი ზონები, ხოლო 98 მისამართზე მცირე სარემონტო სამუშაოები ჩატარდა.

“ბინათმესაკუთრეთა ამხანაგობების განვითარების ხელშეწყობის“ პროგრამის ფარგლებში, 183 პროექტი განხორციელდა, კერძოდ რეაბილიტირდა სახურავები, ლიფტები, წყალარინების სისტემები და შეკეთდა სართულშუა ნაპრალები.

როგორც პრეზენტაციაზე აღინიშნა, კრწანისში მცხოვრებ 8000-ზე მეტ განმცხადებელს სხვადასხვა სახის სოციალური დახმარება გაეწია.

ამასთან, გამგეობის ორგანიზებით, მოეწყო სხვადასხვა სპორტული, შემეცნებითი და გასართობი ღონისძიება.

ანგარიშის პრეზენტაციას, თბილისის მერის მოადგილის გარდა, ესწრებოდნენ კრწანისის მაჟორიტარი დეპუტატი საკრებულოში ლევან ჯაფარიძე, თბილისის საკრებულოს განათლებისა და კულტურის კომისიის თავმჯდომარე ბექა ოდიშარია და თბილისის საკრებულოს ჯანმრთელობის დაცვისა და სოციალურ საკითხთა კომისიის თავმჯდომარე ბექა მიქაუტაძე.

более